Zechariah 10
10
TOPA in Judah Don Ding
1Khuakhal kipat hunin TOPA tungah guah ngen un;
huihpi meiipite a bawl TOPA ahi hi.
Amah in mite tungah guah zusak a,#Sp 26:4
a kua mahpeuh tungah ankungte a pia hi.#Job 14:9
2 Milimte in zuau kam pau-in,
khongkhaite in mangmuhna-zuau mu uh hi;
amaute in amaan lopi-in mang khia uh a,#Jer 23:16
a mawkna-in a hehnem uh hi.
Tua ahi ciangin mite tuu bangin vakzau uh a,
a cing nei lo tuu bangin amaute a kinengniam hi.#Ms 27:17
3 "Tuucingte tungah ka heh suak lua-a,
a makaite dan ka thuaksak ding hi;#Isa 14:9
ahang in, Thahatpen TOPA in a ganhonte,
Judah innkuante don dinga,
gal sunga sakol hatpen a bangsak ding hi.#Eze 34:8-10
4 Judah panin innkiu khuambul suang hong pai dinga,#Ph 118:22
amah panin puanbuk khetphim,
amah panin kidona thalpeu,
amah panin gam-uk peuhmah, hong pai ding hi.
5 Amaute a#10.4,5 Ahikeh ukpa, avekpi un / 5 a vekpi un galsimna-a
kongzing buannawi a tuancilgawp mi thahatte bang ding uh hi.#2Sa 22:43
TOPA in amaute ompih ahi manin gal do ding uh a,
sakol galkapte a lawnthal ding uh hi.#Am 2:15
6 Judah innkuante ka thakhauhsak dinga#Eze 30:24
Joseph innkuante ka honkhia ding hi.
Amaute khuatuah ka hi manin
a ngei uh ka bangsak kik ding hi.#Ph 102:13
Keimah amaute Pasian TOPA ka hi manin
ka nial ngei loh bang ka hi ding a,
amaute ngetna ka dawng ding hi.
7 Ephraim-te mi thahat tawh kibang ding uh a,
zudawn bangin a lungkim ding uh hi.#Zec 9:15
A tate un tua mu-in kipak ding uh a,
TOPA sungah a lungdam ding uh hi.#1Sa 2:1
8 Amaute khutvanin ka kaikhawm ding hi.#Isa 5:26
Amaute ka tankhia taktak dinga,
a masa lai-a bangin
tampi a pha ding uh hi.#Jer 33:22
9 Mite lakah amaute ka thehthanga,
mun tuamtuam gamlapi ah a om uh hangin kei hong phawk ding uh hi.
A tate uh tawh amaute suakta in
hong ciah kik ding uh hi.
10 Egypt panin amaute ka paikhiatpih dinga,
Assyria panin amaute ka kaikhawm ding hi.#Isa 11:11
A om nading uh om lo zah dongin#Isa 49:19
Gilead le Lebanon ah ka tunpih ding hi.#Jer 50:19
11 Amaute in lungkhamna tuipi kantan ding uh hi;
tuipi hualte ki-uk zo-in
Nile thuknate khempeuh a kangcip ding hi.#Isa 19:57
Assyria kiphatsakna kinuaisiah dinga,#Zep 2:13
Egypt sik ciangkhut a mangthang ding hi.#Eze 30:24
12 TOPA sungah amaute ka thakhauhsak dinga,
ama minin a kalsuan ding uh hi,"#Mic 2:5
TOPA in cikhia hi.
Currently Selected:
Zechariah 10: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
