Matthew 22

Mopi Pawi tawh Gentehna

1Jesu in gentehnate zangin amaute tungah gen kik a: 2 "Vantung gam in, a tapa ading mopawi bawl kumpipa tawh kibang hi. 3 A khohsate sam dingin a nasemte a sawl hangin a khohsate a hawh nuam kei uh hi.#Mt 21:34

4 "Tua ciangin nasem dangte sawlbeh a, ‘Nitak-an min khin ta hi: Ka bawngtalte le ka bawng vakthaute kigo zo a, na khempeuh kiman ta hi. Mopawi hong siim ta un,’ ci-in a khohsate kiangah a gensak hi.#Mt 21:36

5 "Ahi hangin amaute in awlmawh lo uh a, khat in lo kuansan in, adang khat in a sumbukah paisan hi. 6 Tua lo teng in a nasemte man uh a, bawlsia in a that uh hi. 7 Kumpipa a lungso hi. A galkapte sawla, tua tualthatte thatsakin a khuapi uh a haltumsak hi.#Lk 19:27

8 "Tua ciangin a nasemte kiangah, ‘Mopawi ankuang kilui ta hi. Ahi hangin ka khohsate lah hong hawh dingin a kilawm kei hi. 9 Kongzing lakah va pai unla, na muh peuhpeuh uh hong sam un,’ ci-in sawl hi. 10 Tua ciangin nasemte kongzing tengah pai kawikawi uh a, misia mipha a muh peuhpeuh uh a khawm uh hi. Tua ciangin mopawi bawlna innpi dimin a kisamte a om uh hi.

11 "Ahi hangin a kisamte en dingin kumpipa a tum ciangin mopi puan silh lo mi khat a mu hi. 12 Amah in tuapa kiangah, ‘Lawm aw, mopi puan silh lopi-in hih lai-ah bangci lut theih na hi hiam?’ ci-in dong hi. Tuapa in a gen ding a thei kei hi.

13 "Tua ciangin kumpipa in a sawltakte kiangah, ‘A khut a khe hen unla, kahna le hagawina a omna mun pualam khua mialna-ah paikhia un,’ ci-in a sawl hi.#Mt 8:12

14 "A kisamte tampi ahi hangin a kiteelte tawmkha ahi hi," a ci hi.#Lk 14:16

Caesar tunga Siah Piakna

15 Tua ciangin Pharisee-te paikhia uh a, ama kammalte pan a awk theih nadingin a geel uh hi. 16 Amaute in a nungzuite uh le Herod pawlte a kiangah a sawl uh hi. Tuate in, "Sia aw, mi thutak khat na hi-a, Pasian thutak tawh kituakin na hilh cih kong thei uh hi. Amaute hina en lo na hi manin kuama thu-in na gamta kei hi. 17 Tua hi-a Caesar tungah siah piak tuak hiam, piak tuak lo, cih na ngaihsutna hong gen dih in," ci-in a dong uh hi.#Mk 3:6

18 Ahi hangin Jesu in amaute ngimna khel a theih ciangin, "No kineihsiamte aw, bang hangin kei hong thangsiah na hi uh hiam? 19 Siah-a kipia sumtang hong lak dih un," a ci hi. Amaute in denarii tang khat a lak uh hi. 20 Tua ciangin Jesu in, "Hih kua lim hi-a hih kua min ahi hiam?" ci-in a dong hi.

21 Amaute in, "Caesar aa ahi hi," a ci uh hi.

Tua ciangin amah in amaute kiangah, "Caesar aa-te Caesar pia unla, Pasian aa-te Pasian na pia un," a ci hi.#Ro 13:7

22 Amaute in hih thu a zak uh ciang- in lamdang a sa uh hi. Tua ciangin amah nusia in a paikhia uh hi.#Mk 12:13

Thawhkik huna Kitenna

23 Tua ni mah in: Thawhkikna om lo hi, a ci Sadducee-te Jesu kiangah thu dong dingin va pai uh hi. 24 Amaute in, "Sia aw, Moses in, ‘Ta nei man lo-a si pisal khatpeuh a om leh a sanggampa in a u zi luah henla, ta neihsak hen,’ ci-in gen hi. 25 Tu-in ko lakah unau pasal sagih a om hi. A u pen in zi nei-a, ta nei man loin si ahi manin a sanggampa adingin a zi a nusiat hi. 26 Tua bangin a nihna, a thumna, a banbanin a sagihna dong a kibangin hi suksuk hi. 27 A tawp khakna ah tua numei si hi. 28 Tua ahileh tua numei in, unau pasal sagihte tenpih kim ahi ciangin, thawhkik hun teh amah kua pen zi hi ding hiam?" ci-in a dong uh hi.

29 Jesu in, "Note in Laisiangtho ahi zongin, Pasian vangliatna ahi zongin thei lo na hi manun na khial uh hi. 30 Thawhkik ni ciangin mopina le mo khakna a om kei ding hi; mite, vantungah vansawltakte bang ding uh hi. 31 Ahi hangin misite thawhkikna tawh kisai-in Pasian in note kianga a gen, 32 ‘Keimah in Abraham’ Pasian, Issac’ Pasian le Jacob’ Pasian ka hi hi’ a#22.32 Pk. 3:6 cih thu sim ngei lo na hi uh hiam? Amah in a site Pasian hi lo, a hingte Pasian ahi hi," a ci hi.#Jn 20:9

33 Mihonpite in hih thu a zak uh ciangin a thuhilhna lamdang a sa uh hi.#Lk 20:27

Thupiak Lianpen

34 Jesu in Sadducee-te a daihsak lam Pharisee-te in a theih uh ciangin a kikaikhawm uh hi. 35 Amaute lakah thukham a thei mahmah khat in a zia-etna in,

36 "Sia aw, Thukham lakah koi pen thupiak lianpen ahi hiam?" ci-in a dong hi. 37 Jesu in, "Na Topa Pasian na lungsim khempeuh, na hinna khempeuh le na ngaihsutna khempeuh tawh it in.’ b#22.37 Tp. 6:538 Hih thupiak a masapen le a lianpen ahi hi. 39 A nihna in, ‘Nang le nang na ki-it bangin na vengpa it in,’ cih ahi hi. c#22.39 Sp. 19:1840 Thukham le Kamsangte thu khempeuh, hih thupiak nihte tung pana mengkhia ahi hi," ci-in a dawng hi.#Mt 7:12

Christ Kua Tapa Hiam?

41 Pharisee-te a kikhopkhawm laitak un Jesu in amaute kiangah, 42 "Christ d#22.42 Ahikeh Messiah bangin na ngaihsun uh hiam? Amah kua tapa ahi hiam?" ci-in a dong hi.

Amaute in, "David tapa ahi hi," a ci uh hi.

43 Amah in amaute kiangah, "Tua ahileh bangci a David in Kha tawh thu genin amah ‘Topa’ ci thei ahi hiam?

44 "‘Topa in ka Topa kiangah:

Na galte khempeuh

na khenuai ah ka koih matengin

ka taklamah na tu-in,’" e#22.44 Ph. 110:1 na ci hi.

45 Tua hi-a amah David in Topa ci ahileh ama tapa bangci hi thei ding ahi hiam?" a ci hi. 46 A dawng kik thei khat bek om lo uh a, tua ni-a kipan kuamah in bangmah a dong ngam nawn kei uh hi.#Lk 20:41

Currently Selected:

Matthew 22: ZIV

Highlight

Copy