ᓭᐣᐟ ᓬᐅᐠ 17
17
1ᐁᑯᓯ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᓇᒪᐃᐧᔭ ᑭᑕ ᑭ ᐃᑭᕽ ᐁᑳ ᑭᑕ ᐊᔭᑭ ᐱᓱᑫᓯᓄᐃᐧᓇ: ᒫᑲ ᑲᑳᐧᑕᑭᓯᐤ ᐊᓇ, ᑳ ᐅᐦᒋ ᐊᔮᑭ. 2ᓇᐊᐧᐨ ᑭᑕ ᑭ ᒥᔮᐧᓯᓂᔨᐸᐣ ᐱᓂᐳᒋᑲᓇᓯᓂᔭ ᑭ ᓴᑲᐱᑎᒥᐦᐟ ᐅᑲᐧᔮᕽ, ᐁᑯᓯ ᑭᐦᒋᑲᒥᕽ ᑭ ᐃᓯ ᐸᑲᐢᑕᐁᐧᐁᐧᐱᓂᐦᐟ, ᐃᐢᐱᐨ ᑭᑕ ᐱᓱᑫᓯᓄᐋᐟ ᐯᔮᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ. 3#ᒫᐟᔪ 18:15ᐊᔮᑳᐧᒥᓯᐠ ᒫᑲ; ᑭᐢᐱᐣ ᑭᒋᐋᐧᒼ ᓇᔦᑖᐃᐧᑐᑖᐢᑭ, ᑭᑕᐦᐊᒪᐤ: ᑭᐢᐱᐣ ᒥᐦᑖᑖᑭ, ᐳᓀᔨᑕᒪᐤ. 4ᒥᓇ ᑭᐢᐱᐣ ᓇᔦᑖᐃᐧᑐᑖᐢᑭ ᑌᐸᑯᑊ ᑕᐦᑖᐧᐤ ᐯᔭᑳᐧᐤ ᐁ ᑭᓯᑳᐠ, ᐁᑯᓯ ᑌᐸᑯᑊ ᑕᐦᑖᐧᐤ ᑫᐧᐢᑭᐢᑖᐢᑭ, ᐁ ᐃᑌᐧᐟ, ᓂ ᒥᐦᑖᑌᐣ; ᑭ ᑲ ᐳᓀᔨᑕᒪᐋᐧᐤ.
5ᐁᑯᓯ ᐊᐸᐢᑎᓬᐊᐠ ᑭ ᐃᑌᐊᐧᐠ ᑳ ᑎᐯᔨᐦᒋᑫᔨᐟ, ᔭᑭᑖ ᓂ ᑖᐯᐧᐊᐧᑫᔨᑕᒧᐃᐧᓂᓈᐣ, 6ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᑭᐢᐱᐣ ᐊᔮᔦᐠ ᑖᐯᐧᐊᐧᑫᔨᑕᒧᐃᐧᐣ ᑖᐱᐢᑯᐨ ᐯᔭᑯᒥᐣ ᐊᐢᐸᒋᑲᓂ ᑭᐢᑎᑳᓂᐢ, ᑭ ᑲ ᐃᑖᐋᐧᐤ ᐊᐊᐧ ᓯᑲᒪᐩᓈᑎᐠ ᐸᑲᐧᒋᒉᐱᑭᐸᔨ, ᐁᑯᓯ ᓇᑕᐃᐧ ᐃᑕᐢᑭᓱ ᑭᐦᒋᑲᒥᕽ; ᑭ ᑲ ᓇᓇᐃᑖᑯᐋᐧᐤ. 