ᓭᐣᐟ ᓬᐅᐠ 16
16
1ᐁᑯᓯ ᒥᓇ ᑭ ᐃᑌᐤ ᑭᐢᑭᓄᐦᐊᒪᐋᐧᑲᓇ, ᑭ ᐃᑖᐤ ᐯᔭᐠ ᐁ ᐁᐧᔪᑎᓯᐟ ᐊᔨᓯᔨᓂᐤ, ᑭ ᐊᔮᐁᐧᐤ ᒫᑲ ᐅᐸᒥᑖᓱᐊᐧ; ᐁᑯᓯ ᐁᐊᐧᑲᐧᐊᐧ ᑭ ᒪᒥᓯᒪᐤ ᐁ ᓂᓯᐊᐧᓈᒋᑖᔨᐟ ᑳ ᐸᒥᓇᒧᐋᐟ. 2ᐁᑯᓯ ᑭ ᓇᑐᒣᐤ ᒥᓇ ᑭ ᐃᑌᐤ, ᑫᑲᐧᐩ ᐅᒪ ᑳ ᐃᓯ ᐯᑕᒫᐣ ᐁ ᐃᑎᑲᐃᐧᔭᐣ? ᐋᑐᑕ ᐊᓂᒪ ᑭ ᐸᒥᑖᓱᐃᐧᐣ; ᒋᑫᒫ ᓇᒪᐃᐧᔭ ᐊᐊᐧᓯᒣ ᑭ ᑲ ᐸᒥᑖᓱᐣ. 3ᐁᑯᓯ ᐅᐸᒥᑖᓱ ᑭ ᐃᑌᐧᐤ ᐅ ᒥᑐᓀᔨᒋᑲᓂᕽ ᑖᓂᓯ ᑫ ᑐᑕᒫᐣ? ᐃᐧᔭ ᓂᐟ ᐅᑭᒫᒼ ᐁ ᐃᐧ ᒪᐢᑲᒥᐟ ᓂ ᐸᒥᓂᑫᐃᐧᐣ? ᓇᒪᐃᐧᔭ ᐁᑯᔨᑯᕽ ᓂ ᒪᐢᑲᐃᐧᓯᐣ ᑭᑕ ᑭ ᒧᓇᐃᑫᔮᐣ: ᐁᑯᓯ ᑭᑕ ᐸᑯᓯᑖᐧᔮᐣ ᓂ ᓀᐯᐃᐧᓯᐣ? 4ᓂ ᑭᓭᔨᑌᐣ ᑖᓂᓯ ᑫ ᑐᑕᒫᐣ, ᐃᐢᐱ, ᐊᐧᔭᐃᐧᐁᐧᐱᓂᑲᐃᐧᔭᓂ ᓂ ᐸᒥᓂᑫᐃᐧᓂᕽ ᐅᐦᒋ, ᑭᑕ ᐱᑐᑲᐃᒋᐠ ᐃᐧᑭᐋᐧᕽ. 5ᐁᑯᓯ ᑭ ᓇᑐᒣᐤ ᑳ ᐃᐦᑕᓯᔨᐟ ᐊᓂᐦᐃ ᑳ ᒪᓯᓇᐦᐊᒪᐋᐧᔨᐟ ᐅᐟ ᐅᑭᒫᒪ, ᐁ ᑭ ᐃᑕᐟ ᐊᓂᐦᐃ ᓂᐢᑕᒼ, ᑖᓂᔨᑯᕽ ᒪᓯᓇᐊᒪᐊᐧᐟ ᓂᐟ ᐅᑭᒫᒼ; 6ᑭ ᐃᑎᐠ ᒫᑲ, ᒥᑖᑕᐟ ᑎᐸᐃᑲᐣ ᐱᒥ, ᐁᑯᓯ ᑭ ᐃᑌᐤ, ᐅᑎᓇ ᑭ ᒪᓯᓇᐦᐃᑲᐣ ᐁᑯᓯ ᓇᐦᐊᐱ, ᑫᓯᐢᑲᐤ ᒫᑲ ᒪᓯᓇᐦᐊ ᓂᔮᓇᓄᒥᑕᓇᐤ. 7ᐁᑯᓯ ᒥᓇ ᑯᑕᑲ ᑭ ᐃᑌᐤ, ᑖᓂᔨᑯᕽ ᑭᔭ ᒪᓯᓇᐃᑫᔭᐣ? ᑭ ᐃᑌᐧᔨᐊᐧ ᒫᑲ, ᒥᑖᑕᐦᑐᒥᑕᓇᐤ ᒪᑲᕽ ᐸᑫᐧᓯᑲᓂᑳᐣ: ᑭ ᐃᑌᐤ ᒫᑲ, ᐅᑎᓇ ᑭ ᒪᓯᓇᐦᐃᑲᐣ ᐁᑯᓯ ᐊᔨᓈᓀᒥᑕᓇᐤ ᒪᓯᓇᐦᐊ. 8ᐅᐟ ᐅᑭᒫᒪ ᒫᑲ ᑭ ᒪᒥᒋᒣᐤ ᐁᑳ ᑲᐧᔭᐢᐠ ᑳ ᐃᑖᑎᓯᔨᐟ ᐅᐸᒥᓂᑫᐊ ᒋᑫᒫ ᐁ ᑭ ᐃᔨᓂᓯᐃᐧ ᐃᓯᐦᒋᑫᔨᐟ; ᒋᑫᒫ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᐅᒪ ᐊᐢᑭ ᐃᐧᔭᐋᐧᐤ ᐅ ᒣᑳᐧ ᐱᒫᑎᓯᐃᐧᓂᐋᐧᐤ ᓇᐊᐧᐨ ᐃᔨᓂᓯᑲᑕᒪᐧᐠ ᐃᐢᐱᐨ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᐋᐧᐢᑌᐤ. 9ᒥᓇ ᒫᑲ ᑭᐟ ᐃᑎᓈᐋᐧᐤ, ᐅᑐᑌᒥᑕᒫᓱᐠ ᐊᓂᒪ ᐁᐧᔪᑎᓯᐃᐧᐣ ᐅᐦᒋ ᐁᑳ ᑳ ᑲᐧᔭᐢᑲᐧᕽ ᐃᐢᐱ ᒫᑲ ᓄᑌᐸᔨᔦᑯ, ᑭᑕ ᐱᑕᑲᐃᑯᔦᑳᐧᐤ ᑳᑭᑫ ᐃᑖᐃᐧᓂᕽ. 10ᐊᓇ ᑳ ᐊᔮᑳᐧᒥᓯᑲᑕᕽ ᐁ ᐊᐱᐢᑌᔨᑖᑲᐧᓂᔨᐠ ᐊᔭᑲᐧᒥᓯᑲᑕᒼ ᐊᓂᒪ ᒥᐢᑕᐦᐃ ᑳ ᐃᑌᔨᑖᑲᐧᓂᔨᐠ; ᒥᓇ ᐊᓇ ᐁᑳ ᑲᐧᔭᐢᐠ ᑳ ᐃᑖᑎᓯᑲᑕᕽ ᑳ ᐊᐱᐢᑌᔨᑖᑲᐧᓂᔨᐠ, ᓇᒪᐃᐧᔭ ᑲᐧᔭᐢᐠ ᐃᑖᑎᓯᑲᑕᒼ ᐊᓂᒪ ᒥᐢᑕᐦᐃ ᑳ ᐃᑌᔨᑖᑲᐧᓂᔨᐠ. 11ᑭᐢᐱᐣ ᒫᑲ ᓇᒪᐃᐧᔭ ᑭ ᑭ ᐊᔮᑲᐧᒥᓯᑲᑌᓈᐋᐧᐤ ᐁᐧᔪᑎᓯᐃᐧᐣ ᐁᑳ ᑳ ᑲᐧᔭᐢᑲᐧᕽ, ᐊᐁᐧᓇ ᑫ ᑲᓇᐁᐧᔨᑕᒧᐃᑯᔦᐠ ᑖᐯᐧ ᐁᐧᔪᑎᓯᐃᐧᓇ. 12ᒥᓇ ᒫᑲ ᑭᐢᐱᐣ ᓇᒪᐃᐧᔭ ᑭ ᑭ ᐊᔮᑲᐧᒥᓯᑲᑕᒫᐧᓈᐋᐧᐤ ᑯᑕᐠ ᐊᐃᐧᔭᐠ ᑳ ᐊᔮᐟ, ᐊᐁᐧᓇ ᑫ ᒥᔨᑯᔦᐠ ᐊᓂᒪ ᑳ ᑎᐱᔭᐁᐧᐃᐧᓯᔦᐠ ᑭᔭᐋᐧᐤ. 13#ᒫᐟᔪ 6:24ᓇᒪᐃᐧᔭ ᐊᐃᐧᔭᐠ ᐊᑐᐢᑫᔮᑲᐣ ᑭᑕ ᑭ ᐊᑐᐢᑲᐁᐧᐤ ᓂᓱ ᐅᑭᒫᐊᐧ: ᒋᑫᒫ ᐃᑕᐊᐧᐣ ᐯᔭᐠ ᑭᑕ ᐸᑲᐧᑌᐤ, ᐁᑯᓯ ᑭᑕ ᓵᑭᐦᐁᐤ ᑯᑕᑲ: ᐊᐁᐧᑳ ᑭᑕ ᑭᐢᑌᔨᒣᐤ ᐯᔭᐠ, ᐁᑯᓯ ᑯᑕᑲ ᑭᑕ ᐱᐁᐧᔨᒣᐤ. ᓇᒪᐃᐧᔭ ᑭ ᑲ ᑭ ᐸᒥᐢᑕᐋᐧᐋᐧᐤ ᑭᓭᒪᓂᑐ ᒥᓇ ᒫᒪᐣ.
14ᐸᕒᐊᓯᐊᐧᐠ ᒫᑲ, ᐃᐧᔭ ᐁ ᓵᑭᐦᐋᒋᐠ ᓱᓂᔮᐊᐧ, ᑭ ᐯᑕᒪᐧᐠ ᑲᐦᑭᔭᐤ ᐅᐦᐃ ᐃᑌᐧᐃᐧᓇ; ᐁᑯᓯ ᐁ ᑭ ᐱᐊᐧᐱᐋᒋᐠ. 15ᐁᑲᐧ ᒫᑲ ᑭ ᐃᑌᐤ, ᑭᔭᐋᐧᐤ ᐊᓂᑭ ᑳ ᑲᐧᔭᐢᑳᐧᑎᓯᐊᐧᑫᔨᒥᓱᔦᐠ ᐁ ᐃᓯ ᐋᐧᐸᒥᑯᔦᑯᐠ ᐊᔨᓯᔨᓂᐊᐧᐠ; ᒫᑲ ᑭᓭᒪᓂᑐ ᑭᐢᑫᔨᑕᒼ ᑭ ᑌᐃᐋᐧᐊᐧ; ᒋᑫᒫ ᐊᓂᒪ ᒥᐢᑕᐦᐃ ᑳ ᐃᑌᔨᑖᑲᐧᕽ ᐊᔨᓯᔨᓂᓇᕽ ᐸᑳᐧᑎᑲᐧᐣ ᐃᓯ ᑲᓇᐋᐧᐸᐦᑕᒼ ᐃᐧᔭ ᑭᓭᒪᓂᑐ. 16#ᒫᐟᔪ 11:12,13ᐅᔭᓱᐁᐧᐃᐧᐣ ᒥᓇ ᐅᑭᐢᑭᐁᐧᐦᐃᑫᐊᐧᐠ ᑭ ᐊᔮᐊᐧᐠ ᐃᔨᑯ ᒑᐣ; ᐁᑯᐢᐱ ᐊᐢᐱᐣ ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ ᐋᑐᒋᑲᑌᐤ, ᐁᑯᓯ ᑳ ᐃᑕᓯᐟ ᐊᔨᓯᔨᓂᐤ ᐊᑲᒣᔨᒧ ᐁ ᐃᐧ ᐱᐦᑐᑫᐟ. 17#ᒫᐟᔪ 5:18ᒥᓇ ᒫᑲ ᓇᐊᐧᐨ ᐁᐧᑕᐣ ᑭᓯᐠ ᒥᓇ ᐊᐢᑭ ᑭᑕ ᒣᒋᐸᔨᑭ, ᐃᐢᐱᐨ ᐯᔭᐠ ᒐᑭᐯᐃᑲᓂᐢ ᐅᔭᓱᐁᐧᐃᐧᓂᕽ ᑭᑕ ᓄᑌᐸᔨᐠ. 18#ᒫᐟᔪ 5:32; 1 ᑲᕒᐃᐣᑎᔭᓇ 7:10,11ᐱᑯ ᐊᐃᐧᔭᐠ ᐅᐦᐱᒣ ᑫ ᐊᔮᑫᐧ ᐃᐧᐊᐧ, ᒥᓇ ᑯᑕᑲ ᑫ ᐃᐧᑭᒫᑫᐧ, ᐃᑐᑕᒼ ᐱᓯᑳᐧᑎᓯᐃᐧᐣ: ᐁᑯᓯ ᐱᑯ ᐊᐃᐧᔭᐠ ᑫ ᐃᐧᑭᒫᑫᐧ ᐊᓂᐦᐃ ᑳ ᐁᐧᐱᓂᑯᔨᐟ ᐅ ᓈᐯᒪ ᐃᑐᑕᒼ ᐱᓯᑲᐧᑎᓯᐃᐧᐣ.
