Zechariah 3

Tulpipa ading Puantual Siangthote

1Tua ciangin TOPA vansawltak mai-a ding, tulpi Joshua b#3.1 Jeshua tawh kilamdang lo, Zechariah sung khempeuh ah zong hong laka, amah mawhsak dingin a taklama ding Satan c#3.1 Satan pen mawhsakpa hong lak hi. 2 TOPA in Satan kiangah, "Satan aw, TOPA in nang hong tai hi! Jerusalem a teel TOPA in nang hong tai hi! Hih mipa mei pana kitenkhia selkang kuanglai hi lo ahi hiam?" a ci hi.#Ezr 2:2

3 Tu-in puan nin mahmah silhin vansawltak mai-ah Joshua a ding hi. 4 Vansawltak in ama mai-a dingte kiangah, "A puan nin suahsak un," a ci hi.

Tua ciangin amah in Joshua kiangah, "En in, na mawhna ka lakhia khin hi, puan manphate kong silhsak ding hi," a ci hi.#2Sa 12:13; Mic 7:18

5 Tua ciangin, "Dial siangtho khat a lu ah khimsak in," ka ci hi. Tua ciangin TOPA vansawltak in a dinpih lai mahin amaute in a lu ah dial siangtho khat khimsakin puan a silhsak uh hi.#Pk 29:6

6 TOPA vansawltak in Joshua kiangah hih thu pia hi: 7 "Hih in Thahatpen TOPA gen ahi hi: ‘Ka lampite na tot a, ka deihnate na zuih leh tua ciangin ka inn ukin, ka huang sungteng na sai dinga, hih lai-a dingte lakah mun khat kong pia ding hi.#Sp 8:35

8 "‘Tulpi Joshua aw, ngai in, na mai-a na tutkhawmpihte hong tung ding nate theihsakna lim ahi hi. Keimah in ka nasempa, a Hiang kong puak ding hi. 9 Joshua mai-a ka phuhsa suang en dih un! Tua suang khat tungah mit d#3.9 Ahikeh langpeek sagih om a, tua tungah lai kigelh khat ka khuak ding hi,’ Thahatpen TOPA in ci-a, ‘Ni khat sungin hih gam mawhna ka lakkhiatsak ding hi.#Hag 1:1

10 "‘Tua ni ciangin note mikim in a lenggui nuai le a theikung nuai-a tu ding a vengte a sam ding uh hi, ‘Thahatpen TOPA in cikhia hi," a ci hi.

Currently Selected:

Zechariah 3: ZIV

Highlight

Copy