Phatna-late 89
89
Ezrah-te Ethan phuah maskil b# 1 Thulu : Lailam ahikeh tumtheih lam hi kha ding khat.
1 TOPA itna lianpi la in ka sa tawntung dinga;#Ph 59:16
khang sawnsawnte dongin na muanhuaina ka kamin ka theisak ding hi.
2 Na itna kip tawntung a,#Ph 36:5
vantung nangawn ah na muanhuaina na kipsak lam ka pulak khia ding hi.
3 Nang, "Ka teelsapa tawh thukhun ka bawl khin a,
ka nasempa David tungah kiciamin,
4 ‘Nangma khanggui ka kipsak tawntung dinga,
a khangkhangin na kumpi tokhom ka kipsak ding hi,’ ka ci hi," na ci hi. #Selah
5 TOPA aw, vante in na nalamdangte phat uh a,#Ph 19:1
na muanhuaina zong misiangthote kikhopna ah kiphat hi.#Ph 1:5
6 Ahang in, huihkhua a omte kua tawh TOPA kiteh thei ding ahi hiam?
Vanmite lakah TOPA tawh a kibang kua om ahi hiam?#Pc 1:26
7 Misiangthote kikhopna ah Pasian kikihta mahmah a;#Ph 111:1
ama kimkot a omte khempeuh sangin a lipkhaphuai zaw hi.
8 Thahatpen TOPA Pasian aw, nang tawh kibang kua om ahi hiam?#Isa 6:3
TOPA aw, nang na thahat a na muanhuaina in hong umcih uh hi.
9 Tuipi kilokte na uk a;
a hualte a vumtoh ciangin na sipsak hi.#Ph 65:7
10 Galte thahsa bangin Rahab na suzana;#Job 9:13
a thahat na ban tawh na galte na thehzak hi.
11 Vante nang aa hi a, leitung zong nang aa mah ahi hi;
leitung le a sunga om khempeuh na siamsa ahi hi.#Pc 1:1
12 Leilu le leitaw na piangsak a;
Tabor le Hermon in na min phatin nuamna la sa uh hi.#Jos 19:22
13 Na ban vanglian den a;
na khut thahatin, na taklam khut kitawisang hi.#Jos 4:24
14 Thumaanna le thutang nangma kumpi tokhom bulpi hi-a;#Ph 97:2
itna le muanhuaina na masuan hi.#Ph 85:10-11
15 TOPA aw, nang thu tangko ding zia sinkhin a
na omna khuavak-a kalsuante thupha ngah ahi hi.
16 Sun nilohin amaute na minin nuamsa uh a;#Ph 30:4
na thumaanna ah a lungtai uh hi.
17 Ahang in, amaute minthanna le hatna, nang na hi-a,#Ph 18:1
nangma angvanna in ka ki c# 17 Hi lai-ah Ki in thahatna lim ahi hi uh a tawisang hi.#Ph 75:10
18 Hi taktak hi, kote lum d# 18 Ahikeh Thuneipi TOPA aa hi-a,#Ph 18:2
Israel Siangtho Pa kote kumpi ahi hi.#Ph 47:9
19 Khatvei na mi muanhuaite
mangmuhna-in na hopih a:
"Galhangpa tungah thahatna ka pia a;
mite lak pan tangval khat ka tawisang hi.
20 Ka nasempa David ka mu khin a;#Ns 13:22
amah ka sathau siangtho ka nilh khin hi.#Pk 29:7
21 Ka khut in amah kipsak dinga;
ka ban in a tha hatsak taktak ding hi.#Ph 18:35
22 Galte khat beek in amah tungah siah kai lo dinga;#Thk 3:15
migilote khat beek in a nengniam kei ding hi.#2Sa 7:10
23 A mai-a a galte ka suzan dinga,#Ph 18:40
amah a langpangte ka satpai ding hi.#2Sa 7:9
24 Keima itna muanhuai tawh ka ompih dinga,#2Sa 7:15
keima min hangin a ki e# 24 Hih lai-ah Ki in thahatna lim ahi hi a kitawisang ding hi.
