ᒉᓂᓯᐢ 42

1ᐃᐢᐱ ᒫᑲ ᒉᑲᑊ ᐃᐧᔮᐸᐦᑕᕽ ᐁ ᐃᐦᑖᔨᐟ ᐸᐦᑫᐧᓯᑲᓂᑳᓇ ᐃᒋᑊᐟ ᐊᐢᑭᕽ, ᒉᑲᑊ ᐅᒥᓯ ᑭ ᐃᑌᐤ ᐅᑯᓯᓴ, ᑖᓀᐦᑭ ᑳ ᑕᓯ ᑲᓇᐋᐧᐸᐦᑐᔦᐠ? 2#ᐃᓯᐦᒋᑫᐃᐧᓂᐋᐧᐊᐧ 7:12ᑭ ᐃᑌᐤ ᒫᑲ, ᒫᑎᑲ, ᓂ ᑭ ᐯᐦᑌᐣ ᐁ ᐃᐦᑖᐟ ᐸᐦᑫᐧᓯᑲᓂᑳᐣ ᐃᒋᑊᑎᕽ; ᐁᑯᑌ ᐃᑐᐦᑌᐠ, ᓇᑕᐃᐧ ᐊᑖᐁᐧᐢᑕᒪᐃᐧᓈᐣ, ᑭᑕ ᐱᒫᑎᓯᔭᕽ, ᐁᑳ ᒫᑲ ᑭᑕ ᓂᐱᔭᕽ.

3ᒍᓯᑊ ᒫᑲ ᒥᑖᑕᐦᐟ ᐅᒋᐋᐧᒪ ᑭ ᓇᑕᐃᐧ ᐊᑖᐁᐧᔨᐊᐧ ᐸᐦᑫᐧᓯᑲᓂᑳᓇ ᐃᒋᑊᑎᕽ. 4ᒫᑲ ᐯᐣᒋᒪᐣ, ᒍᓯᑊ ᐅᒋᐋᐧᒪ, ᒉᑲᑊ ᓇᒪᐃᐧᔭ ᑭ ᐊᓯᒋ ᐃᓯᑎᓴᐁᐧᐤ ᐅᒋᐋᐧᒪ, ᒋᑫᒫ ᑭ ᐃᑌᐤ, ᒫᐢᑯᐨ ᓈᐣᑕᐤ ᑭᑕ ᐃᐦᑎᐤ. 5ᐅᑯᓯᓴ ᒫᑲ ᐃᐢᕒᐁᐃᓬ ᑭ ᐯ ᓇᑕᐃᐧ ᐊᑖᐁᐧᐊᐧᐠ ᐸᐦᑫᐧᓯᑲᓂᑳᓇ ᐁ ᐯ ᐃᐧᒉᐋᐧᒋᐠ ᐊᓂᐦᐃ ᑳ ᓇᑕᐃᐧ ᐊᑖᐁᐧᔨᐟ; ᒋᑫᒫ ᑭ ᓄᑌᑲᑖᓂᐊᐧᐣ ᐊᓂᑕ ᑫᓇᐣ ᐊᐢᑭᕽ. 6ᒍᓯᑊ ᒫᑲ ᑭ ᑎᐯᔨᐦᑕᒼ ᐊᐢᑭ, ᐃᐧᔭ ᒥᓇ ᑳ ᑭ ᐊᑖᒫᐟ ᐊᔨᓯᔨᓂᐊᐧ ᐁᑯᑕ ᐊᐢᑭᕽ; ᒍᓯᑊ ᒫᑲ ᐅᒋᐋᐧᒪ ᑭ ᑕᑯᓯᓂᔨᐊᐧ, ᐁᑯᓯ ᐁ ᑭ ᓇᓈᒥᐢᑫᐧᔨᐢᑖᑯᐟ ᒧᐢᑕᐢᑲᒥᐠ ᐃᓯ. 7ᒍᓯᑊ ᒫᑲ ᑭ ᐋᐧᐸᒣᐤ ᐅᒋᐋᐧᒪ ᒥᓇ ᑭ ᓂᓯᑕᐃᐧᓇᐁᐧᐤ, ᒫᑲ ᓇᒪᐃᐧᔭ ᑭ ᓂᓯᑕᐃᐧᓈᑯᓱ ᒥᓇ ᑭ ᑭᓯᐢᑳ ᑭᑐᑌᐤ; ᐅᒥᓯ ᒫᑲ ᑭ ᐃᑌᐤ, ᑖᓂᑌ ᐁᐧᑐᑌᔦᐠ? ᑭ ᐃᑌᐤ ᒫᑲ, ᑫᓇᐣ ᐊᐢᑭᕽ ᓄᐦᑐᑖᓈᐣ, ᑭᑕ ᐊᑖᐁᐧᔮᕽ ᒥᒋᐃᐧᐣ. 