ᒉᓂᓯᐢ 38
38
1ᑭ ᐊᔨᑭᐣ ᒫᑲ ᐁᑯᐢᐱ, ᒍᑕ ᑭ ᓇᑲᑌᐤ ᐅᒋᐋᐧᒪ, ᐁ ᑭ ᐱᑕᑯᐋᐧᐟ ᒫᑲ ᐯᔭᐠ ᐊᑕᓬᐊᒪᐃᑕ, ᐦᐊᐃᕒᐊ ᐁ ᐃᓯᔨᐦᑳᓱᔨᐟ. 2ᒍᑕ ᒫᑲ ᐁᑯᑕ ᑭ ᐋᐧᐸᒣᐤ ᐅᑖᓂᓯᔨᐊᐧ ᐯᔭᐠ ᑫᓇᓇᐃᑕ ᓱᐊ ᑳ ᑭ ᐃᓯᔨᐦᑳᓱᔨᐟ; ᑭ ᐅᑎᓀᐤ ᒫᑲ ᒥᓇ ᐁ ᑭ ᐱᑐᑲᐋᐧᐟ. 3ᑭ ᐊᔭᐁᐧᐤ ᒫᑲ ᐊᐋᐧᓯᓴ, ᒥᓇ ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ; ᐊᕒ ᒫᑲ ᑭ ᐃᓯᔨᐦᑳᑌᐤ. 4ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ, ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ; ᐅᓈᐣ ᒫᑲ ᑭ ᐃᓯᔨᐦᑳᑌᐤ. 5ᑫᔮᐱᐨ ᒫᑲ ᒥᓇ ᑭ ᐊᔮᐁᐧᐤ ᐊᐋᐧᓯᓴ ᐁᑯᓯ ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ, ᓯᓬᐊ ᒫᑲ ᐁ ᑭ ᐃᓯᔨᐦᑳᑖᐟ. 6ᒍᑕ ᒫᑲ ᑭ ᐅᑎᓂᒣᐤ ᑭᑕ ᐃᐧᐃᐧᔨᐟ ᐊᕒ ᐅ ᓂᐢᑕᒧᓵᓇ, ᑌᒫᕒ ᐁ ᐃᓯᔨᐦᑳᓱᔨᐟ. 7ᐊᕒ ᒫᑲ ᒍᑕ ᐅ ᓂᐢᑕᒧᓵᓇ ᑭ ᒪᒑᔨᐃᐧᐤ ᐁ ᐃᓯ ᐋᐧᐸᒥᑯᐟ ᑳ ᑎᐯᔨᐦᒋᑫᔨᐟ; ᑳ ᑎᐯᔨᐦᒋᑫᐟ ᒫᑲ ᑭ ᓂᐸᐁᐤ. 8ᒍᑕ ᒫᑲ ᐅᒥᓯ ᑭ ᐃᑌᐤ ᐅᓈᐣ, ᐱᑐᑲᐤ ᑭᒋᐋᐧᒼ ᐃᐧᐊᐧ, ᒥᓇ ᐃᐧᑭᒼ, ᑭᑕ ᐅᐟ ᐊᐋᐧᓯᒥᓯᑲᐊᐧᐟ ᑭᒋᐋᐧᒼ. 