ᐃᓯᐦᒋᑫᐃᐧᓂᐋᐧᐊᐧ 3
3
1ᐱᑕᕒ ᒫᑲ ᒥᓇ ᒑᐣ ᑭ ᐃᑐᐦᑌᐊᐧᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐃᑕ ᒫᓇ ᐁ ᐊᔭᒥᐦᐋᕽ, ᐁᐊᐧᑯ ᑫᑳᐟ ᒥᑖᑕᐦᐟ ᑎᐸᐃᑲᐣ. 2ᐯᔭᐠ ᒫᑲ ᓈᐯᐤ ᐁᑳ ᐁ ᑭ ᐱᒧᐦᑌᐟ ᐁ ᓂᐦᑖᐃᐧᑭᐦᐃᑯᐟ ᐅᑳᐃᐧᔭ ᐅᐦᒋ, ᑭ ᐱᒧᑕᐋᐤ, ᑳ ᐱᒥᓯᒫᒋᐠ ᒫᓇ ᑕᐦᑐ ᑭᓯᑳᐤ ᐁ ᐃᐢᑳᐧᑌᒥᐊᐧᕽ ᑭᐦᒋ ᐊᔮᒥᐁᐃᐧᑲᒥᐠ ᐊᓂᒪ ᑲᑕᐊᐧᓯᓯᐣ ᑳ ᐃᓯᔨᐦᑳᑌᐠ, ᑭᑕ ᓇᑐᑕᒪᐋᐧᐟ ᒣᑭᐃᐧᓇ ᐊᓂᐦᐃ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑳ ᐱᐦᑐᑫᔨᐟ; 3ᐁᐊᐧᑯ ᐊᐊᐧ ᐁ ᐋᐧᐸᒫᐟ ᐱᑕᕒᐊ ᒥᓇ ᒑᓇ ᐁ ᐃᐧ ᐊᑎ ᐱᐦᑐᑫᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭ ᓇᑐᑕᒪᐁᐧᐤ ᒣᑭᐃᐧᐣ. 4ᐱᑕᕒ ᒫᑲ, ᓱᐦᑭ ᐁ ᑭᑖᐸᒫᐟ, ᐊᓯᒋ ᒑᐣ, ᑭ ᐃᑌᐧᐤ, ᑲᓇᐋᐧᐸᒥᓈᐣ. 5ᐁᑯᓯ ᑭ ᐋᓯᑳᐸᒣᐤ, ᑫᑲᐧᐩ ᓂ ᑲ ᒥᔨᑲᐧᐠ ᐁ ᐃᑌᔨᑕᕽ. 6ᒫᑲ ᐱᑕᕒ ᑭ ᐃᑌᐧᐤ, ᐋᐧᐱᐢᑭ ᓱᓂᔮᐤ ᒥᓇ ᐅᓵᐃᐧ ᓱᓂᔮᐤ ᓇᒪ ᑫᑲᐧᐩ ᓂᐟ ᐊᔮᐋᐧᐤ; ᒫᑲ ᐁ ᐃᓯ ᐊᔮᔮᐣ ᐁᐊᐧᑯ ᑭ ᒥᔨᑎᐣ. ᐅ ᐃᐧᔪᐃᐧᓂᕽ ᒋᓴᐢ ᙭ ᓈᓴᕒᐁᑎᕽ ᑳ ᐅᐦᒋᐟ, ᐱᒧᐦᑌ. 7ᐁᑯᓯ ᑭ ᓴᑭᒋᐦᒉᓀᐤ ᐅ ᑭᐦᒋᓂᐢᑭᔨᕽ, ᒥᓇ ᑭ ᐅᐱᓀᐤ: ᐁᑯᓯ ᓭᒫᐠ ᐅ ᓯᑕ ᒥᓇ ᐊᐧᑲᐧᓂᑲᓇ ᑭ ᒪᐢᑲᐃᐧᓯᒪᑲᓂᔨᐊᐧ. 8ᐁ ᐸᓯᑯᓯᐸᑖᐟ ᒫᑲ ᑭ ᓂᐸᐃᐧᐤ, ᒥᓇ ᑭ ᒫᒋ ᐱᒧᐦᑌᐤ; ᐁᑯᓯ ᑭ ᐊᑎ ᐃᐧᒉᐁᐧᐤ ᐁ ᐊᑎ ᐱᐦᑐᑫᒋᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐁ ᐱᒧᐦᑌᐟ, ᐁ ᑳᐧᐢᑳᐧᐢᑯᑎᐟ, ᒥᓇ ᐁ ᒪᒥᒋᒫᐟ ᑭᓭᒪᓂᑐᐊᐧ. 9ᑲᐦᑭᔭᐤ ᒫᑲ ᐊᔨᓯᔨᓂᐊᐧ ᑭ ᐋᐧᐸᒥᐠ ᐁ ᐱᒧᐦᑌᐟ ᒥᓇ ᐁ ᒪᒥᒋᒫᐟ ᑭᓭᒪᓂᑐᐊᐧ: 10ᐁᑯᓯ ᑭ ᓂᓯᑕᐃᐧᓇᐁᐧᐊᐧᐠ, ᐁᐊᐧᑲᐧᓂ ᑳ ᑭ ᐊᐱᔨᐟ ᒣᑭᐃᐧᓇ ᐅᐦᒋ ᑳ ᑲᑕᐊᐧᓯᓯᓂᔨᐠ ᐃᐢᑳᐧᑌᒼ ᑭᐦᒋ ᐊᔭᒥᐦᐁᐃᐧᑲᒥᑯᕽ: ᐁᑯᓯ ᑭ ᒫᒪᐢᑳᑕᒪᐧᐠ ᑖᓂᓯ ᐃᐧᔭ ᐅᒪ ᐁ ᐃᑌᔨᑕᐦᑭᐠ ᐊᓂᒪ ᑳ ᑭ ᐃᐢᐸᔨᐃᑯᔨᐟ.
11ᒣᑳᐧᐨ ᒫᑲ ᐁᑳ ᐁ ᐸᑭᑎᓈᐟ ᐱᑕᕒᐊ ᒥᓇ ᒑᓇ, ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᒫᒪᐃᐧ ᐃᐢᐸᑖᐊᐧᐠ ᐃᑕ ᐁ ᐊᔮᔨᐟ ᐊᓂᑕ ᐅ ᐱᑕᐃᐧᐢᑳᐧᑌᒥᕽ ᓵᓬᐅᒪᐣ ᑳ ᐃᓯᔨᐦᑳᑌᐠ, ᒥᐢᑕᐦᐃ ᐁ ᒫᒪᐢᑳᑕᑭᐠ. 12ᐃᐢᐱ ᒫᑲ ᐱᑕᕒ ᐃᐧᔮᐸᐦᑕᕽ, ᑭ ᓇᐢᑫᐧᐊᐧᓯᒣᐤ ᐊᔨᓯᔨᓂᐊᐧ, ᑭᔭᐋᐧᐤ ᐃᐢᕒᐁᐃᓬ ᐊᔨᓯᔨᓂᑎᐠ, ᑖᓀᑭ ᑳ ᒫᒪᐢᑳᑖᔦᐠ ᐊᐊᐧ ᓈᐯᐤ? ᐊᐦᐳ ᑖᓀᑭ ᓱᑭ ᑳ ᑭᑖᐸᒥᔮᕽ, ᑖᐱᐢᑯᐨ ᓂᔭᓈᐣ ᓂ ᒪᐢᑲᐃᐧᓯᐃᐧᓂᓈᐣ ᐊᐦᐳ ᓂ ᒪᓂᑐᐋᐧᑎᓯᐃᐧᓂᓈᐣ ᐁ ᑭ ᒥᔮᔮᕽ ᑭᑕ ᐱᒧᐦᑌᐟ? 13#ᐁᐠᓴᑕᐢ 3:15ᐅ ᑭᓭᒪᓂᑐᒪ ᐁᑊᕒᐁᐋᒼ, ᒥᓇ ᐊᐃᓴᐠ, ᒥᓇ ᒉᑲᑊ, ᐅ ᑭᓭᒪᓂᑐᒥᐋᐧᐊᐧ ᑯᑕᐃᐧᓇᐊᐧᐠ, ᑭ ᑭᐢᑌᔨᑖᑯᐁᐤ ᐅᐟ ᐊᑐᐢᑫᔮᑲᓇ ᒋᓴᐢ; ᑳ ᑭ ᐸᑭᑎᓈᔦᐠ ᒥᓇ ᑳ ᑭ ᐋᓀᐧᑕᐋᐧᔦᐠ ᐁ ᐅᑎᐢᑲᐃᐧᐢᑲᐋᐧᔦᐠ ᐸᐃᓬᐊᐟ, ᐃᐧᔭ ᐋᑕ ᐁ ᑭ ᐃᑌᔨᑕᕽ ᑭᑕ ᐸᑭᑎᓈᐟ. 14#ᒫᐟᔪ 27:15-23; ᒫᕒᐠ 15:6-14; ᓬᐅᐠ 23:13-23; ᒑᐣ 19:12-15ᒫᑲ ᑭᔭᐋᐧ ᑭ ᑭ ᐋᓀᐧᑕᐋᐧᐋᐧᐤ ᑳ ᑲᓈᑎᓯᐟ ᒥᓇ ᑳ ᑲᐧᔭᐢᑭᑖᑎᓯᐟ, ᐁᑯᓯ ᑭ ᑭ ᓇᑐᑌᓈᐋᐧᐤ ᐅᓂᐸᑖᑫᐤ ᑭᑕ ᐸᑭᑎᓇᒫᑲᐃᐧᔦᐠ, 15ᒥᓇ ᑭ ᑭ ᓂᐸᐦᐋᐋᐧᐤ ᑳ ᑎᐯᔨᑕᕽ ᐱᒫᑎᓯᐃᐧᐣ; ᐊᓂᐦᐃ ᑭᓭᒪᓂᑐ ᓂᐳᐃᐧᓂᕽ ᑳ ᑭ ᐅᐦᒋ ᐊᐧᓂᐢᑳᓈᐟ; ᐁᐊᐧᑯ ᓂᔭᓈᐣ ᑳ ᐋᑐᑕᒫᕽ. 