7ᒫᑲ ᐊᐁᐧᓇ ᑭᔭᐋᐧᐤ, ᐁ ᐊᔮᐋᐧᐟ ᐊᑐᐢᑫᔮᑲᓇ ᐁ ᐱᑯᐱᒋᑫᔨᐟ, ᐊᐦᐳ ᐁ ᐊᓴᒫᔨᐟ ᒫᔭᑎᐦᑲᐧ, ᑫ ᐃᑖᐟ ᐯ ᑭᐁᐧᔨᒋ ᑭᐢᑎᑳᓂᕽ ᐅᐦᒋ, ᐊᐢᑕᒼ ᓭᒫᐠ ᐯ ᓇᐃᐱ ᑭᑕ ᒥᒋᓱᔭᐣ; 8ᒫᑲ ᐁᑳ ᔮᔭᐤ ᑭᑕ ᐃᑖᐟ, ᐊᐧᐁᐧᔨᑖ ᑫ ᒥᒋᔮᐣ, ᐁᑯᓯ ᒫᑲ ᐸᑲᐧᑌᐦᐅ, ᒥᓇ ᐸᒥᐦᐃᐣ, ᐃᔨᑯᕽ ᑭ ᒥᒋᓱᔮᓂ ᒥᓇ ᑭ ᒥᓂᑫᐧᔮᓂ; ᐁᑲᐧ ᐹᑐᐢ ᑭ ᑲ ᒥᒋᓱᐣ ᒥᓇ ᑭ ᑲ ᒥᓂᑳᐧᐣ? 9ᓇᓈᐢᑯᒣᐤ ᒋ ᐊᓂᐦᐃ ᐊᑐᐢᑫᔮᑲᓇ ᒋᑫᒫ ᐁ ᐃᑐᑕᒥᔨᐟ ᐊᓂᐦᐃ ᑳ ᑭ ᐃᓯ ᓯᑭᒪᐟ? 10ᐁᑯᓯ ᒣᐧᐦᒋ ᒥᓇ ᑭᐢᑕᐋᐧᐤ, ᐃᐢᐱ ᑭ ᐃᑐᑕᒣᑯ ᑲᐦᑭᔭᐤ ᐊᓂᐦᐃ ᑳ ᐃᓯ ᓯᑭᒥᑲᐃᐧᔦᐠ, ᐃᑌᐧᐠ, ᓂᔭᓈᐣ ᐊᑐᐢᑫᔮᑲᓇᐠ ᐁᑳ ᑳ ᐋᐸᑌᔨᑖᑯᓯᒋᐠ; ᓂ ᑭ ᑐᑌᓇᐣ ᐱᑯ ᐊᓂᒪ ᑳ ᐃᑕᐢᑌᐠ ᑭᑕ ᑐᑕᒫᕽ.
11ᑭ ᐊᔨᑭᐣ ᒫᑲ, ᒉᕒᐅᓴᓬᐊᒥᕽ ᐁ ᐊᑎ ᐃᑐᐦᑌᐟ, ᑭ ᐱᒥ ᓵᐳᑎᐤ ᓴᒣᕒᐃᐊᐃᕽ ᒥᓇ ᑳᓬᐊᓬᐃᕽ. 12ᐁᑯᓯ ᐯᔭᐠ ᑭᐢᑕᐱᐃᐧᓂᕽ ᐁ ᐊᑎ ᐱᐦᑐᑫᐟ, ᑭ ᓇᑭᐢᑳᐠ ᒥᑖᑕᐟ ᓈᐯᐊᐧ ᐁ ᒪᒑᐢᐱᓀᔨᐟ ᐊᐧᔭᐤ ᐁ ᓂᐸᐃᐧᔨᐟ, 13ᑭ ᑌᐯᐧᐊᐧᐠ ᒫᑲ, ᐁ ᐃᑌᐧᒋᐠ, ᒋᓴᐢ, ᐅᑭᐢᑭᓄᐦᐊᒫᑫᐤ, ᑭᑎᒫᑭᓇᐃᐧᓈᐣ, 14#ᓬᐃᐱᑎᑲᐢ 14:1-32ᐃᐢᐱ ᒫᑲ ᐃᐧᔮᐸᒫᐟ, ᑭ ᐃᑌᐤ, ᓂᔭᐠ ᑭ ᑲ ᐊᐧᐸᒥᑯᐊᐧᐊᐧᐠ ᐊᔭᒥᐦᐁᐃᐧᔨᓂᐊᐧᐠ. ᐁᑯᓯ ᑭ ᐃᐢᐸᔨᐤ, ᐁ ᐊᑎ ᐃᑐᐦᑌᒋᐠ, ᑭ ᐯᑭᐋᐊᐧᐠ. 15ᐯᔭᐠ ᒫᑲ, ᐃᐢᐱ ᐃᐧᔮᐸᐦᑕᕽ ᐁ ᑭ ᐃᔨᓂᑲᐃᐦᐟ, ᑭ ᐯ ᑭᐁᐧᐤ, ᐁ ᑭᓯᐁᐧᐟ ᐁ ᒪᒥᒋᒫᐟ ᑭᓭᒪᓂᑐᐊᐧ; 16ᐅᓯᑎᔨᕽ ᒫᑲ ᐁ ᐸᐦᑭᓯᕽ, ᑭ ᓇᓈᐢᑯᒣᐤ: ᑭ ᓴᒫᕒᐃᑕᓂᐃᐧᐤ ᒫᑲ. 17ᐁᑯᓯ ᒋᓴᐢ ᐁ ᓇᐢᑫᐧᐊᐧᓯᒫᐟ ᑭ ᐃᑌᐤ, ᓇᒪ ᒋ ᒥᑖᑕᐟ ᑭ ᐯᑭᐋᐊᐧᐠ? ᑕᓂᐁᐧᑳ ᒫᑲ ᐊᓂᑭ ᑫᑳᐟ ᒥᑖᑕᐟ? 18ᓇᒪᐃᐧᔭ ᒋ ᑭ ᒥᐢᑲᐋᐧᐊᐧᐠ ᑭᑕ ᐯ ᑭᐁᐧᒋᐠ ᑭᑕ ᒪᒥᒋᒪᒋᐠ ᑭᓭᒪᓂᑐᐊᐧ, ᐱᑯ ᐊᐊᐧ ᒫᓂᑌᐤ? 19ᐁᑯᓯ ᒫᑲ ᑭ ᐃᑌᐤ, ᐸᓯᑯ, ᒥᓇ ᓯᐯᐧᐦᑌ, ᑭ ᑖᐯᐧᐊᐧᑫᔨᑕᒧᐃᐧᐣ ᑭ ᑭ ᐃᔨᓂᑲᐃᑯᐣ.
20ᐃᐢᐱ ᒫᑲ ᐁ ᑲᑫᐧᒋᒥᑯᐟ ᐸᕒᐊᓯᐊᐧ; ᑕᓂᐢᐱ ᑫ ᑕᑯᓯᓄᒪᑲᓂᔨᐠ ᐅᐟ ᐅᑌᓇᐃᐧᐃᐧᓂᔨᐤ ᑭᓭᒪᓂᑐᐊᐧ, ᑭ ᓇᐢᑫᐧᐊᐧᓯᒣᐤ ᒥᓇ ᐁ ᑭ ᐃᑖᐟ, ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ ᓇᒪᐃᐧᔭ ᑭᑕ ᑕᑯᓯᓄᒪᑲᓂᔨᐤ ᐁ ᑭᑳᔮᐸᑕᒥᕽ. 21ᒥᓇ ᒫᑲ ᓇᒪᐃᐧᔭ ᑭᑕ ᐃᑌᐧᐊᐧᐠ, ᐋᐧᐸᐦᑕᒧᐠ ᐅᑕ, ᐊᐁᐧᑲ, ᐋᐧᐸᐦᑕᒧᐠ ᓀᑌ? ᒋᑫᒫ ᒋᐢᐟ, ᐅᐟ ᐅᑐᑌᓇᐃᐧᐃᐧᐣ ᑭᓭᒪᓂᑐ ᑭ ᑭᑭᐢᑳᑯᓈᐋᐧᐤ. 22ᐁᑯᓯ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᐊᓂᐦᐃ ᑭᓯᑳᐊᐧ ᑭᑕ ᐅᑎᐦᒋᐸᔨᐊᐧ, ᐃᐢᐱ ᑫ ᐊᑳᐋᐧᑕᒣᐠ ᑭᑕ ᐋᐧᐸᐦᑕᒣᐠ ᐯᔭᐠ ᐅ ᑭᓯᑳᒪ ᐃᔨᓂᐃᐧᑯᓯᓵᐣ, ᐁᑯᓯ ᐁᑳ ᑭᑕ ᐋᐧᐸᐦᑕᒣᐠ. 23ᑭ ᑲ ᐃᑎᑯᐋᐧᐊᐧᐠ ᒫᑲ, ᐋᐧᐸᐦᑕᒧᐠ, ᓀᑌ? ᐋᐧᐸᐦᑕᒧᐠ, ᐅᑕ? ᐁᑳᐃᐧᔭ ᓯᐯᐧᑌᐠ ᐊᐦᐳ ᐱᒥᑎᓴᐅᑯᐠ; 24ᒋᑫᒫ ᑖᐱᐢᑯᐨ ᑳ ᐊᐧᓴᐢᑯᑌᐸᔨᐠ, ᐯᔭᑯᔭᐠ ᐅᐦᒋ ᓯᐹ ᑭᓯᑯᕽ ᐁᑯᓯ ᑳ ᐅᑎᑖᐢᑌᐸᔨᐠ ᑫᐧᐢᑭ ᐃᑌᑫ, ᓯᐸ ᑭᓯᑯᕽ ᐁᑯᓯ ᒣᐧᐦᒋ ᑫ ᐃᓯ ᐊᔮᐠ ᐃᔨᓂᐃᐧᑯᓯᓵᐣ ᐅ ᑭᓯᑳᒥᕽ. 25ᒫᑲ ᓂᑳᐣ ᒥᒉᑕᐧᔭᐠ ᑭᑕ ᐃᓯ ᑲᑳᐧᑕᑭᑖᐤ ᒥᓇ ᑭᑕ ᐋᑕᐁᐧᔨᒥᐠ ᐅᐦᐃ ᐊᔨᓯᔨᓂᐊᐧ.