8ᒍᓯᑊ ᒫᑲ ᑭ ᑭᐢᑫᔨᒣᐤ ᐅᒋᐋᐧᒪ, ᒫᑲ ᐃᐧᔭ ᓇᒪᐃᐧᔭ ᑭ ᑭᐢᑫᔨᒥᐠ. 9#ᒉᓂᓯᐢ 37:5-10ᐁᑯᓯ ᒍᓯᑊ ᑭ ᑭᐢᑭᓱᐸᔨᐤ ᐸᐋᐧᒥᐃᐧᓇ ᑳ ᑭ ᐊᔨᑖᐸᑕᕽ, ᐁᑯᓯ ᑭ ᐃᑌᐤ, ᑭ ᐯ ᓇᑕᐊᐧᑖᓈᐋᐧᐤ; ᑭᑕ ᐋᐧᐸᐦᑕᒣᐠ ᐁ ᐃᓯ ᒧᓭᐢᑲᑌᒪᑲᕽ ᐊᐢᑭ ᑳ ᐯ ᐅᐦᒋ ᐃᑐᐦᑌᔦᐠ. 10ᐅᒥᓯ ᒫᑲ ᑭ ᐃᑎᐠ, ᓇᒪᐃᐧᔭ ᓂᐟ ᐅᑭᒫᒼ, ᒫᑲ ᑭᑕ ᐊᑖᐁᐧᔮᕽ ᒥᒋᐃᐧᐣ ᑳ ᐯ ᐅᐦᒋ ᐃᑐᐦᑌᒋᐠ ᑭᐟ ᐊᑐᐢᑫᔮᑲᓇᐠ. 11ᑲᐦᑭᔭᐤ ᓂᔭᓈᐣ ᐯᔭᐠ ᐊᔨᓯᔨᓂᐤ ᐅᑯᓯᓴ; ᓂ ᑖᐯᐧᐃᐧ ᐊᔨᓂᔨᓂᐃᐧᓈᐣ; ᑭᐟ ᐊᑐᐢᑫᔮᑲᓇᐠ ᓇᒪᐃᐧᔭ ᓇᑕᐋᐧᑖᐊᐧᐠ. 12ᐅᒥᓯ ᒫᑲ ᑭ ᐃᑌᐤ, ᓇᒪᐃᐧᔭ, ᒫᑲ ᑭᑕ ᐋᐧᐸᐦᑕᒣᐠ ᐁᓯ ᒧᓭᐢᑲᑌᒪᑲᕽ ᐊᐢᑭ ᑳ ᐯ ᐅᐦᒋ ᐃᑐᐦᑌᔦᐠ. 13ᑭ ᐃᑎᐠ ᒫᑲ, ᑭᐟ ᐊᑐᐢᑫᔮᑲᓇᐠ ᒥᑖᑕᐦᐟ ᓂᓱᓵᑊ ᐃᑕᓯᐊᐧᐠ ᐁ ᐅᒋᐋᐧᒥᑐᒋᐠ, ᐅᑯᓯᓴ ᐯᔭᐠ ᐊᔨᓯᔨᓂᐤ ᐊᓂᑕ ᑫᓇᐣ ᐊᐢᑭᕽ; ᒋᐢᐟ ᒫᑲ, ᒫᐊᐧᐨ ᐅᓯᒥᒫᐤ ᐃᐧᒋᐊᔮᒣᐤ ᓄᑖᐃᐧᓈᓇ ᐊᓄᐦᐨ ᑳ ᑭᓯᑳᐠ, ᐯᔭᐠ ᒫᑲ ᓇᒪᑌᐤ. 14ᒍᓯᑊ ᒫᑲ ᐅᒥᓯ ᑭ ᐃᑌᐤ, ᐁᐊᐧᑯ ᑳ ᑭ ᐃᑌᐧᔮᐣ, ᐅᒥᓯ ᐁ ᐃᑎᑕᑯᐠ, ᑭ ᓇᑕᐋᐧᑖᓈᐋᐧᐤ. 