16ᐁᑯᓯ ᑖᐯᐧᔦᔨᑕᒧᐃᐧᐣ ᐅᐦᒋ ᐅ ᐃᐧᔪᐃᐧᓂᕽ, ᐅ ᐃᐧᔪᐃᐧᐣ ᑭ ᒪᐢᑲᐃᐧᓯᐦᐃᐠ ᐊᐊᐧ ᓈᐯᐤ, ᑳ ᐋᐧᐸᒫᔦᐠ ᒥᓇ ᑳ ᑭᐢᑫᔨᒫᔦᐠ: ᐁᐦᐁ, ᐁᐊᐧᑳᐧᓇ ᐁ ᑖᐯᐧᔦᔨᒥᐦᐟ ᐁᐊᐧᑫᐧᔨᐤ ᑳ ᒥᔨᑯᐟ ᐅᒪ ᒥᑐᓂ ᑲᐦᑭᓯᐃᐧᐣ ᑳ ᐃᓯ ᐋᐧᐸᒫᔦᐠ ᑲᐦᑭᔭᐤ ᐁ ᐊᔮᐟ. 17ᐁᑲᐧ ᒫᑲ, ᓂᒋᐋᐧᒥᑎᐠ, ᓂ ᑭᐢᑫᔨᑌᐣ ᐁᑳ ᐁ ᐅᑭᐢᑫᔨᑕᒧᐃᐧᓂᔦᐠ ᑳ ᑭ ᐅᐦᒋ ᐃᑐᑕᒣᐠ, ᐁᑯᓯ ᑖᐱᐢᑯᐨ ᒥᓇ ᑯᔭᓱᐁᐧᐃᐧᔨᓂᒥᐋᐧᐊᐧᐠ. 18ᒫᑲ ᐊᓂᐦᐃ ᑭᓭᒪᓂᑐ ᑳ ᑭ ᑭᓵᒋ ᐋᐧᐸᐦᑕᐦᐃᐁᐧᐟ ᐅᑐᓂᔨᕽ ᐅᐦᒋ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧ, ᐅ ᙭ᐃᒪ ᑭᑕ ᐃᓯ ᑯᑕᑭᑖᔨᐟ, ᐁᑯᓯ ᑭ ᐃᓯ ᑎᐱᐸᔨᑖᐤ.
19ᑫᐧᐢᑭᐱᒫᑎᓯᐠ ᒫᑲ, ᒥᓇ ᑫᐧᐢᑭᐠ, ᑭ ᒪᒋᑎᐃᐧᓂᐋᐧᐊᐧ ᑭᑕ ᑳᓯᓂᑳᑌᑭ, ᐁᑯᓯ ᐃᓯ ᑭᑕ ᐅᑎᐦᒋᐸᔨᐠ ᓂᓱᑲᒫᑫᐃᐧᐣ ᐃᑕ ᐅᐦᒋ ᑳ ᑭᑖᐸᑫᐟ ᑳ ᑎᐯᔨᐦᒋᑫᐟ; 20ᐁᑯᓯ ᑭᑕ ᐃᓯᑎᓴᐋᐧᐟ ᐊᓂᐦᐃ ᙭ᐊ ᑳ ᑭ ᐅᔭᑭᑕᒫᑲᐃᐧᔦᐠ, ᒋᓴᐢ ᐅᑎ: 21ᐁᐊᐧᑯ ᑭᐦᒋ ᑭᓯᑯᕽ ᐱᑯ ᑭᑕ ᐅᑎᓂᐦᐟ ᐃᐢᑯ ᐅᑎᐦᒋᐸᔨᑭ ᑭᑕ ᑎᐱᐸᔨᑭ ᑲᐦᑭᔭᐤ ᑫᑲᐧᔭ, ᐊᓂᐦᐃ ᑭᓭᒪᓂᑐ ᑳ ᑭ ᑕᓯᑕᕽ ᐅᑐᓂᔨᕽ ᐅᐦᒋ ᑳ ᑲᓈᑎᓯᔨᐟ ᐅᑭᐢᑭᐁᐧᐦᐃᑫᒪ ᑳ ᑭ ᐊᔮᔨᐟ ᐊᐢᐱᐣ ᑳ ᐯ ᐊᐢᑭᐊᐧᕽ. 