Phatna-late 92
92
Phatna-la khat. La khat. Sabbath ni ading.
1 TOPA phat dingin hoih a,
Sang Penpa aw, na minphatna sa in#Ph 9:2
2 zingsangin nangma itna#Ph 55:17
zan ciangin na muanhuaina
3 zang sawm kivawh lyre le harp tumin,#Ph 71:22
kihualtaka tangko dingin a hoih hi.
4 Nangma nasepnate in kei hong kipaksak ahi manin
na khuta na sepsate lungnuamin la ka sak hi. TOPA aw.#Ph 8:6
5 TOPA aw, na nasepte lian na lawmlawm e!#Job 36:24
na ngaihsutna thuk na mahmah e!#Ph 40:5
6 Ngaihsutna nei lote in thei lo uh a,#Ph 73:22
mihaite in a theitel kei uh hi;
7 migilopa ngaihsutna lopa bangin selkhia a,
gamtatsiate a khanpha uh zongin
amaute kisusia den ding hi.#Ph 37:2
8 Ahi hangin TOPA aw, nang hong kitawisang tawntung hi.
9 Ahang in, TOPA aw, na galte mangthangin#Ph 45:5
nangma galte mangthang taktak ding uh a;
a gamtatsiate khempeuh a kithehzak taktak ding uh hi.#Ph 68:1
10 Gam bawngtal khat aa bangin keima ki a# 10 Hih lai-ah Ki in thahatna lim la hi na tawisang a;
ka tungah sathau hoih pente hong kisung khin hi.#Ph 23:5
11 Kei hong galbawlte kizawhna ka mitin mu a;
a gilo ka galte taikekna ka bilin ka za khin hi.#Ph 54:7
12 A thumaante nisuh kung bangin khanpha ding uh a,#Ph 72:7
Lebanon a tamtak bangin khang ding uh hi;#Ph 1:3
13 TOPA inn sungah kisuanin,
eite Pasian huang sungah a khanpha ding uh hi.#Ph 135:2
14 A upat khit dongun gahlai ding uh a,#Jn 15:2
nosuakin hing kiuhkeuhsa in,
15 "TOPA thutang hi; amah ka Suangpi hi-a,
amah ah gitlohna a om kei hi," ci-in tangko ding uh hi.
Currently Selected:
Phatna-late 92: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
