Phatna-late 140
140
Tumtheih makaipa ading. David phuah. Phatna-la khat.
1 TOPA aw, mi tatsiate pan hong hukhia inla#Ph 17:13
mi ngongtatte panin hong dal in;#Ph 86:14
2 amaute in a lungsimun siatna sawmsim uh a,#Ph 36:4
nisimin gal kidona a sosak uh hi.
3 Amaute in gulpi aa bangin a leii uh hiamsak uh a;
amaute muk ah mualtan gu a om hi. #Selah
4 TOPA aw, migilote khut panin hong kem inla;
kalhelh hong sawm
mi ngongtatte panin hong dal in.
5 Mi kiphasakte in thang hong siah uh a;#Job 34:30
amau lenthang khaukualte zakin#Job 18:8
ka lampi dungah thang a siah uh hi. #Selah
6 TOPA aw, nang tungah, "Ka Pasian na hi hi," kong ci hi.#Ph 16:2
TOPA aw, nong lainat ding kong ngetna hong za in.#Ph 28:2
7 Thuneipen TOPA, kei hong hu a thahatpa,#Ph 68:20
gal kido ni-a ka lutang liahpa aw -
8 migilote deihna pia kei in TOPA aw;
amau ngimnate gualzosak kei in;
tua hi kei leh kiphasak ding uh hi. #Selah
9 Kei hong umcihte’ lutangte,
a muk uh gensa lungkhamnate in tuam ta hen.
10 Amaute tungah mei-am lai zu henla;
meikhuk sungah kikhulin#Ph 11:6
a tho nawn lo dingin buannawi lakah kilawn hen.
11 Gam sungah gensiat hatte kikipsak kei henla;
siatna in mi ngongtatte sabetin beng hen.#Ph 35:21
12 Mizawngte adingin TOPA thutang a kip lam le
a tasamte thu a letkip lam ka thei hi.#Ph 35:10
13 Thumaante in na min phat ding uh a,
a thutang mite na mai-ah nungta taktak ding uh hi.#Ph 16:11
Currently Selected:
Phatna-late 140: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
