ᒉᓂᓯᐢ 37

1ᒉᑲᑊ ᒫᑲ ᑭ ᐅᐟ ᐃᐦᑖᐃᐧᓂᐤ ᐊᓂᑕ ᐊᐢᑭᕽ ᐃᑕ ᐅᑖᐃᐧᔭ ᑳ ᑭ ᐊᔮᔨᐟ, ᐊᓂᑕ ᑫᓇᐣ ᐊᐢᑭᕽ. 2ᐁᐊᐧᑯᓂ ᐅᐦᐃ ᑳ ᑭ ᐊᔨᐢᐸᔨᐃᑯᐟ ᒉᑲᑊ. ᒍᓯᑊ ᓵᓴᐩ ᒥᑖᑕᐦᐟ ᑌᐸᑯᐳᓵᑊ ᐁ ᑕᐦᑐᐱᐳᓀᐧᐟ ᑭ ᐃᐧᒉᐁᐧᐤ ᐅᒋᐋᐧᒪ ᐁ ᑲᓇᐁᐧᔨᒫᔨᐟ ᒫᔭᑎᐦᑲᐧ; ᐁᑯᓯ ᐊᓇ ᐅᐢᑭᓂᑭᓯᐢ ᑭ ᐃᐧᒉᐁᐧᐤ ᐅᑯᓯᓯᔨᐊᐧ ᐱᓬᐦᐋ ᒥᓇ ᐅᑯᓯᓯᔨᐊᐧ ᓯᓬᐹ, ᐅᑖᐃᐧᔭ ᒫᑲ ᒍᓯᑊ ᑭ ᐋᒋᒧᐢᑕᐁᐧᐤ ᐅᒋᐋᐧᒪ ᐁ ᒫᔨᑐᑕᒥᔨᐟ. 3ᐃᐢᕒᐁᐃᓬ ᒫᑲ ᐊᔨᐋᐧᐠ ᑭ ᓵᑭᐦᐁᐤ ᒍᓯᐸ ᐃᔨᑯᕽ ᑲᐦᑭᔭᐤ ᐅᐟ ᐊᐋᐧᓯᒥᓴ, ᒋᑫᒫ ᐁᐊᐧᑯᓂ ᐅᑯᓯᓴ ᐁ ᑭᓭᔨᓂᐃᐧᐟ, ᑭ ᒥᐢᑯᑖᑫᑲᐁᐧᐤ ᒫᑲ ᐁ ᒥᐦᒉᑐᓯᓈᐢᑌᔨᐠ. 4ᐃᐢᐱ ᒫᑲ ᐊᓂᐦᐃ ᐅᒋᐋᐧᒪ ᐃᐧᔭᐸᑕᒥᔨᐟ ᐊᔨᐋᐧᐠ ᐅᑖᐃᐧᐋᐧᐊᐧ ᐁ ᓵᑭᐦᐋᔨᐟ ᐃᐢᐱᐦᐨ ᑲᐦᑭᔭᐤ ᐅᒋᐋᐧᒥᔨᐊᐧ, ᑭ ᐸᑳᐧᑎᐠ, ᒥᓇ ᓈᒪᐃᐧᔭ ᑭ ᒥᔪ ᐊᔭᒥᐃᐠ.

5ᒍᓯᑊ ᒫᑲ ᑭ ᐸᐋᐧᒥᐤ, ᐁᑯᓯ ᐁ ᑭ ᐃᐧᐦᑕᒪᐋᐧᐟ ᐅᒋᐋᐧᒪ, ᐁᑯᓯ ᐊᐊᐧᓯᒣ ᑭ ᐸᑳᐧᑎᐠ. 6ᐅᒥᓯ ᒫᑲ ᑭ ᐃᑌᐤ, ᓇᑐᐦᑕᒧᐠ ᑭ ᐸᑯᓭᔨᒥᑎᓈᐋᐧᐤ, ᐅᒪ ᐸᐋᐧᒥᐃᐧᐣ ᑳ ᑭ ᐃᓯᓇᒫᐣ. 7ᒋᑫᒫ ᒋᐢᐟ, ᐁ ᐃᓯᓇᒫᐣ, ᑭ ᑕᑯᐱᑖᓇᐤ ᐸᐦᑫᐧᓯᑲᓂᑳᐣ ᑭᐢᑎᑳᓂᕽ, ᐳᑎ ᒫᑲ ᓂᐟ ᐊᓴᐱᒋᑲᐣ ᑭ ᐸᓯᑯᒪᑲᐣ ᒥᓇ ᐁ ᑭ ᓴᒪᒋᑲᐸᐃᐧᒪᑲᕽ ᐳᑎ ᒫᑲ ᑭᐟ ᐊᓴᐱᒋᑲᓂᐋᐧᐊᐧ ᑭ ᐋᐧᐢᑳᑳᐸᐃᐧᐢᑕᒪᐧᐠ ᓂᐟ ᐊᓴᐱᒋᑲᐣ ᒥᓇ ᐁ ᑭ ᓇᐊᐧᑭᐢᑕᑭᐠ. 8ᐅᒋᐋᐧᒪ ᒫᑲ ᐅᒥᓯ ᑭ ᐃᑎᐠ, ᑖᐯᐧ ᒋ ᑭ ᑲ ᑎᐯᔨᒥᐣ? ᐊᐦᐳ ᒋ ᑖᐯᐧ ᑭ ᑲ ᐅᔭᓱᐋᐧᓯᓈᐣ? ᐊᐊᐧᓯᒣ ᒫᑲ ᑭ ᐸᑳᐧᑌᐋᐧᐠ ᐅ ᐸᐋᐧᒥᐃᐧᐣ ᐅᐦᒋ ᒥᓇ ᐅᐟ ᐃᑌᐧᐃᐧᓇ.

9ᑫᔮᐱᐨ ᒫᑲ ᑭ ᐸᐋᐧᒥᐤ, ᐁᑯᓯ ᐁ ᑭ ᐃᐧᐦᑕᒪᐋᐧᐟ ᐅᒋᐋᐧᒪ, ᐅᒥᓯ ᐁ ᑭ ᐃᑌᐧᐟ, ᒫᑎᑲ, ᑫᔮᐱᐨ ᒥᓇ ᓂ ᑭ ᐸᐋᐧᒥᐣ, ᐳᑎ ᒫᑲ ᑭᓯᑲᐃᐧ ᐱᓯᒼ ᒪᓇ ᑎᐱᐢᑲᐃᐧ ᐱᓯᒼ ᒥᓇ ᒥᑖᑕᐦᐟ ᐯᔭᑯᓵᑊ ᐊᒐᐦᑯᓴᐠ ᓂ ᑭ ᓇᐊᐧᑭᐢᑖᑲᐧᐠ. 10ᑭ ᐃᐧᐦᑕᒪᐁᐧᐤ ᒫᑲ ᐅᑖᐃᐧᔭ, ᒥᓇ ᐅᒋᐋᐧᒪ, ᐅᑖᐃᐧᔭ ᒫᑲ ᑭ ᑭᑕᐦᐊᒫᐠ ᐅᒥᓯ ᐁ ᑭ ᐃᑎᑯᐟ, ᑫᑲᐧᐩ ᐸᐋᐧᒥᐃᐧᐣ ᐅᒪ ᑳ ᑭ ᐃᓯᓇᒪᐣ? ᑖᐯᐧ ᒋ ᓂᔭ, ᒥᓇ ᑭᑳᐃᐧ, ᒥᓇ ᑭᒋᐋᐧᒪᐠ ᑭ ᑲ ᓇᐊᐧᑭᐢᑖᑎᓈᐣ ᒧᐦᒋᕽ ᐃᓯ? 11#ᐃᓯᐦᒋᑫᐃᐧᓂᐋᐧᐊᐧ 7:9ᐅᒋᐋᐧᒪ ᒫᑲ ᑭ ᐃᓴᐋᐧᓇᑫᔨᒥᐠ; ᒫᑲ ᐃᐧᔭ ᐅᑖᐃᐧᔭ ᑭ ᓈᓈᑲᑕᐁᐧᔨᑕᒥᔨᐊᐧ ᑳ ᐃᑎᑕᑯᐟ.

12ᐅᒋᐋᐧᒪ ᒫᑲ ᑭ ᓇᑕᐃᐧ ᑲᓇᐁᐧᔨᒣᔨᐊᐧ ᐅᑖᐃᐧᐋᐧᐊᐧ ᐅ ᒫᔭᑎᐦᑯᒥᔨᐊᐧ ᐊᓂᑕ ᓯᑭᒼ. 13ᐃᐢᕒᐁᐃᓬ ᒫᑲ ᐅᒥᓯ ᑭ ᐃᑌᐤ ᒍᓯᐸ, ᓇᒪᒋ ᑭᒋᐋᐧᒪᐠ ᓯᑭᒥᕽ ᑲᓇᐁᐧᔨᒣᐊᐧᐠ ᒫᔭᑎᐦᑲᐧ? ᑭᔮᒼ ᑭ ᑲ ᐃᓯᑎᓴᐦᐅᑎᐣ ᑭᑕ ᓇᑕᐋᐧᐸᒪᒋᐠ. ᐅᒥᓯ ᒫᑲ ᑭ ᐃᑎᐠ, ᐅᑕ ᒫᑲ ᓂᐟ ᐊᔮᐣ. 14ᐅᒥᓯ ᒫᑲ ᑭ ᐃᑌᐤ, ᓯᐯᐧᐦᑌ ᑭᐸᑯᓭᔨᒥᑎᐣ, ᓇᑕᐋᐧᐯᓂᑫ ᑭᐢᐱᐣ ᒥᔪᐸᔨᐃᑯᐋᐧᑫᐧ ᑭᒋᐋᐧᒪᐠ ᒥᓇ ᒥᔪᐸᔨᐃᑯᐋᐧᑫᐧ ᒫᔭᑎᑲᐧᐠ; ᐁᑯᓯ ᐯ ᐋᒋᒧᐢᑕᐃᐧᑲᐣ ᒥᓇ. ᑭ ᓯᐯᐧᑎᓴᐁᐧᐤ ᒫᑲ ᐦᐁᐸᕒᐊᐣ ᐋᐧᔭᑎᓈᕽ ᐅᐦᒋ, ᑭ ᐯ ᐃᑐᐦᑌᔨᐊᐧ ᒫᑲ ᓯᑭᒥᕽ.