9ᐅᓈᐣ ᒫᑲ ᑭ ᑭᐢᑫᔨᑕᒼ ᐁᑳ ᐃᐧᔭ ᑭᑕ ᐅᐟ ᐊᐋᐧᓯᒥᓯᐟ; ᑭ ᐃᐢᐸᔨᐤ ᒫᑲ ᐃᐢᐱ ᐱᔨᑐᑲᐋᐧᐟ ᐅᒋᐋᐧᒪ ᐃᐧᐃᐧᔨᐊᐧ ᑭ ᓯᑭᓇᒼ, ᐁᑳ ᐁ ᐃᐧ ᐅᐟ ᐊᐋᐧᓯᒥᓯᑲᐋᐧᐟ ᐅᒋᐋᐧᒪ. 10ᐊᓂᒪ ᒫᑲ ᑳ ᑭ ᑐᑕᕽ ᑭ ᒫᔮᐱᓯᒥᐠ ᑳ ᑎᐯᔨᐦᒋᑫᐟ; ᐁᐊᐧᑯ ᒫᑲ ᐅᐦᒋ ᐃᐧᐢᑕ ᑭ ᓂᐸᐦᐃᐠ. 11ᒍᑕ ᒫᑲ ᑭ ᐃᑌᐤ ᑌᒫᕒᐊ ᐅᐢᑎᒪ, ᑕᓯ ᓯᑳᐃᐧᐢᑫᐧᐃᐧ ᑯᑖᐃᐧ ᐃᐧᑭᕽ, ᐹᑎᒫ ᐃᔨᑯᕽ ᑭᓯᓂᑖᐃᐧᑭᒋ ᓂᑯᓯᐢ ᓯᓬᐊ; ᒋᑫᒫ ᑭ ᐃᑌᐧᐤ, ᐁᑳ ᑭᑕ ᓂᐱᐟ ᑖᐱᐢᑯᐨ ᐅᒋᐋᐧᒪ ᑳ ᑭ ᐃᓯ ᓂᐱᔨᐟ; ᑌᒫᕒ ᒫᑲ ᑭ ᓇᑕᐃᐧ ᐊᔮᐤ ᐅᑖᐃᐧᔭ ᐃᐧᑭᔨᕽ.
12ᐁᑯᓯ ᑭ ᐊᔨᐢᐸᔨᐤ ᒣᐧᐢᑕᐢ ᐃᔨᑯᕽ ᐅᑖᓂᓴ ᓱᐊ, ᒍᑕ ᐃᐧᐊᐧ ᑭ ᓂᐱᐤ; ᒍᑕ ᒫᑲ ᑭ ᓂᐢᑖᓭᔨᒧᐋᐤ ᐁᑯᓯ ᑭ ᓇᑕᐋᐧᐸᒣᐤ ᑳ ᐸᐢᑯᓵᐧᔨᐟ ᐅ ᒫᔭᑎᐦᑯᒪ ᐊᓂᑕ ᑎᒼᓈᐦᐟ; ᐃᐧᔭ ᒥᓇ ᐅᑐᑌᒪ ᐦᐊᐃᕒᐊ ᐊᓇ ᐊᑕᓬᐊᒪᐃᐟ. 13ᑭ ᐃᐧᐦᑕᒪᐋᐧᐤ ᒫᑲ ᑌᒫᕒ, ᐁ ᐃᑌᐧᐃᐧᐦᐟ, ᒫᑎᑲ ᑭᓯᐢ ᐃᑐᐦᑌᐤ ᐊᓂᑕ ᑎᒼᓈᐦᐟ ᑭᑕ ᐸᐢᑯᓵᐧᐟ ᐅ ᒫᔭᑎᐦᑯᒪ. 