19ᑭ ᐃᑖᐤ ᐯᔭᐠ ᐁ ᐁᐧᔪᑎᓯᐟ ᐊᔨᓯᔨᓂᐤ, ᐁ ᐃᐧᔭᑕᕽ ᒥᑫᐧᑭᐣ ᒥᓇ ᐁ ᒥᔮᐧᓯᓂᔨᐠ ᐋᐧᐱᐢᑫᑭᐣ ᑕᐦᑐ ᑭᓯᑳᐤ ᒥᓇ ᐁ ᑭ ᒥᔭᐧᒋᑫᐟ: 20ᐁᑯᓯ ᑭ ᐃᑖᐤ ᐯᔭᐠ ᐅᐸᑯᓯᑖᐧᐤ, ᓬᐋᓴᕒᐊᐢ ᐁ ᐃᓯᔨᐦᑳᓱᐟ, ᐁ ᑭ ᐱᒥᓯᒥᐦᐟ ᐅᐟ ᐃᐢᑳᐧᑌᒥᔨᕽ ᒥᓯᐁᐧ ᐁ ᐊᐧᔪᒥᑭᐟ, 21ᐁ ᐊᑳᐋᐧᑕᕽ ᒫᑲ ᑭᑕ ᐊᓴᒥᐦᐟ ᐱᐊᐧᒋᑲᓇ ᑳ ᐸᑭᑎᓂᔨᑭ ᐅᒥᒋᓱᐃᐧᓈᑎᑯᔨᕽ ᐅᐦᒋ ᑳ ᐁᐧᔪᑎᓯᔨᐟ ᓈᐯᐊᐧ; ᐊᑎᒪᐧ ᒫᑲ ᑭ ᐯ ᓄᑳᐧᑕᒥᔨᐊᐧ ᐅᒥᑭᐃᐧᓇ. 22ᐁᑯᓯ ᑭ ᐅᑎᐦᒋᐸᔨᐤ, ᑳ ᑭᑎᒫᑭᓯᐟ ᓈᐯᐤ ᐁ ᑭ ᓂᐱᐟ, ᐁ ᑭ ᐃᑐᑕᐦᐃᑯᐟ ᒫᑲ ᐅᑭᓯᑯᐊᐧ ᐅ ᑕᑯᓂᐁᐧᐃᐧᓂᔨᕽ ᐁᑊᕒᐁᐋᒪ: ᑳ ᐁᐧᔪᑎᓯᐟ ᓈᐯᐤ ᐃᐧᐢᑕ ᑭ ᓂᐱᐤ, ᒥᓇ ᑭ ᓇᐃᓈᐤ. 23ᐦᐁᑎᓯᕽ ᒫᑲ ᑭ ᐊᔨᑖᐱᐤ, ᐁ ᑲᑳᐧᑕᑭᑖᐟ, ᒥᓇ ᐁ ᐊᐧᐸᒪᐟ ᐁᑊᕒᐁᐋᒪ ᐋᐧᔭᐤ ᐅᐦᒋ, ᒥᓇ ᓬᐋᓴᕒᐊᓴ ᐅ ᑕᑯᓂᐁᐧᐃᐧᓂᔨᕽ ᐁ ᐊᔮᔨᐟ. 24ᐁᑯᓯ ᑭ ᑌᐯᐧᐤ ᐁ ᐃᑌᐧᐟ, ᓄᑕ ᐁᑊᕒᐁᐋᒼ, ᑭᑎᒫᑭᓇᐃᐧᐣ, ᒥᓇ ᐯ ᐃᓯᑎᓴᐤ ᓬᐋᓴᕒᐊᐢ, ᑭᑕ ᑭᑖᓇᕽ ᐅ ᐊᐧᓇᐢᑯᒋᒑᐣ ᓂᐱᕽ, ᑭᑕ ᑕᑳᐹᐊᐧᑖᐟ ᓂᑌᔭᓂ; ᐃᐧᔭ ᐁ ᐃᐧᓴᑲᐱᓀᔮᐣ ᐅᑕ ᑳᐧᑯᑌᕽ. 