15ᐅᑕ ᑭ ᑲ ᐅᐦᒋ ᑯᒋᐃᑲᐃᐧᓈᐋᐧᐤ, ᐅ ᐱᒫᑎᓯᐃᐧᐣ ᐅᐦᒋ ᐯᕒᐅ ᓇᒪᐃᐧᔭ ᑭ ᑲ ᓯᐯᐧᑖᓈᐋᐧᐤ, ᐹᑎᒫ ᐱᑯ ᐅᓯᒥᒫᐤ ᑭᒋᐋᐧᒥᐋᐧᐤ ᐯ ᐃᑐᐦᑌᒋ. 16ᐃᓯᑎᓴᐦᐅᐠ ᑭᔭᐋᐧᐤ ᐅᐦᒋ ᐯᔭᐠ, ᑭᔮᒼ ᒫᑲ ᑭᑕ ᓈᑌᐤ ᑭᒋᐋᐧᒥᐋᐧᐊᐧ, ᑭ ᑲ ᑭᐸᐦᐅᑲᐃᐧᓈᐋᐧᐤ ᒫᑲ ᐁᑯᓯ ᑭᑕ ᑯᑌᔨᐦᒋᑳᑌᐤ ᑭᐟ ᐃᑌᐧᐃᐧᓂᐋᐧᐊᐧ, ᑭᐢᐱᐣ ᑫᑭᐢᑳᑯᐁᐧᑫᐧ ᑖᐯᐧᐃᐧᐣ, ᐊᐦᐳ ᐅ ᐱᒫᑎᓯᐃᐧᐣ ᐅᐦᒋ ᐯᕒᐅ ᑫᐦᒋᓈ ᑭ ᐯ ᓇᑕᐋᐧᑖᓈᐋᐧᐤ. 17ᒫᒪᐤ ᒫᑲ ᑲᐦᑭᔭᐤ ᑭ ᑭᐸᐁᐧᐤ ᓂᐢᑐ ᑭᓯᑳᐤ. 18ᒍᓯᑊ ᒫᑲ ᐅᒥᓯ ᑭ ᐃᑌᐤ ᐁᑎ ᓂᐢᑐ ᑭᓯᑳᔨᐠ, ᐅᒥᓯ ᑐᑕᒧᐠ ᑭᑕ ᐱᒫᑎᓯᔦᐠ, ᒋᑫᒫ ᓂ ᑯᐢᑖᐤ ᑭᓭᒪᓂᑐ. 19ᑭᐢᐱᐣ ᑎᔮᐯᐧᐃᐧ ᐊᔨᓯᔨᓂᐃᐧᐁᐧᑫᐧ, ᑭᔮᒼ ᐯᔭᐠ ᑭᒋᐋᐧᒥᐋᐧᐤ ᑭᑕ ᒪᒫᒋᑲᐧᐱᑖᐤ ᐱᐦᒋ ᑭᐸᐦᐅᑐᐃᐧᑲᒥᑯᕽ; ᓯᐯᐧᑌᐠ ᒫᑲ ᑭᐁᐧᑕᑕᒫᑯᐠ ᐸᐦᑫᐧᓯᑲᓂᑳᓇ ᑳ ᓄᑌᑲᑌᒋᐠ ᑭᑭᐋᐧᕽ. 20ᒫᑲ ᐯᑕᒪᐃᐧᑫᐠ ᐅᓯᒥᒫᐤ ᑭᒋᐋᐧᒥᐋᐧᐤ; ᐁᑯᓯ ᒫᑲ ᑭᑕ ᑲᐧᔭᐢᑫᐧᔨᑖᑲᐧᓈ ᑭᐟ ᐃᑌᐧᐃᐧᓂᐋᐧᐊᐧ, ᓇᒫᐃᐧᔭ ᒫᑲ ᑭ ᑲ ᓂᐱᓈᐋᐧᐤ. ᐁᑯᓯ ᒫᑲ ᑭ ᑐᑕᒪᐧᐠ.