14ᑭ ᑫᒋᑯᐢᑳᒼ ᒫᑲ ᐅ ᓯᑳᐃᐧ ᐊᔪᐃᐧᓂᓴ, ᐁ ᑭ ᐋᑯᔮᐱᑫᐧᐅᐟ, ᒥᓇ ᐁ ᑭ ᐁᐧᐁᐧᑭᐟ, ᐁᑯᓯ ᒧᓯᓭᔮᕽ ᐁ ᑭ ᐊᐱᐟ, ᐊᓂᑕ ᒣᐢᑲᓈᕽ ᑎᒼᓈᐦᐟ ᑳ ᐊᑎ ᐃᑕᒧᐠ; ᒋᑫᒫ ᑭ ᐋᐧᐸᐦᑕᒼ ᐁ ᑭᓯ ᓂᐦᑖᐃᐧᑭᔨᐟ ᓯᓬᐊ, ᒥᓇ ᐁᑳ ᐁ ᑭ ᒥᔨᐦᐟ ᑭᑕ ᐃᐧᑭᒥᑯᐟ. 15ᐃᐢᐱ ᒍᑕ ᐃᐧᔮᐸᒫᐟ, ᐱᓯᑳᐧᑎᐢᑫᐧᐤ ᐊᐊᐧ ᑭ ᐃᑌᔨᑕᒼ; ᒋᑫᒫ ᑭ ᐋᑯᑫᐧᐅᔨᐊᐧ. 16ᑭ ᐸᐢᑫᑕᐁᐤ ᒫᑲ ᒣᐢᑲᓈᕽ, ᐅᒥᓯ ᐁ ᑭ ᐃᑖᐟ, ᓯᐯᐧᐦᑌ ᑭ ᐸᑯᓭᔨᒥᑎᐣ, ᑭᔮᒼ ᑭ ᑲ ᐱᑐᑳᑎᐣ; (ᒋᑫᒫ ᓇᒪᐃᐧᔭ ᑭ ᑭᐢᑫᔨᑕᒼ ᐁᐊᐧᑯᓂ ᐅᐢᑎᒪ) ᑭ ᐃᑎᐠ ᒫᑲ, ᑫᑲᐧᐩ ᑭ ᒥᔨᔭᐣ, ᑭᑕ ᐱᑐᑲᐃᐧᔭᐣ? 17ᑭ ᐃᑌᐤ ᒫᑲ, ᑭ ᑲ ᐯ ᐃᓯᑎᓴᐦᐊᒫᑎᐣ ᐋᐧᐸᑎᑯᐢ ᒫᔭᑎᐦᑯᓈᕽ ᐅᐦᒋ. ᑭ ᐃᑎᐠ ᒫᑲ, ᑭ ᑲ ᒥᔨᐣ ᒋ ᐊᐢᐱᓯᓇᐃᑫᐃᐧᐣ, ᐃᔨᑯᕽ ᑫ ᐯ ᐃᓯᑎᓴᐦᐊᐧᐟ? 18ᑭ ᐃᑌᐤ ᒫᑲ ᑫᑲᐧᐩ ᐊᐢᐱᓯᓇᐃᑫᐃᐧᐣ ᑫ ᒥᔨᑖᐣ? ᑭ ᐃᑎᐟ ᒫᑲ, ᑭ ᑭᐢᑭᓇᐋᐧᒋᐦᒋᑲᐣ, ᒥᓇ ᒥᐢᐱᑐᓈᐱᐢᑲᐧ, ᒥᓇ ᑭ ᓴᐢᑲᐅᐣ ᑳ ᑕᑯᓇᒪᐣ ᑭᒋᐦᒋᕽ. ᑭ ᒥᔦᐤ ᒫᑲ ᒥᓇ ᐁ ᑭ ᐱᑐᑲᐋᐧᐟ, ᐃᐧᔭ ᒫᑲ ᐅᐦᒋ ᑭ ᐊᔮᐁᐧᔨᐊᐧ ᐊᐋᐧᓯᓴ. 19ᑭ ᐸᓯᑯ ᒫᑲ ᐁ ᓯᐯᐧᑌᐟ, ᐁ ᑭ ᑫᒋᑯᐢᑲᕽ ᐅᐟ ᐋᑯᔮᐱᑫᐧᐅᐣ, ᐁ ᑭ ᐳᓯᐢᑲᕽ ᒥᓇ ᐅ ᓯᑳᐃᐧ ᑭᑭᐢᑳᒋᑲᓇ. 