Zechariah 7
7
Antanna Hilo, Thutanna le Lainatna
1Kumpi Darius in a uk a kum lina, a kha kuana, Kislev kha, a ni lina ni-in Zechariah tungah TOPA thu a tung hi. 2 Bethel mite in Sharezar le Regem-Melech, a mite uh tawh TOPA tungah a thum dingin sawl uh a, 3 Thahatpen TOPA inn a siampite le kamsangte kiangah, "Kum tampi sung ka hihsa bangin a kha ngana sung an tangin thum lai ding ka hi uh hiam?" ci-in dongsak uh hi.#2Ku 25:9; Ezr 5:1
4 Tua ciangin Thahatpen TOPA thu kei tungah hong tunga, 5 "Gam mite khempeuh le siampite tungah, ‘A beisa kum sawm sagih sung, a kha ngana le a kha sagihna sungin an tangin thu na nget uh ciangin kei ading taktak mah a antang na hi uh hiam? 6 Tua hi-a na nek na dawn uh ciangin nomau ading mah a pawibawl hilo na hi uh hiam? 7 Jerusalem le a kima khuapite lung nuamin a daupau lai leh Negev le nitumna lam mualbul zangte a, a kiten lai-in kamsang masate tungtawna TOPA thugente hih thute mah hilo ahi hiam?’ ci in," a ci hi.#Isa 1:11-20; 58:5
8 Zechariah tungah TOPA thu tung kika, 9 "Thahatpen TOPA thugen hih ahi hi: Thumaan thutangin thu khen unla khat le khat kilainatin kikhuatuah un. 10 Meigong numeite, pa nei lote, pemtate le mizawngte nengniam kei un. Khat le khat kisiatsak ding na lungsimun ngaihsun kei un,’ ci hi.
11 "Ahi hangin amaute in a thusim kei uh hi; lungkhauhin nungngatsan uh a, a bil uh a hum uh hi. 12 Amaute lungsim thausuang bangin saka thukham ahikeh Thahatpen TOPA in kamsang masate tungtawna ama Kha tawh a gen thute a ngai nuam kei uh hi. Tua ahi ciangin Thahatpen TOPA a heh mahmah hi.
13 "Thahatpen TOPA in, ‘Ka sap ciangin amaute in ka thu a ngai nuam kei uh hi; tua ahi ciangin amaute in kei hong sap uh ciangin ka ngai kei ding hi,’ ci hi. 14 Huihpi gilo zangin minamte khempeuh lakah amaute ka thehthanga, tua lai-ah pemta a suak uh hi. Amaute nungah a gam uh kinusia-in gamkhingpi suak uh a, a sungtum a pusuak kuamah a om kei hi. Amaute in gam nuam kimlai hih bangin gamkhing a suaksak uh hi," a ci hi.#Tp 4:27; Jer 7:27
Currently Selected:
Zechariah 7: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