15ᐯᔭᐠ ᒫᑲ ᓈᐯᐤ ᐁ ᒣᑳᐧᐢᑲᐋᐧᐠ ᐳᑎ ᑭ ᐸᐸ ᑭᐅᐦᑌᔨᐊᐧ ᒪᐢᑯᑌᕽ; ᐊᓇ ᒫᑲ ᓈᐯᐤ ᑭ ᑲᑭᐧᒋᒣᐤ ᐅᒥᓯ ᐁ ᐃᑖᐟ, ᑫᑳᐧᐩ ᓇᓈᑐᓇᒪᐣ? 16ᑭ ᐃᑌᐧᐤ ᒫᑲ, ᓂ ᓇᓈᑐᓇᐋᐧᐊᐧᐠ ᓂᒋᐋᐧᒪᐠ; ᐃᐧᐦᑕᒪᐃᐧᐣ ᑭ ᐸᑯᓭᔨᒥᑎᐣ ᑖᓂᑌ ᐁᑕᓯ ᑲᓇᐁᐧᔨᒫᒋᐠ ᐅ ᒫᔭᑎᐦᑯᒥᐋᐧᐊᐧ. 17ᐊᓇ ᒫᑲ ᓈᐯᐤ ᑭ ᐃᑌᐤ, ᓯᐯᐧᑌᐊᐧᐠ, ᒋᑫᒫ ᓂ ᑭ ᐯᑕᐋᐧᐊᐧᐠ ᐁ ᐃᑌᐧᒋᐠ, ᒫᐦᑎ ᐃᑐᐦᑌᑖᐠ ᑐᐦᑖᓂᕽ. ᒍᓯᑊ ᒫᑲ ᑭ ᐱᒥᑎᓴᐁᐧᐤ ᐁᑯᓯ ᑭ ᒥᐢᑲᐁᐧᐤ ᑐᐦᑖᓂᕽ. 18ᐃᐢᐱ ᒫᑲ ᐃᐧᔮᐸᒫᒋᐠ ᐋᐧᔭᐤ ᐅᐦᒋ, ᒪᐧᔦᐢ ᐅᑎ ᑭᓯᐋᐧᐠ ᐅᑎᐦᑎᑯᒋᐠ, ᑭ ᐅᔭᐢᒋᑫᐊᐧᐠ ᑭᑕ ᓂᐸᐦᐋᒋᐠ. 19ᑭ ᐊᔨᑎᑐᐊᐧᐠ ᒫᑲ, ᐋᐧᐸᒥᕽ ᐊᐊᐧ ᐅᐸᐋᐧᒥᐤ ᑳ ᐯᑖᐢᑕᒧᑌᐟ, 20ᐦᐊᐤ ᒫᑲ ᑭᔮᒼ ᓂᐸᐦᐋᑖᐠ ᒥᓇ ᐱᐦᒋᐁᐧᐱᓈᑖᐠ ᓈᐣᑕᐤ ᐃᑕ ᐋᐧᑎᑳᓂᕽ; ᑭ ᑲ ᐃᑖᐧᓇᐤ ᒫᑲ, ᓈᐣᑕᐤ ᒪᒋ ᐱᓯᐢᑭᐊᐧ ᑭ ᐱᑯᐱᑎᐠ; ᑭ ᑲ ᐋᐧᐸᐦᑌᓈᐣ ᒫᑲ ᑫ ᐊᔨᑭᓂᔨᑭ ᐅ ᐸᐋᐧᒥᐃᐧᓇ. 21ᕒᐅᐱᐣ ᒫᑲ ᑭ ᐯᐦᑕᐁᐧᐤ, ᒥᓇ ᑭ ᐸᐢᐱᐦᐁᐤ ᐅᒋᐦᒋᔨᕽ ᐅᐦᒋ; ᐅᒥᓯ ᐁ ᑭ ᐃᑌᐧᐟ, ᑭᔮᒼ ᐁᑳᐃᐧᔭ ᓂᐸᐦᐋᑖᐠ. 22ᕒᐅᐱᐣ ᒫᑲ ᐅᒥᓯ ᑭ ᐃᑌᐤ, ᐁᑳᐃᐧᔭ ᓯᑭᓇᒧᐠ ᒥᐦᑯ, ᒫᑲ ᐱᐦᒋᐁᐧᐱᓂᕽ ᐋᐧᑎᑳᓂᕽ ᑳ ᐊᔮᐠ ᐅᑕ ᐱᑲᐧᑕᐢᑭᕽ, ᐁᑳᐃᐧᔭ ᒫᑲ ᓈᐣᑕᐤ ᑐᑖᕽ; ᐁ ᐃᐧ ᐸᐢᐱᐋᐟ ᐅᒋᐦᒋᔨᕽ ᐅᐦᒋ, ᑭᑕ ᐸᑭᑎᓇᒪᐋᐧᐟ ᑳᐃᐧ ᐅᑖᐃᐧᔭ.

23ᑭ ᐃᐢᐸᔨᐤ ᒫᑲ ᐃᐢᐱ ᒍᓯᑊ ᐁᐧᐅᑎᑖᐟ ᐅᒋᐋᐧᒪ ᑭ ᑫᑕᓵᑫᐱᑎᐠ ᒍᓯᑊ ᐅᐢᑯᑖᑲᐩ ᑳ ᓇᓈᑐᑯᓯᓈᐢᑌᔨᐠ ᑳ ᑭ ᑭᑭᐢᑲᕽ. 24ᑭ ᐅᑎᓀᐊᐧᐠ ᒫᑲ ᐁ ᑭ ᐱᐦᒋᐁᐧᐱᓈᒋᐠ ᐋᐧᑎᑳᓂᕽ; ᐊᓂᒪ ᒫᑲ ᐋᐧᑎᑳᐣ ᑭ ᐱᓯᓯᑳᐧᐤ, ᓇᒪᐃᐧᔭ ᓂᐱ ᐊᓯᐊᐧᑌᐤ. 25ᑭ ᓇᐦᐊᐱᐊᐧᐠ ᒫᑲ ᑭᑕ ᒧᐋᐧᒋᐠ ᐸᐦᑫᐧᓯᑲᓇ; ᑭ ᐅᐦᐱᐢᑫᐧᔨᐊᐧᐠ ᒫᑲ ᐁ ᑭ ᐃᑖᐱᒋᐠ ᐳᑎ ᒫᑲ ᑭ ᐯᑖᐊᐧᔨᑐᐊᐧᐠ ᐃᐢᒣᐃᓬᐊᐃᑕᐠ, ᑭᓬᐃᔭᐟ ᐅᐦᒋ, ᐅ ᐱᐢᑳᐧᐃᐧᑲᓂᒥᐋᐧᐊᐧ ᐁ ᓇᔭᑕᒥᔨᐟ ᓯᐊᐧᔭᑫᐢᑲᐧ, ᒪᐢᑭᑭ, ᒥᓇ ᑳ ᐃᐧᑭᒫᑯᓯᐟ ᐱᑭᐤ, ᐁ ᐃᑐᐦᑕᑖᒋᐠ ᐃᒋᑊᑎᕽ. 26ᒍᑕ ᒫᑲ ᐅᒥᓯ ᑭ ᐃᑌᐤ ᐅᒋᐋᐧᒪ, ᑫᑲᐧᐩ ᑫ ᐅᐦᑎᓯᔭᕽ ᑭᐢᐱᐣ ᓂᐸᐦᐋᔭᕽ ᑭᒋᐋᐧᒥᓇᐤ, ᐁᑯᓯ ᑳᑖᐋᐧᔭᕽ ᐅ ᒥᐦᑯ? 27ᑭᔮᒼ ᐊᑖᒫᑖᓂᐠ ᐃᐢᒣᐃᓬᐊᐃᑕᐠ ᑭᔮᒼ ᒫᑲ ᐁᑳᐃᐧᔭ ᑭᔮᓇᐤ ᑭᒋᐦᒋᓇᐊᐧ ᑭᑕ ᐸᑲᒥᐢᑳᐠ; ᒋᑫᒫ ᑭᒋᐋᐧᒥᓇᐤ, ᒥᓇ ᑭ ᐃᐧᔮᓯᓇᐤ. ᐅᒋᐋᐧᒪ ᒫᑲ ᑭ ᓇᐁᔨᑕᒥᔨᐊᐧ. 28#ᐃᓯᐦᒋᑫᐃᐧᓂᐋᐧᐊᐧ 7:9ᐁᑯᑕ ᒫᑲ ᑭ ᐱᒧᐦᑌᐊᐧᐠ ᒥᑎᔭᓇᐃᑕᐠ ᐅᑕᑖᐁᐧᐃᐧᔨᓂᐊᐧᐠ; ᑭ ᐅᑎᓀᐊᐧᐠ ᒫᑲ ᒍᓯᐸ ᐋᐧᑎᑳᓂᕽ ᐅᐦᒋ, ᐁᑯᓯ ᐁ ᑭ ᐊᑖᐋᐧᑫᒋᐠ ᒍᓯᐸ ᐊᓂᐦᐃ ᐃᐢᒣᐃᓬᐊᐃᑕ ᓂᓯᑕᓇᐤ ᑕᑖᐧᐱᐢᐠ ᓱᓂᔮᐊᐧ ᐁ ᑎᐸᐋᒫᑯᒋᐠ; ᑭ ᐯᓯᐁᐧᐊᐧᐠ ᒫᑲ ᒍᓯᐸ ᐃᒋᑊᐟ ᐊᐢᑭᕽ.