20ᒍᑕ ᒫᑲ ᑭ ᐃᓯᑎᓴᐁᐧᐤ ᐁ ᑕᐦᑯᓇᒧᐋᐟ ᐊᓂᐦᐃ ᐅᑐᑌᒪ ᐊᑕᓬᐊᒪᐃᑕ ᑭᑕ ᐅᑎᓇᒥᔨᐟ ᐅᐟ ᐊᐢᐸᓯᓇᐃᑫᐃᐧᐣ ᐅᒋᐦᒋᔨᕽ ᐊᓂᐦᐃ ᐃᐢᑫᐧᐊᐧ ᐅᐦᒋ; ᒫᑲ ᓇᒪᐃᐧᔭ ᑭ ᒥᐢᑲᐁᐧᐤ. 21ᑭ ᑲᑫᐧᒋᒣᐤ ᒫᑲ ᐊᔨᓯᔨᓂᐊᐧ ᐁᑯᑕ ᑳ ᐊᔮᔨᐟ ᐅᒥᓯ ᐁ ᐃᑖᐟ, ᑖᓂᐋᐧ ᐱᓯᑳᐧᑎᐢᑫᐧᐤ ᒧᓯᓭ ᒣᐢᑲᓈᕽ ᑳ ᑭ ᐊᔭᐱᐟ? ᑭ ᐃᑎᐠ ᒫᑲ, ᓇᒪᐃᐧᔭ ᐊᐃᐧᔭᐠ ᐱᓯᑳᐧᑎᐢᑫᐧᐤ ᐅᑕ ᐃᐧᔭ ᑭ ᐊᔮᐤ. 22ᑭ ᑭᐁᐧᑐᑕᐁᐧᐤ ᒫᑲ ᒍᑕᐊᐧ, ᐅᒥᓯ ᐁ ᑭ ᐃᑖᐟ, ᓇᒪᐃᐧᔭ ᓂ ᒥᐢᑲᐋᐤ, ᐊᔨᓯᔨᓂᐊᐧᐠ ᒥᓇ ᐁᑯᑕ ᑳ ᐊᔮᒋᐠ ᑭ ᐃᑌᐧᐊᐧᐠ, ᐁᑳ ᐁ ᐃᐦᑖᐟ ᐱᓯᑳᐧᑎᐢᑫᐧᐤ ᐁᑯᑕ. 23ᒍᑕ ᒫᑲ ᑭ ᐃᑌᐧᐤ, ᑭᔮᒼ ᑭᑕ ᐅᑎᓇᒫᓱ ᐁᑳ ᑭᑕ ᓇᓀᐯᐃᐧᓯᔭᕽ; ᒋᐢᐟ, ᓂ ᑭ ᐃᓯᑎᓴᐋᐧᐤ ᐊᐊᐧ ᐋᐧᐸᑎᑯᐢ, ᓇᒪ ᒫᑲ ᑭ ᑭ ᒥᐢᑲᐋᐧᐤ.
24ᑭ ᐊᔨᑭᐣ ᒫᑲ ᓈᐣᑕᐤ ᓂᐢᑐ ᐱᓯᒼ ᐃᔨᑯᕽ ᑭ ᐃᐧᐦᑕᒪᐋᐧᐤ ᒍᑕ, ᐁ ᐃᑌᐦᐟ, ᑭᐢᑎᒼ ᑌᒫᕒ ᐱᓯᑳᐧᑎᐢᑫᐧᕽ ᑭ ᐊᔨᑎᐤ; ᒋᐢᐟ ᒫᑲ ᐊᔮᐁᐧᐤ ᐊᐋᐧᓯᓴ ᐱᓯᑳᐧᑎᓯᐃᐧᐣ ᐅᐦᒋ. ᒍᑕ ᒫᑲ ᑭ ᐃᑌᐧᐤ, ᐯᓯᐃᐧᕽ ᑭᔮᒼ ᑭᑕ ᒣᐢᑎᑲᓵᐧᐤ. 