Matthew 8

A Phak Mipa

1Mualpang pan Jesu a paisuk ciangin mihon tampi in amah zui uh hi. 2 Miphak a#8.2 Greek lai-ah phak natna guak hilo—vunnatna khat peuhpeuh khat va pai-a a mai-ah khukdinin, "Topa aw, ut peuh lecin nong siangsak thei hi," a ci hi.#Sp 13:45

3 Jesu in a khut zanin tuapa lawnga, "Ka ut hi. Siang ta in!" a ci hi. Thakhatin a phak natna a dam b#8.3 Greek pau-ah siangsak pah hi. 4 Tua ciangin Jesu in ama kiangah, "Kuama kiangah gen kei in. Ahi hangin pai-in siampipa kiangah va kilak inla amaute tunga teci panna-in Moses thupiak bangin biakna na pia in," a ci hi.#Sp 14:2-32

Galkap Zakhat-ukpa Upna

5 Capernaum ah Jesu a lut ciangin ama kiangah zakhat-uk bupa va pai-in huhna a ngen hi. 6 "Topa aw, ka nasempa pumzawtin lumcip-a, a gim mahmah hi," a ci hi.#Mt 4:24

7 Jesu in, "Hong pai-in ka damsak ding hi," a ci hi.

8 Zakhat-ukpa in, "Topa aw, ka inn sungah nang kong lutsak ding kilawm lo hi. Kammal khat gen ziau lecin ka nasempa dam ding hi. 9 Kei mahmah zong thuneihna nuai-a om mi ka hi-a, keima nuai-ah galkapte a om hi. Khat kiangah, ‘Pai in,’ ka cihleh pai-a, adang khat kiangah, ‘Hong pai in,’ ka cihleh hong pai hi. Ka nasempa kiangah, ‘Hih sem in,’ ka cih ciangin a sem hi," a ci hi.#Ph 107:20

10 Jesu in hih thu a zak ciangin lamdang sa a, amah a zuite kiangah, "Thutak kong geninah, Israel-te lakah hih zah-a lian upna a nei khat beek ka mu nai kei hi. 11 Ken kong cihinah, ni suahna le nitumna pan mi tampi hong pai-in vantung gam pawipi-ah Abraham, Isaac le Jacob-te tawh a tukhawm ding uh hi. 12 Ahi hangin kumpi-gam mite ahi uh leh kahna le hagawina a omna mun khuamial lakah kipaii ding hi," a ci hi.#Lk 13:28,29

13 Tua ciangin Jesu in zakhat-ukpa kiangah, "Pai in. A piang dinga na up bangin piang ding hi," a ci hi. Tua hun lianin a nasempa a dam hi.#Lk 7:1

Jesu in Tampi Damsak

14 Peter inn sungah Jesu a lut ciangin Peter sungnu nattuna lupna-a lum a mu hi. 15 Jesu in a khut lawnsaka, nattun a dam hi. Amah tho in zin a do hi.#Mt 1:29; Lk 4:38

16 Nitak lam ciangin dawilut mi tampite ama kiangah paipih uh a, kammal khat tawh dawite hawlkhia in cina khempeuh a damsak hi. 17 Hih in kamsangpa Isaiah tunga genkholhna:#Mt 4:23-24

"I zawngkhalnate amah in la-a,

i natnate a pua hi," c#8.17 Isa. 53:4 cih thu a tangtunna ahi hi.

Jesu Nungzuih Man

18 Jesu in a kima mihonpite a muh ciangin tuili galkhat lama pai dingin thu a pia hi. 19 Tua laitakin thukham siapa khat va pai-a, "Sia aw, na paina peuhpeuh ah kong zui ding hi," a ci hi.

20 Jesu in, "Ngiate in kua nei a, huihlak vasate in bu nei uh hi. Ahi hangin Mihing Tapa in a lutang ngak nading mun a nei kei hi," ci-in a dawng hi.#Mk 20:10

21 Nungzui dang khat in, "Topa aw, va ciahin ka pa va vui masa phot leng," a ci hi.

22 Ahi hangin Jesu in, "Ka nung hong zui in, misite in amau misite na vui uh hen," ci-in a gen hi.#Lk 9:57

Jesu in Huihpi Daisak

23 Tua ciangin amah gunkuang sungah tuanga, a nungzuite in a zui uh hi. 24 Theih kholh lohin tui tungah huihpi nasiatakin kinuai a, tuihualte in gunkuang a zialnelh hi. Ahi hangin Jesu a ihmu lai hi. 25 Nungzuite pai-in, "Topa, hong honkhia in! Tui ka kia petmah uh hi!" ci-in a phong uh hi.

26 Amah in, "No upna neute aw, bang dinga tua zah a lau lawmlawm na hi uh hiam?" ci-in a dawng hi. Tua ciangin amah tho a huih le tuihualte a tai ciangin a daipah dikdek hi.#Mt 6:30

27 Tua mite in lamdang sa mahmah uh a, "Hih pa bangci mi hiam? Huih le tuihual nangawn in a thu a mang tazen a!" a kici uh hi.#Mk 4:36

Dawilut Mi Nih Damsakna

28 A galkhat lam Gadarenes d#8.28 Khutgelh pawlkhatah Gergesenes ; pawlkhatah Gerasanes ahi hi kualah Jesu a tun ciangin hanlak, panin dawilut mi nih paikhia-in na dawntuah uh hi. Amaute ngongtat lua uh ahi manin tua lai tawn ngam kuamah a om kei hi. 29 Amaute in, "Pasian Tapa aw, ko bang cih hong sawm na hi hiam? A kisehsa hun a tun ma-in kote bawlsia dinga hih lai-a hong pai na hi hiam?" ci-in a kiko uh hi.

30 Tua pan a gamla simah vok honpi khat a gamta hi. 31 Dawite in Jesu kiangah, "Ko nong hawlkhiat leh vokte sungah hong lutsak tapeuh in," ci-in a ngen uh hi.

32 Jesu in amaute kiangah, "Pai un!" a ci hi. Tua ciangin amaute pusuak in vokte sungah a lut uh hi. Vok honte kensang pan tuili sungah tuaksukin a si khin uh hi. 33 Vok cingte khuapi sungah tai uh a, dawilutte gel tunga thupiang le hih thu teng a ko uh hi. 34 Tua ciangin Jesu dawn dingin khuazangpi in a kuankhia uh hi. Amah a muh uh ciangin amaute in tua kual a nusiat nadingin a thum uh hi.#Mk 5:1; Lk 8:26

Currently Selected:

Matthew 8: ZIV

Highlight

Copy