Matthew 19

Kimakna

1Jesu in hih thu teng a gen khit ciangin Galilee gam nusia in Jordan gal khat lam Judea kualah a pai hi. 2 Mihon tampi in amah zui uh a, tua munah amaute a damsak hi.

3 Amah zia-et dingin Pharisee-te pawlkhat va pai uh a, "Thu khat peuhpeuh hangin pasal in a zi a mak ding thukham tawh a kituak hiam?" ci-in a dong uh hi.

4 Jesu in, "‘A kipatcilin Piangsakpa in numei le pasal a bawl hi,’ j#19.4 Pc. 1:27 cih thu leh 5 ‘Hih thu hangin pasal in a nu a pa nusia in a zi tawh kigawm dinga, amau gel sa khat a suak ding uh hi,’ k#19.5 Pc. 2:24 cih thute sim ngei lo na hi uh hiam? 6 Tua hi-a amaute nih hi loin khat ahi hi, tua ahi ciangin Pasian in a gawmsate mihing in khen kei ta hen," a ci hi.

7 Amaute in, "Tua ahileh, ‘Mikhat in a zi a makna lai pia henla, a zi nawkiksak ta hen,’ ci-in bang hangin Moses in thu pia ahi hiam?" ci-in a dong uh hi.

8 Jesu in, "Note na lungtang uh khauh lua ahi manin, zi na mak theih nadingun Moses in phalna hong pia hi. Ahi hangin a cila kipan hih bang a hi kei hi. 9 Ken kong geninah, ang kikawmsanna hang longal a zi ma a numei dang a tenpih peuhmah, angkawm a suak hi," ci-in a dawng hi.

10 Nungzuite in ama kiangah, "Nupa kal thu hih bang ding ahileh kuamah kitenpih loh ding hoihzaw hi," a ci uh hi.

11 Jesu in, "Amau tunga kipiasate simloh kuamah in hih thuhilhna a sang thei kei ding uh hi. 12 Ahang in, mi pawlkhatte gehsa in a suak uh hi; pawlkhatte ahileh mite geh ahi hi; adang pawlkhatte in vantung gam hangin kuamah a tenpih a#19.12 Ahikeh amau le amau kiget kei uh hi. Hih thu a sang thei peuh in san ding ahi hi," a ci hi.#Mk 10:1

Naupangnote le Jesu

13 Tua ciangin amaute tungah khut ngasak ding le amau ading thu a ngensak dingin Jesu kiangah naupangnote a kipaipih hi. Ahi hangin nungzuite in tua a paipihte a tai uh hi.

14 Jesu in, "Naupangnote ka kiangah hong paisak un. Amaute dal kei un. Vantung gam i cih, hih bangte aa ahi hi," a ci hi. 15 Amaute tungah a khutte a ngak khit ciangin tua mun pan a paikhia hi.#Mk 10:13

A Hau Khangnopa

16 Tua laitakin Jesu kiangah mi khat va pai a, "Sia aw, nuntak tawntungna ka ngah theih nadingin a hoih bang ka sem ding hiam?" ci-in a dong hi.#Lk 10:25

17 Jesu in, "A hoih thu bang hangin kei hong dong na hi hiam? Mi hoih Khat bek a om hi. Nuntakna na ngah nop leh thupiakte zui in," a ci hi.

18 Tua mipa in, "Koite hiam?" ci-in a dong hi.

Jesu in, "‘Tual that kei in; angkawm kei in; gu kei in; zuau teci pang kei in; 19 na nu na pa pahtawi in; b#19.19 Pk. 20:12-16 le Tp. 5:16-20 nang le nang na ki-it bangin na vengte it in,’" c#19.19 Sp. 19:18 a ci hi.#Mt 5:43

20 Tua khangnopa in, "Hih teng ka zuih zawhsa ahi hi. Bang ka sam lai hiam?" a ci hi.

21 Jesu in, "Na hoihkim nop leh pai-in, na neihsa khempeuh zuak inla mizawngte na pia in. Tua hileh vantungah gou na nei ding hi. Tua khit ciangin hong pai inla ka nung hong zui in," ci-in a dawng kik hi.#Mt 5:48, Ns 2:45

22 Khangnopa in hih thu a zak ciangin hau mahmah ahi manin lungsi dedu-in a paikhia hi.

23 Tua ciangin Jesu in nungzuite kiangah, "Thutak kong geninah, mihaute vantung gam a lut zawh nading a haksa mahmah hi. 24 Kong gen kik inah mihau khat Pasian gam a lut ding sangin Kala-oh khat phim bilvangah a thawl ding baihzaw ding hi," a ci hi.#1Tim 6:9,10

25 Nungzuite in hih thu a zak uh ciangin lamdang sa mahmah uh a, "Tua himawk leh kua kihonkhia zo peuhmah ding hiam?" a ci uh hi.#Ro 1:16

26 Jesu in amaute en a, "Hih thu mihing in hih thei lo hi. Ahi hangin Pasian in na khempeuh hih thei hi," a ci hi.#Lk 18:27

27 Peter in, "Kote in na khempeuh nusia in nang kong zui uh hi! Tua ahileh ko bang ka lemlawh ding uh hiam?" ci-in a dong hi.#Mt 4:19

28 Jesu in amaute kiangah, "Thutak kong geninah, na khempeuh a kibawl thak hun, Mihing Tapa ama kumpi tokhom minthang tungah a tut ciangin keima nung hong zui note zong kumpi tokhom sawm le nih tungah tuin, Israel mi beh sawm le nihte tungah thu na khen ding uh hi. 29 Keima hangin a inn, a lo, a sanggamnu, a sanggampa, a nu d#19.29 Khutgelh pawlkhatah nu ahikeh zi, a pa le a tate a nusia peuhmah in, a zah zakhat ngahin nuntak tawntungna zong a luah ding hi. 30 Ahi hangin a masate tampi nunung ding uh a, a nunungte tampi a masa ding uh hi.#Lk 22:28-30

Currently Selected:

Matthew 19: ZIV

Highlight

Copy