26 #
ᒉᓂᓯᐢ 6:5-8
ᒣᐧᐦᒋ ᒫᑲ ᑳ ᑭ ᐃᑭᕽ ᐁ ᐅ ᑭᓯᑳᒥᐟ ᓄᐊ, ᐁᑯᓯ ᒣᐧᐦᒋ ᑫ ᐃᑭᕽ ᐅ ᑭᓯᑲᒥᕽ ᐃᔨᓂᐃᐧᑯᓯᓵᐣ. 27#ᒉᓂᓯᐢ 7:6-24ᑭ ᒥᒋᓱᐊᐧᐠ, ᒥᓇ ᑭ ᒥᓂᑫᐧᐊᐧᐠ, ᑭ ᐃᐧᐃᐧᐊᐧᐠ, ᑭ ᒣᑭᐢᑫᐧᐋᐧᓂᐊᐧᐣ, ᐃᔨᑯᕽ ᐊᓂᒪ ᑭᓯᑳᐤ ᓄᐊ ᑳ ᐳᓯᐟ ᑭᐦᒋ ᓈᐱᑳᐧᓂᕽ, ᐁᑯᓯ ᐁ ᔨᐢᑭᐯᐸᔨᐠ, ᑲᐦᑭᔭᐤ ᒫᑲ ᐁ ᑭ ᓂᓯᐊᐧᓈᒋᐃᑯᒋᐠ. 28#ᒉᓂᓯᐢ 18:20—19:25ᒥᓇ ᒫᑲ ᒣᐧᐦᒋ ᑳ ᑭ ᐃᑭᕽ ᐁ ᒣᑲᐧ ᐅ ᑭᓯᑲᒥᐟ ᓬᐋᐟ; ᑭ ᒥᒋᓱᐊᐧᐠ, ᑭ ᒥᓂᑫᐧᐊᐧᐠ, ᑭ ᐊᑕᐁᐧᐊᐧᐠ, ᑭ ᐊᑕᐋᐧᑫᐊᐧᐠ, ᑭ ᑭᐢᑎᑫᐊᐧᐠ, ᑭ ᐋᐧᐢᑳᐦᐃᑲᓂᑫᐊᐧᐠ; 29ᒫᑲ ᐊᓂᒪ ᑭᓯᑳᐤ ᓬᐋᐟ ᑳ ᑭ ᐊᐧᔭᐃᐧᐟ ᓵᑕᒥᕽ ᐅᐦᒋ ᑭ ᐸᐦᑭᐦᑎᐣ ᐃᐢᑯᑌᐤ ᒥᓇ ᐃᐢᑯᑌᓯᑲᐣ ᑭᓯᑯᕽ ᐅᐦᒋ, ᑲᐦᑭᔭᐤ ᒫᑲ ᐁ ᑭ ᓂᓯᐊᐧᓈᒋᐃᑯᒋᐠ; 30ᐁᑯᓯ ᒫᑲ ᐅᒪ ᒣᐧᐦᒋ ᑫ ᐃᑭᓂᔨᐠ ᐊᓂᒪ ᑭᓯᑳᐤ ᐃᐢᐱ ᐃᔨᓂᐃᐧᑯᓯᓵᐣ, ᓄᑯᓯᒋ.
