Matthew 10

Jesu in Sawm-le-nihte Sawlkhia

1Amah in a nungzui sawm le nihte samin kha gilote a#10.1 Greek ah nin a hawlkhiat theih nading uh le natna satna namkim a damsak theih nadingun thuneihna a pia hi.#Mk 3:13-19

2 Hihte, sawltakpi sawm-le-nihte min ahi hi: Amasa penin Simon (Peter kici) le a sanggampa Andrew; Zebedee tapa James le a saggampa John; 3 Philip le Bartholomew; Thomas le siah dong Matthew; Alphaeus tapa James le Thaddaeus; 4 Zealot pawl-a Simon le Jesu lehhekpa Judas Iscariot-te ahi hi.#Mt 26:14-16

5 Jesu in sawm-le-nihte thu hilhin hih bangin a sawlkhia hi: "Gentile-te lakah pai kei unla Samaria-te khua ah zong lut kei un. 6 Israel tuu mangthangte lak bekah pai un. 7 Na pai kawmun, ‘Vantung gam hong nai ta hi,’ cih thupuak va hilh un. 8 Cinate damsak unla misite thosak un. Miphakte b#10.8 Greek pau ah vunnatna khat peuhpeuh cihna hi a, phak cihna tektek hi tuan lo hi siangsak unla, dawite hawlkhia un. Man nei lo-a na ngah bangun man nei loin na pia un. 9 Na kawnggak sung uhah kham, ngun le sumsante khat beek vom kei un. 10 Na khualzinna uhah thung-ip ahi zongin puantungsilh val ahi zongin khedap le ciangkhutte keng kei un. Ahang in, nasemte in a nekkhop ding uh ngah na ding uh hi.#Mt 3:2

11 Khuapi ahikeh khuaneu khat peuh peuhah na lut uh ciangin zintun nadinga kilawm mi zong unla, na ciah mateng uh tuapa innah om un. 12 Tua innah na lut uh ciangin hopih masa un. 13 Tua innah nopna a tung dinga kilawm ahileh na piak uh nopna om ta hen; a kilawm lo ahileh na piak uh nopna no tungah hong kileh kik ta hen. 14 Note hong sang lo, na thu uh a ngai nuam lo khua le innte na nusiat uh ciangin na khepek-ua leivuite na singkhia un. 15 Thutak kong geninah, thukhen ni ciangin tua khua thuak nading sangin Sodom le Gomorrah thuakna a zangzaw ding hi. 16 "Ngiate lakah tuute bangin note kong sawlkhia hi. Tua ahi ciangin gul bangin na pilvang unla, vakhu bangin na cinghkam un.#Pc 18:20; Mk 6:8

17 Ahi hangin mite lakah na kigalging un; amaute in tualsung vaihawmte khutah note hong puak ding uh a, amaute synagogue-te sungah note hong sat ding uh hi. 18 Keima hangin gam-ukte le kumpite mai-ah hong puak ding uh a, tuate tung le Gentile-te tungah ka teci na hi ding uh hi. 19 Ahi hangin note hong mat uh ciangin bang ka gen ding hiam, bang ka ci gen ding hiam, ci-in lunghimawh kei un. Tua hun ciangin na gen ding uh hong kihilh ding hi. 20 Ahang in, no a gen hi loin no tungtawnin na Pa uh’ Kha in a gen ding hi.

21 "Sungkhat suak unau khat le khat ahi zongin, pata ahi zongin, sih nading dongin a kilehhek ding uh hi. Nu le pa-te langah tate pang ding uh a, thatsak ding uh hi. 22 Keima hangin mi khempeuh in note hong mudah ding uh hi. Ahi hangin a tawp donga kipte kihonkhia ding hi. 23 Mun khatah bawlsiatna na thuak uh leh a mundang khatah na tai un. Thutak kong geninah, Mihing Tapa hong pai ma-in Israel gam khuapite na sikkim man kei ding uh hi.#Mic 7:6

24 "Sang naupangte a siate sangin siamzaw lo-a, nasemte a pu sangin a lianzaw kei hi. 25 Sang naupangte a siapa a bata nasemte a pu a bat nak leh phazo hi. Inn sunga pa pen Beelzebub c#10.25 Greek pau in Beezeboul ahikeh Beelzeboul a kicih leh a innkuanpihte kinak cih ngel ve!#Mk 3:22; Jn 13:16

26 "Tua ahi ciangin amaute na kihta kei un. A kilakkhia lo dinga kiselcip bangmah a om kei hi; a kitheikhia lo dinga ki-imcip zong bangmah a om kei hi. 27 Khuamial sunga note kong hilhte khuavak sungah gen un. Na bil-ua hong kihuausimte innkhum pan na tangko un. 28 Pumpi a thah hangin kha a that thei lote kihta kei un. Kha le pumpi meili sunga a siasak thei pa na kihta zaw un. 29 Kawlgit nih in dangkasan d#10.29 Greek pau in assarion khat khat man lel hi lo ahi hiam? Ahi zongin na Pa uh deihna ahikeh tuate khat nangawn zong lei-ah a mawk kiat kei ding hi. 30 Na lu ua samzang khempeuh zong kisim khin hi. 31 Tua ahi ciangin lau kei un; Kawlgit tampi sangin na manphazaw uh hi.

32 "Mite mai-a kei hong gumte peuh mah vantunga om ka Pa mai-ah kei zong ka gum ding hi.#Mt 6:26; Mk 4:22 33 Mite mai-a hong kitheihmawhbawlte peuhmah vantunga om ka Pa mai-ah ka kitheihmawhbawl ding hi.#Mk 8:38; Ro 10:9

34 "Leitungah kilemna puak dingin hong pai hi, ci-in na vawh kha kei un. Kilemna puak dinga hong pai ka hi kei-a namsau khah dinga hong pai ka hizaw hi.

35 " ‘A pa langah tapa pangsak ding,

a nu langah tanu pangsak ding,

a teknu langah monu pangsak ding -

36 mi khat gal ama innkuanpihte mah a hisak dinga’ e#10.36 Mic. 7:6 hong pai ka hi hi.

37 "Kei sangin a nu a pa a itzawte peuhmah kei adingin a cin kei hi. Kei sangin a tanu, a tapate a itzawte peuhmah kei adingin a cin kei hi. 38 Ama singlamteh kisuana ka nung hong zui lote peuhmah kei adingin a cin kei hi. 39 Ama nuntakna a hu nuamte peuhmah in taan dinga keima hanga a nuntakna a taan peuhmah in a nuntakna a hu ding hi.#Lk 14:26,27; Jn 12:25

40 "No hong sangte, kei hong sang hi-a, kei hong sangte, kei hong sawlpa a sang ahi hi. 41 Kamsangpa, kamsang ahi mana a sang peuhmah in kamsangpa pahtakman a ngah ding hi. Thumaan mipa, mi thumaan ahi mana a sang peuhmah in thumaan mipa pahtakman a ngah ding hi. 42 Thutak kong geninah, hih naupangnote lakah khat peuhpeuh keima nungzui ahi mana tuisik hai khat a suah peuhmah in ama pahtakman a taan peuhmah kei ding hi," a ci hi.

Currently Selected:

Matthew 10: ZIV

Highlight

Copy