Nikamowina 95
95
pē‑mamihcimātāk
1āstamik, mahti mamihcimātāk kā‑tipēyihcikēt!
mahti nikamostawātāk kisē-manitow ē‑mōcikēyihtamahk,
ēwako sōhkātisiw tāpiskōc asiniy kā‑pimācihikoyahk.
2mahti nitawi-nīpawīstawātān kita-nanāskomoyahk;
mīna nikamostawātāk ē‑mamihcimāyahk.
3ayisk kā‑tipēyihcikēt kihci-manitōwiw,
ayiwāk kihci-okimāwiw ispīhci kahkiyaw manitowa.
4pimipayihtāw iyawisk ōma askiy,
itāmihk askīhk ohci isko tahkohc asinīwacīhk.
5tipēyihtam kihcikamiy, kā‑kī-osīhtāt;
askiy asici wiya kā‑kī-osīhtāt.
6hāw, mahti tapahtiskwēkāpawīstawātāk ta‑mawimostawāyahk;
mahti ocihcihkwanapīstawātāk kā‑tipēyihcikēt kā‑kī-osīhikoyahk!
7ēwako kimanitōminaw;
kiyānaw otiyinīma kā‑kitēyimāt,
otiyinīma kā‑kanawēyimāt.
anohc kā‑kīsikāk natohtawik tānisi ē‑itwēt!
8ēkāya macistikwānēk tāpiskōc kimosōmipaniwāwak Meribahihk,
tāpiskōc ispī kā‑kī-macistikwānēcik Massah pakwataskīhk.
9nikī-kocihikwak ē‑mawinēhocik,
āta ē‑wāpahtahkik tānisi ē‑kī-tōtamawakik.
10nēwomitanaw askiy nikī-kisiwāhikwak ōki,
nikī-itwān, “sasīpihtamwak;
ēkāya ē‑wī-pimitisahahkik nititasiwēwina.”
11nikī-kisiwāsin mīna nikī-sōhki-asotēn,
“namōya kika-otihtēnāwāw anima askiy
itē tāh‑kī-miyitakok kita-ayiwēpiyēk.”
Currently Selected:
Nikamowina 95: PCSBR
Highlight
Share
Copy
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