21ᐅᒥᓯ ᒫᑲ ᑭ ᐊᔨᑎᑐᐊᐧᐠ, ᑖᐯᐧ ᐃᓴ ᑭ ᒥᓯᐅᓈᓇᐤ ᑳ ᑭ ᑐᑕᐋᐧᔭᕽ ᑭᒋᐋᐧᒥᓇᐤ, ᐊᓂᒪ ᐁ ᑭ ᐋᑕ ᐋᐧᐸᒫᔭᕽ ᐁ ᐃᐢᐱᒋ ᐃᐧᓴᑭ ᐱᑫᐧᔨᑕᕽ ᐁ ᒪᐃᐧᒧᐢᑖᑯᔭᕽ. ᐁᑯᓯ ᐁᑳ ᐁ ᓇᑐᐦᑕᐋᐧᔭᕽ; ᐁᐊᐧᑯ ᒫᑲ ᑳ ᐅᐦᒋ ᐸᑲᒥᐢᑳᑯᔭᕽ ᐅᒪ ᑯᑕᑫᔨᑕᒧᐃᐧᐣ. 22#ᒉᓂᓯᐢ 37:21,22ᕒᐅᐱᐣ ᒫᑲ ᑭ ᓈᐢᑫᐧᐊᐧᓯᒣᐤ ᐅᒥᓯ ᐁ ᐃᑖᐟ, ᓇᒪ ᒋ ᑭ ᑭ ᐃᐧᐦᑕᒫᑎᓈᐋᐧᐤ, ᐁ ᐃᑌᐧᔭᐣ, ᐁᑳᐃᐧᔭ ᒫᔨᑐᑖᕽ ᐊᐋᐧᓯᐢ; ᒫᑲ ᓇᒪ ᑭ ᐃᐧ ᓇᑐᐦᑕᐃᐧᓈᐋᐧᐤ? ᐁᑯᓯ, ᒫᑎᑲ, ᐅ ᒥᐦᑯ ᓇᑕᐁᐧᔨᑖᑲᐧᓂᔨᐤ. 23ᓇᒪᐃᐧᔭ ᒫᑲ ᑭᐢᑫᔨᑕᒪᐧᐠ ᐁ ᓂᓯᑐᑖᑯᒋᐠ ᒍᓯᐸ; ᒋᑫᒫ ᑭ ᐃᑌᐧᐢᑕᒪᐋᐤ ᐁ ᐊᔭᒥᐃᑯᒋᐠ. 24ᑭ ᓇᑲᑌᐤ ᒫᑲ, ᐁ ᑭ ᒫᑐᐟ, ᒥᓇ ᒫᑲ ᑭ ᐯ ᓈᑌᐤ, ᐁᑯᓯ ᑭ ᐊᔭᒥᐦᐁᐤ, ᐁ ᑭ ᐅᑎᓈᐟ ᓯᒥᔭᓇ, ᐁᑯᓯ ᐁ ᑭ ᒪᒫᒋᑲᐧᐱᑖᐟ ᐁ ᑲᓇᐋᐧᐸᒥᑯᐟ.

25ᒍᓯᑊ ᒫᑲ ᑭ ᐃᑕᓱᐁᐧᐤ ᑭᑕ ᓵᑲᐢᑭᓇᑖᐃᐧᐦᐟ ᐅ ᒪᐢᑭᒧᑎᐋᐧᐊᐧ ᐸᐦᑫᐧᓯᑲᓂᑳᓇ, ᒥᓇ ᑳᐃᐧ ᑲᐦᑭᔭᐤ ᐁ ᐃᐦᑕᓯᒋᐠ ᑭᑕ ᐊᓯᐊᐧᔨᒥᐦᐟ ᐅ ᓱᓂᔮᒥᐋᐧᐊᐧ ᐅ ᒪᐢᑭᒧᑎᐋᐧᕽ, ᒥᓇ ᑭᑕ ᓂᒫᐃᐦᒋᐠ. ᐁᑯᓯ ᒫᑲ ᑭ ᐊᔨᑐᑕᐋᐧᐊᐧᐠ. 26ᑭ ᓇᔭᑕᐁᐊᐧᐠ ᒫᑲ ᐅ ᓱᓱᒥᐢᑕᑎᒧᒥᐋᐧᐊᐧ ᐸᐦᑫᐧᓯᑲᓂᑳᓇ, ᐁᑯᓯ ᐁ ᑭ ᓯᐯᐧᑌᒋᐠ. 27ᐯᔭᐠ ᒫᑲ ᐁ ᐋᐸᐊᕽ ᐅ ᒪᐢᑭᒧᐟ ᑭᑕ ᐊᓴᒫᐟ ᐅ ᓱᓱᒥᐢᑕᑌᒧᒪ ᒫᓂᑌᐃᐧᑲᒥᑯᕽ, ᑭ ᐱᓯᐢᑳᐸᒣᐤ ᐅ ᓱᓂᔮᒪ; ᒋᑫᒫ ᑭ ᐊᓯᐊᐧᓱᔨᐊᐧ ᐅ ᒪᐢᑭᒧᑎᕽ. 28ᐅᒥᓯ ᒫᑲ ᑭ ᐃᑌᐤ ᐅᒋᐋᐧᒪ, ᓂ ᓱᓂᔮᒼ ᑖᐸᔮᐤ ᓂ ᒪᐢᑭᒧᑎᕽ, ᐅᑌᐦᐃᐋᐧᐊᐧ ᒫᑲ ᑭ ᓄᐦᑌᐸᔨᐃᑲᐧᐠ, ᒥᓇ ᐁ ᑭ ᓭᑭᓯᒋᐠ, ᐅᒥᓯ ᐁ ᐊᔨᑎᑐᒋ, ᑫᑲᐧᐩ ᐅᒪ ᑭᓭᒪᓂᑐ ᑳ ᐊᔨᑐᑖᑯᔭᕽ?