31 #
ᒫᐟᔪ 24:17,18; ᒫᕒᐠ 13:15,16 ᐁᐊᐧᑲᐧᓂᒪ ᑭᓯᑳᑭ, ᐊᓇ ᑳ ᐊᔮᐟ ᑕᑯᐦᐨ ᐋᐧᐢᑳᐦᐃᑲᓂᕽ, ᐁᑯᓯ ᐅᐟ ᐊᔮᐃᐧᓇ ᐱᐦᒋ ᐃᐧᑭᕽ ᐁ ᐊᔭᔨᑭ, ᐁᑳᐃᐧᔭ ᐱᑕ ᑭᑕ ᓂᓵᑕᐃᐧᐤ ᑭᑕ ᓯᐯᐧᑕᑖᐟ, ᒥᓇ ᒫᑲ ᐊᓇ ᑭᐢᑎᑳᓂᕽ ᑳ ᐊᔮᐟ ᐃᐧᐢᑕ ᐁᑳᐃᐧᔭ ᑭᑕ ᐯ ᑭᐁᐧᐤ. 32#ᒉᓂᓯᐢ 19:26ᑲᓄᑭᐢᑭᓯᐠ ᓬᐋᐟ ᐃᐧᐊᐧ. 33#ᒫᐟᔪ 10:39; 16:25; ᒫᕒᐠ 8:35; ᓬᐅᐠ 9:24; ᒑᐣ 12:25ᐊᐃᐧᔭᐠ ᑫ ᐃᐧ ᑲᑫᐧ ᐱᒫᒋᑖᑫᐧ ᐅ ᐱᒫᑎᓯᐃᐧᐣ ᑭᑕ ᐊᐧᓂᑖᐤ; ᒫᑲ ᐊᓇ ᑫ ᐊᐧᓂᑕᑫᐧ ᐅ ᐱᒫᑎᓯᐃᐧᐣ ᑭᑕ ᐱᒫᒋᑕᐤ. 34ᑭ ᐃᐧᐦᑕᒫᑎᓈᐋᐧᐤ, ᐁᐊᐧᑲᐧᓂᒪ ᐁ ᑎᐱᐢᑳᐠ ᑭᑕ ᓂᓯᐊᐧᐠ ᓈᐯᐊᐧᐠ ᐯᔭᐠ ᓂᐯᐃᐧᓂᕽ; ᐯᔭᐠ ᑭᑕ ᐅᑎᓈᐤ, ᐁᑯᓯ ᑯᑕᐠ ᑭᑕ ᓇᑲᑖᐤ. 35ᓂᓱ ᐃᐢᑫᐧᐊᐧᐠ ᑭᑕ ᓂᓱ ᐱᓂᐳᒋᑫᐊᐧᐠ; ᐯᔭᐠ ᑭᑕ ᐅᑎᓈᐤ, ᐁᑯᓯ ᑯᑕᐠ ᑭᑕ ᓇᑲᑖᐤ. 36ᓂᓱ ᓈᐯᐊᐧᐠ ᑭᐢᑎᑳᓂᕽ ᑭᑕ ᐊᔮᐊᐧᐠ, ᐯᔭᐠ ᑭᑕ ᐅᑎᓇᐤ ᑯᑕᐠ ᒫᑲ ᑭᑕ ᓇᑲᑖᐤ. 37ᑭ ᓇᐢᑫᐧᐊᐧᓯᒣᐊᐧᐠ ᒫᑲ ᐁ ᑭ ᐃᑖᒋᐠ, ᑕᓂᑌ, ᑌᐯᔨᐦᒋᑫᔭᐣ? ᐁᑯᓯ ᑭ ᐃᑌᐤ, ᐃᑕ ᐁ ᐊᐢᑌᔨᐠ ᒥᔭᐤ, ᐁᑯᑕ ᒥᑭᓯᐊᐧᐠ ᑫ ᒫᐊᐧᒋᐃᑐᒋᐠ.
Currently Selected:
ᓭᐣᐟ ᓬᐅᐠ 17: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