25ᒫᑲ ᐁᑊᕒᐁᐋᒼ ᑭ ᐃᑌᐧᐤ, ᓂᑯᓭ, ᑲᓄᑭᐢᑭᓯ ᒣᑳᐧᐨ ᐁ ᐱᒫᑎᓯᔭᐣ ᑭ ᑭ ᐊᔮᐣ ᐁ ᒥᔭᐧᓯᑭ ᑫᑲᐧᔭ, ᐁᑯᓯ ᐃᐧᔭ ᓬᐋᓴᕒᐊᐢ ᒫᔨ ᑫᑲᐧᔭ; ᒫᑲ ᐁᑲᐧ ᐃᐧᔭ ᑳᑭᒋᐋᐤ, ᐁᑯᓯ ᑭᔭ ᑭ ᑲᑳᐧᑕᑭᑕᐣ. 26ᒥᓇ ᒫᑲ ᒥᓴᐋᐧᐨ, ᑕᐢᑕᐋᐧᔨᕽ ᐃᑕ ᑳ ᐊᔮᔭᕽ ᑭᐢᑕᒋᑳᑌᐤ ᑭᐦᒋ ᐸᓴᑎᓈᐤ, ᐃᑕ ᐅᐦᒋ ᐊᓂᑭ ᑳ ᐃᐧ ᓈᑎᐢᑭᐠ ᐁᑳ ᑭᑕ ᑲᐢᑭᑖᒋᐠ, ᒥᓇ ᐊᓂᑭ ᐁᑯᑌ ᑳ ᐃᐧ ᐯ ᐅᐦᒋ ᐅᑎᐦᑎᑯᔮᑯᐠ. 27ᐁᑯᓯ ᒫᑲ ᑭ ᐃᑌᐧᐤ, ᑭ ᒪᐃᐧᒧᐢᑕᑎᐣ ᒫᑲ ᓄᑕ, ᑭᑕ ᐃᓯᑎᓴᐊᐧᐟ ᓄᑕᐃᐧᔭ ᐃᐧᑭᔨᕽ; 28ᒋᑫᒫ ᓂᔮᓇᓂᐊᐧᐠ ᓂᒋᐋᐧᒪᐠ; ᑭᑕ ᐋᒋᒧᐢᑕᐋᐧᐟ, ᐁᑳ ᐃᐧᐢᑕᐋᐧᐤ ᑭᑕ ᐯ ᐃᑐᐦᑌᒋᐠ ᐅᑕ ᑲᑲᐧᑕᑭᑕᐃᐧᓂᕽ. 29ᐁᑊᕒᐁᐊᒼ ᑭ ᐃᑌᐤ, ᐊᔮᐁᐧᐊᐧᐠ ᒧᓯᓴ ᒥᓇ ᐅᑭᐢᑭᐁᐧᐦᐃᑫᐊᐧ: ᐁᐊᐧᑲᐧᓂ ᑭᑕ ᓇᑐᑕᐁᐧᐊᐧᐠ. 30ᒫᑲ ᑭ ᐃᑌᐧᐤ, ᓇᒪᐃᐧᔭ ᓄᑕ ᐁᑊᕒᐁᐊᒼ; ᒫᑲ ᑭᐢᐱᐣ ᐊᐃᐧᔭ ᓂᐳᐃᐧᓂᕽ ᐅᐦᒋ, ᓈᑎᑯᒋᐠ ᐅ ᑲ ᑫᐧᐢᑲᑎᓯᑖᐋᐧᐤ. 31ᑭ ᐃᑎᐠ ᒫᑲ, ᑭᐢᐱᐣ ᐁᑳ ᓇᑐᑕᐋᐧᑖᐧᐃᐧ ᒧᓯᓴ ᒥᓇ ᐅᑭᐢᑭᐁᐧᐦᐃᑫᐊᐧ, ᓇᒪᐃᐧᔭ ᒥᓇ ᑭᑕ ᑭ ᓴᑯᒋᒫᐊᐧᐠ, ᑭᐢᐱᐣ ᐊᑕ ᐊᐃᐧᔭ ᐊᐧᓂᐢᑳᔨᐟ ᓂᐳᐃᐧᓂᕽ ᐅᐦᒋ.
Currently Selected:
ᓭᐣᐟ ᓬᐅᐠ 16: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