29ᑭ ᐅᑎᐦᑌᐊᐧᐠ ᒫᑲ ᒉᑲᐸ ᐅᑖᐃᐧᐋᐧᐊᐧ ᑫᓇᐣ ᐊᐢᑭᕽ, ᐁᑯᓯ ᑭ ᐃᐧᑕᒪᐁᐧᐊᐧᐠ ᑲᐦᑭᔭᐤ ᐊᓂᒪ ᑳ ᑭ ᐊᔨᐢᐸᔨᐃᑯᒋᐠ, ᐅᒥᓯ ᐁ ᐃᑌᐧᒋᐠ, 30ᐊᓇ ᓈᐯᐤ ᑳ ᑎᐯᔨᐦᑕᕽ ᐊᐢᑭ ᓂ ᑭ ᑭᓯᐃᐧ ᑭᑐᑎᑯᓇᐣ ᒥᓇ ᓇᑕᐋᐧᑖᐊᐧᐠ ᓂ ᑭ ᐃᑌᔨᒥᑯᓈᐣ. 31ᐅᒥᓯ ᒫᑲ ᓂ ᑭ ᐃᑖᓈᐣ, ᐅᑖᐯᐧᐊᐧᐠ ᓂᔭᓈᐣ, ᓇᒪᔦᐤ ᓂᔭᓈᐣ ᐅᓇᑕᐋᐧᑖᐊᐧᐠ. 32ᒥᑖᑕᐦᐟ ᓂᓱᓵᑊ ᓂ ᑭ ᐃᑕᓯᓈᐣ ᐁ ᐅᒋᐋᐧᒥᑐᔮᕽ, ᓄᑖᐃᐧᓇᐣ ᐅᑯᓯᓴ; ᐯᔭᐠ ᓇᒪᑌᐤ, ᐁᑯᓯ ᐅᓯᒥᒫᐤ ᐊᓄᐦᐨ ᒣᑳᐧᐨ ᐃᐧᒋᐊᔮᒣᐤ ᓄᑖᐃᐧᓈᓇ ᑫᓇᐣ ᐊᐢᑭᕽ. 33ᐊᓇ ᓈᐯᐤ ᒫᑲ ᑳ ᑎᐯᔨᐦᑕᕽ ᐊᐢᑭ ᓂ ᑭ ᐃᑎᑯᓈᐣ, ᐅᑕ ᓂ ᑲ ᐅᐦᒋ ᑭᐢᑫᔨᑌᐣ ᐁ ᑖᐯᐧᔦᐠ, ᓇᑲᑕᒪᐃᐧᐠ ᐅᑕ ᐯᔭᐠ ᑭᒋᐋᐧᒥᐋᐧᐤ, ᐁᑯᓯ ᐃᑐᑕᑕᒫᑯᐠ ᒥᒋᐃᐧᐣ ᑳ ᓄᑌᑲᑌᒋᐠ ᑭᐟ ᐊᐋᐧᓯᒥᓯᐋᐧᐊᐧᐠ, ᓯᐯᐧᑌᐠ ᒫᑲ. 34ᐯᑕᒪᐃᐧᐠ ᒫᑲ ᐅᓯᒥᒫᐤ ᑭᒋᐋᐧᒥᐋᐧᐤ; ᓂ ᑲ ᑭᐢᑫᔨᑌᐣ ᒫᑲ ᐁᑳ ᐁ ᓇᑕᐋᐧᑖᔦᐠ, ᒫᑲ ᐁ ᑖᐯᐧᔦᐠ; ᐁᑯᓯ ᒫᑲ ᑭ ᑲ ᐸᑭᑎᓇᒫᑎᓈᐋᐧᐤ ᑭᒋᐋᐧᒥᐋᐧᐤ, ᑭ ᑲ ᐯ ᐊᑖᐋᐧᓈᐋᐧᐤ ᒫᑲ ᐅᑕ ᐊᐢᑭᕽ.