22#ᑎᔪᑕᕒᐊᓇᒥ 18:15,18ᒧᓯᐢ ᑖᐯᐧ ᐃᑌᐧᐤ, ᐅᑭᐢᑭᐁᐧᐦᐃᑫᐊᐧ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᑲ ᐊᐧᓂᐢᑳᓇᒫᑯᐋᐧᐤ ᑭᒋᐋᐧᒥᐋᐧᐊᐧᐠ ᐅᐦᒋ, ᑖᐱᐢᑯᐨ ᓂᔭ; ᐁᐊᐧᑯ ᑭ ᑲ ᓇᑐᑕᐋᐧᐋᐧᐤ ᑲᐦᑭᔭᐤ ᑫᑲᐧᐩ ᐱᑯ ᑫᑲᐧᐩ ᑫ ᐃᑎᑯᐁᐧᑫᐧ. 23#ᑎᔪᑕᕒᐊᓇᒥ 18:19ᑭᑕ ᐃᐦᑭᐣ ᒫᑲ, ᑲᐦᑭᔭᐤ ᐊᐦᒑᕽ, ᐁᑳ ᑫ ᓇᑐᑕᐋᐧᑫᐧ ᐁᐊᐧᑲᐧᓂ ᐅᑭᐢᑭᐁᐧᐦᐃᑫᐊᐧ, ᒥᑐᓂ ᑭᑕ ᓂᓯᐊᐧᓈᒋᐋᐤ ᐊᔨᓯᔨᓂᓈᕽ ᐅᐦᒋ. 24ᐁᐦᐁ ᒥᓇ ᑲᐦᑭᔭᐤ ᐅᑭᐢᑭᐁᐧᐦᐃᑫᐊᐧᐠ ᓵᒼᔪᐃᓬ ᐅᐦᒋ ᒥᓇ ᐊᓂᑭ ᓈᐊᐧᐩ ᑳ ᑭ ᐊᔮᒋᐠ, ᑕᐦᑐ ᑳ ᑭ ᐱᑭᐢᑫᐧᒋᐠ, ᐃᐧᐢᑕᐋᐧᐤ ᑭ ᐃᐧᐦᑕᒪᐧᐠ ᐅᐦᐃ ᑭᓯᑳᐊᐧ. 25#ᒉᓂᓯᐢ 22:18ᑭᔭᐋᐧᐤ ᐅᑯᓯᓯᐋᐧᐊᐧ ᐅᑭᐢᑭᐁᐧᐦᐃᑫᐊᐧᐠ, ᒥᓇ ᐊᓂᒪ ᐊᓱᑕᒫᑫᐃᐧᐣ ᑭᓭᒪᓂᑐ ᑳ ᑭ ᐃᐧᒋᐃᓯᒋᑫᒫᐟ ᑯᑖᐃᐧᐋᐧᐊᐧ, ᐁ ᐃᑖᐟ ᐁᑊᕒᐁᐋᒪ, ᑭᔭ ᑭᐟ ᐊᐋᐧᓯᒥᓴᐠ ᐅᐦᒋ ᑭᑕ ᓴᐁᐧᔨᑖᑯᓯᐊᐧᐠ ᑲᐦᑭᔭᐤ ᐁ ᐃᑕᐦᑐᐢᑳᓀᓯᒋᐠ ᐊᐢᑭᕽ. 26ᑭᔭᐋᐧᐤ ᒫᑲ ᓂᑳᐣ ᑭᓭᒪᓂᑐ, ᐁ ᑭ ᐊᐧᓂᐢᑳᓈᐟ ᐅᐟ ᐊᑐᐢᑫᔮᑲᓇ, ᑭ ᐃᓯᑎᓴᐁᐧᐤ ᑭᑕ ᓴᐁᐧᔨᒥᑯᔦᐠ, ᐁ ᑫᐧᐢᑭᓂᑯᔦᐠ ᑲᐦᑭᔭᐤ ᑳ ᐃᑕᓯᔦᐠ ᑭ ᒪᒋᐃᑎᐃᐧᓂᐋᐧᕽ ᐅᐦᒋ.
Currently Selected:
ᐃᓯᐦᒋᑫᐃᐧᓂᐋᐧᐊᐧ 3: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