29ᕒᐅᐱᐣ ᒫᑲ ᑭ ᐃᑐᐦᑌᐤ ᐊᓂᑕ ᐋᐧᑎᑳᓂᕽ; ᐳᑎ ᒫᑲ ᒍᓯᑊ ᓇᒪᐃᐧᔭ ᐋᐧᑎᑳᓂᕽ ᑭ ᐊᔮᐤ; ᑭ ᔮᔨᑭᐱᑕᒼ ᒫᑲ ᐅ ᑭᑭᐢᑳᒋᑲᓇ. 30ᑭ ᓈᑌᐤ ᒫᑲ ᐅᒋᐋᐧᒪ ᐅᒥᓯ ᐁ ᑭ ᐃᑌᐧᐟ, ᓇᒪᑌᐤ ᐊᐋᐧᓯᐢ: ᓂᔭ ᒫᑲ ᑖᓂᑌ ᑫ ᐃᑐᐦᑌᔮᐣ? 31ᑭ ᐅᑎᓇᒪᐧᐠ ᒫᑲ ᒍᓯᐸ ᐅᐢᑯᑖᑳᔨᐤ, ᐁᑯᓯ ᑭ ᓂᐸᐁᐊᐧᐠ ᐋᐧᐸᑎᑯᓯᓴ ᐁᑯᓯ ᐁ ᑭ ᑭᐦᑖᓇᑭᐠ ᒥᐢᑯᑖᑲᐩ ᒥᐦᑯᕽ. 32ᑭ ᐃᓯᑎᓴᐦᐊᒪᐧᐠ ᒫᑲ ᒥᐢᑯᑖᑲᐩ ᑳ ᓇᓈᑐᑯᓯᓈᐢᑌᔨᐠ ᐁ ᑭ ᐯᑕᒪᐋᐧᒋᐠ ᐅᑖᐃᐧᐋᐧᐊᐧ ᐅᒥᓯ ᐁ ᐃᑖᒋᐠ, ᓂ ᑭ ᒥᐢᑫᓈᐣ ᐅᒪ, ᒫᐦᑎ ᒫᑲ ᑭᐢᐱᐣ ᐁᐋᐧᑫᐧᔨᐤ ᑭᑯᓯᐢ ᐅᐢᑯᑖᑲᐩ ᐊᐦᐳ ᓇᒪᔦᐤ. 33ᑭ ᑭᐢᑫᔨᑕᒼ ᒫᑲ ᐁᐊᐧᑫᐧᔨᐤ, ᐁᑯᓯ ᑭ ᐃᑌᐧᐤ, ᓂᑯᓯᐢ ᐅᒪ ᐅᐢᑯᑖᑲᐩ; ᒪᒋ ᐱᓯᐢᑭᐤ ᑭ ᒧᐃᐧᐠ; ᒍᓯᑊ ᑫᐦᒋᓈ ᑭ ᐱᓯᐱᑖᐤ. 34ᒉᑲᑊ ᒫᑲ ᑭ ᔮᔨᑭᐱᑕᒼ ᐅ ᑭᑭᐢᑳᒋᑲᓇ ᒥᓇ ᐁ ᑭ ᐊᐢᑖᐟ ᐊᓯᓯᐁᐧᑭᐣ ᐃᐧᔭᐃᐧᕽ ᒥᓇ ᐁ ᑭ ᒪᐃᐧᑳᑖᐟ ᐅᑯᓯᓴ ᒥᐦᒉᑐᑭᓯᑳᐤ. 35ᑲᐦᑭᔭᐤ ᒫᑲ ᐅᑯᓯᓴ ᒥᓇ ᑲᐦᑭᔭᐤ ᐅᑖᓂᓴ ᑭ ᓇᑕᐃᐧ ᑲᑫᐧ ᒥᔪᑌᐦᐁᐦᐃᐠ; ᒫᑲ ᓇᒪᐃᐧᔭ ᑭ ᐃᐧ ᒥᔪᑌᐦᐁᐦᐃᑯᓯᐤ; ᒋᑫᒫ ᑭ ᐃᑌᐧᐤ, ᓂ ᑲ ᐊᑎ ᐃᑐᐦᑖᐣ ᐱᔨᐢ ᒋᐸᔨᓈᕽ ᐁ ᒥᐦᑖᑕᐠ ᓂᑯᓯᐢ. ᐁᑯᓯ ᐅᒪ ᑳ ᑭ ᐃᓯ ᒪᐃᐧᑳᑎᑯᐟ ᐅᑖᐃᐧᔭ. 36ᐊᓂᑭ ᒫᑲ ᒥᑎᔭᓇᐃᑕᐠ ᑭ ᐊᑖᐋᐧᑫᐊᐧᐠ ᒍᓯᐸ, ᐃᒋᑊᐟ ᐊᐢᑭᕽ, ᐊᓂᐦᐃ ᐹᑎᐹᕒ, ᐅ ᓯᒫᑲᓂᓯᐃᐧᑭᒫᒪ ᐯᕒᐅ, ᑳ ᑎᐯᔨᒫᔨᐟ ᐅᑲᓇᐁᐧᔨᐦᒋᑫᐊᐧ, ᐁ ᐅᑎᓈᐟ.

Currently Selected:

ᒉᓂᓯᐢ 37: KKMs

Highlight

Copy