35ᑭ ᐊᔨᐦᑭᐣ ᒫᑲ ᐃᐢᐱ ᐁ ᓯᑯᓇᑭᐠ ᐅ ᒪᐢᑭᒧᑎᐋᐧᐊᐧ, ᐳᑎ ᑲᐦᑭᔭᐤ ᐁ ᐃᐦᑕᓯᒋᐠ ᐁ ᑕᑯᐱᓱᔨᐟ ᐅ ᓱᓂᔮᒥᐋᐧᐊᐧ ᑭ ᐊᓯᐊᐧᓱᔨᐊᐧ ᐅ ᒪᐢᑭᒧᑎᐋᐧᕽ; ᐃᐢᐱ ᒫᑲ ᐃᐧᔭᐋᐧᐤ ᒥᓇ ᐅᑖᐃᐧᐋᐧᐊᐧ ᐃᐧᔮᐸᒫᒋᐠ ᐁ ᐃᑕᐱᓱᔨᐟ ᐅ ᓱᓂᔮᒥᐋᐧᐊᐧ, ᑭ ᓭᑭᓯᐊᐧᐠ. 36ᒉᑲᐸ ᐅᑖᐃᐧᐋᐧᐊᐧ ᒫᑲ ᐅᒥᓯ ᑭ ᐃᑎᑲᐧᐠ, ᑭ ᑭ ᒪᐢᑲᒋᐃᓈᐋᐧᐤ ᓂᐟ ᐊᐋᐧᓯᒥᓴᐠ; ᒍᓯᑊ ᓇᒪᑌᐤ, ᓯᒥᔭᐣ ᓇᒪᑌᐤ, ᒥᓇ ᒫᑲ ᑭ ᐃᐧ ᓯᐯᐧᑕᐋᐋᐧᐤ ᐯᐣᒋᒪᐣ; ᑲᐦᑭᔭᐤ ᐅᐦᐃ ᓂ ᐸᑲᒥᐢᑳᑯᐣ. 37ᕒᐅᐱᐣ ᒫᑲ ᑭ ᑭᑐᑌᐤ ᐅᑖᐃᐧᔭ ᐅᒥᓯ ᐁ ᑭ ᐃᑖᐟ, ᓂᐸᐦᐋᑲᓂᐠ ᐁ ᐃᓯ ᓂᓯᒋᐠ ᓂᑯᓯᓴᐠ, ᑭᐢᐱᐣ ᐁᑳ ᐯᑕᒫᑖᓂ; ᐸᐦᑭᐦᑎᐣ ᓂᔭ ᓂᒋᐦᒋᕽ, ᑳᐃᐧ ᒫᑲ ᑭ ᑲ ᐯᑕᒫᑎᐣ. 38ᑭ ᐃᑌᐧᐤ ᒫᑲ, ᓂᑯᓯᐣ ᓇᒪᐃᐧᔭ ᑭ ᑲ ᐃᐧᒉᐃᐧᑯᐋᐧᐤ; ᒋᑫᒫ ᐅᒋᐋᐧᒪ ᓇᒪᐃᐧᔭ ᐱᒫᑎᓯᔨᐊ, ᐃᐧᔭ ᒫᑲ ᐱᑯ ᐃᐢᑯ; ᑭᐢᐱᐣ ᓈᓂᑕᐤ ᐃᐦᑎᒋ ᐊᓂᒪ ᐃᑌ ᑫ ᐊᑎ ᐃᑐᐦᑌᔦᐠ ᓂᐋᐧᐹᔨᐢᑳᐧᓇ ᔨᑲᐧᐦᐊᐢᑳᓂᕽ ᑭ ᑲ ᐃᑐᑕᑖᓈᐋᐧᐤ ᑫ ᐃᐢᐱᒋ ᒥᐦᒋᔭᐁᐧᓯᔮᐣ.

Currently Selected:

ᒉᓂᓯᐢ 42: KKMs

Highlight

Copy