25ᐃᐢᐱ ᒫᑲ ᐱᔦᐊᐧᔭᐃᐧᑕᐃᐦᐟ, ᑭ ᓇᑐᒣᐤ ᐅᓯᓴ, ᐁ ᐃᑖᐟ, ᐊᓇ ᓈᐯᐤ ᑳ ᐅᐟ ᐊᔮᓂᐟ ᐅᐦᐃ, ᐁᐊᐧᑯ ᑳ ᐅᐦᒋ ᐊᔮᐋᐧᐠ ᐊᐋᐧᓯᐢ; ᑭ ᐃᑌᐧᐤ ᒫᑲ, ᓇᑕᐃᐧ ᓂᓯᑕᐃᐧᓇ, ᑭ ᐸᑯᓭᔨᒥᑎᐣ, ᐊᐁᐧᓇ ᐅᐦᐃ ᐅᐟ ᐊᔮᓈ, ᑭᐢᑭᓇᐋᐧᒋᐦᒋᑲᐣ, ᒥᐢᐱᑐᓈᐱᐢᑲᐧ, ᒥᓇ ᓴᐢᑲᐅᐣ. 26ᒍᑕ ᒫᑲ ᑭ ᓂᓯᑕᐃᐧᓇᒼ, ᐅᒥᓯ ᐁ ᑭ ᐃᑌᐧᐟ, ᐊᐊᐧᓯᒣ ᐃᐧᔭ ᑲᐧᔭᐢᐠ ᐃᓯᐁᐧᐱᓯᐤ ᐃᔨᑯᕽ ᓂᔭ: ᒋᑫᒫ ᐁᑳ ᐁ ᑭ ᒥᔭᐠ ᓯᓬᐊ ᓂᑯᓯᓴ, ᓇᒪᐃᐧᑳᐨ ᒫᑲ ᒥᓇ ᑭᐢᑫᔨᒣᐤ.
27ᑭ ᐃᐢᐸᔨᐤ ᒫᑲ ᐃᐢᐱ ᓀᐦᑖᐃᐧᑭᐋᐊᐧᓱᐟ, ᐳᑎ ᓂᓱᑌᓯᓴ ᑭ ᐊᔮᐁᐧᐤ. 28ᑭ ᐃᐢᐸᔨᐤ ᒫᑲ ᐃᐢᐱ ᐁ ᓂᐦᑖᐃᐧᑭᔨᐟ, ᐯᔭᐠ ᑭ ᐯ ᓵᑭᓂᐢᑫᔨᐤ, ᐊᓇ ᒫᑲ ᐃᐢᑫᐧᐤ ᑳ ᑲᓇᐁᐧᔨᒫᐟ ᑭ ᑕᐦᑯᐱᑎᒣᐤ ᒥᐦᑯ ᓭᐢᑕᑲᐧ ᐅᒋᐦᒋᔨᕽ ᐁ ᐃᑌᐧᐟ, ᐊᐊᐧ ᓂᐢᑕᒼ ᑭ ᓄᑯᓯᐤ. 29ᑭ ᐊᔨᑭᐣ ᒫᑲ ᐃᐢᐱ ᐁ ᐅᒋᓂᐢᑫᔨᐟ, ᐳᑎ ᐅᒋᐋᐧᒪ ᓂᐢᑕᒼ ᑭ ᓄᑯᓯᔨᐊᐧ; ᑭ ᐃᑌᐧᐤ ᒫᑲ, ᑖᓂᓯ ᑳ ᐃᓯ ᑲᐱᐢᑳᒋᑫᐢᑕᒫᓱᔭᐣ? ᐁᐊᐧᑯ ᒫᑲ ᐅᐦᒋ ᐱᕒᐁᐢ ᑭ ᐃᓯᔨᐦᑳᓱ. 30ᒣᐧᐢᑕᐢ ᒫᑲ ᐅᒋᐋᐧᒪ ᑭ ᓄᑯᓯᔨᐊᐧ, ᐊᓂᐦᐃ ᑳ ᑕᐦᑯᐱᓱᔨᐟ ᒥᐦᑫᐧᑭᓀᐧᔮᐱᓯᔨᐤ ᐅᒋᐦᒋᔨᕽ, ᓯᕒᐊ ᒫᑲ ᑭ ᐃᓯᔨᐦᑳᑖᐤ.
Currently Selected:
ᒉᓂᓯᐢ 38: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