25 Tuipi tungah a khut ka koih dinga,
gunte tungah a khut taklam ka koih ding hi.#Ph 72:8
26 Amah in kei hong samin, ‘Ka Pa na hi a,#2Sa 7:14
ka Pasian, keima Honpa Suangpi na hi hi,’ hong ci ding hi.#Ph 62:2
27 Kei zong amah ka ta masa,#Col 1:18
leitung kumpite tawisang pen ka hisak ding hi.#Ms 24:7
28 Ama tungah ka itna ka kipsak den dinga,
amah tawh ka thukhun a kipelh ngei kei ding hi.#Isa 55:3
29 Ama khanggui ka kipsak den dinga,
vante a kip laisiah ama tokhom ka kipsak ding hi.
30 "Ama tapate in ka thukham taisanin
ka ngeinakipte a zuih kei uh a,
31 ka thukipte palsatin ka thupiakte
a zuih kei uh leh,
32 cianggolh manin amau mawhna dan ka pia dinga,
amau tatkhialhna hangin ka sat ding hi;
33 ahi hangin ama tung pan ka itna lakkiksak loin#2Sa 7:15
ka muanhuaina ka lehhek tuan kei ding hi.
34 Ka thukhun ka palsat kei dinga
ka muka ka genkhiatsa zong ka khel kei ding hi.#Ms 23:19
35 Khatvei-a cin dingin ka sianthona-in ka kiciam khin a -
David tungah zuau phuak loin -
36 ama khanggui kizomsuak dinga
ka mai-ah ni bangin a kumpi tokhom kip hi;
37 van a a muanhuai teci ahi khapi bangin
ka kipsak tawntung ding hi," na ci hi. #Selah
38 Ahi hangin nang nialin na nolh khin a,#1Kh 28:9
na sathau nilhpa tungah na heh mahmah hi.
39 Na nasempa tawh na thukhun na pelh a,
ama kumpi lukhu leivui lakah na ninsak hi.#Ta 5:16
40 Ama kulhte khempeuh na sukham a,#Ph 80:12
ama munkipte na suksiatsak hi.
41 A nawkkha khempeuh in amah lawk uh a;#Thk 2:14
a vengte simmawh a suak uh hi.#Ph 44:13
42 A galte’ taklam khut na tawisang a;
a galte khempeuh na nuamsak hi.#Ph 13:2
43 A namsauma na lehheisak a,
gal kisimna ah amah na panpih kei hi.#Ph 44:10
44 Ama thupina na beisak a,
a kumpi tokhom lei lak na denna hi.
45 A khangno hun na tomsak a,#Ph 39:5
maizumna puanpi tawh amah na tuam hi. #Selah
46 TOPA aw, bangtan sawt lai ding hiam? Nang bucip den ding na hi hiam?
Na thangpaihna mei bangin bangtan vei kuang lai ding hiam?#Ph 79:5
47 Ka nuntakna a bei hanhan lam hong phawk in.#Pc 47:9
Mihing khempeuh a mawkna dinga na bawl hiam!
48 Bangci mi, sihna mu loin nungta thei a,
hankhuk a# 48 Hebrew ah Sheol vangliatna panin kihon thei ahi hiam? #Selah
49 Topa aw, David tungah na muanhuaina-a na ciam,
alian na itna ngei koi ah om ta hiam?
50 Topa, na nasempa hong kizahko zia b# 50 Ahikeh na nasemte in nei ,#Ph 69:19
minamte khempeuh hong selnohna ka lungsimin ka thuak zia,
51 TOPA aw, na galte in hong selnohnate uh le
nangma sathau nilhpa a kalsuan simin a zahkonate uh phawk in.#Ph 74:10
52 TOPA kiphat tawntung ta hen!
Amen, Amen.#Ph 41:13
Currently Selected:
Phatna-late 89: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission