Luke 17

Mawhna, Upna, Tavuan

1Jesu in a nungzuite kiangah, "Mite mawhna a bawlsak ding thute hong tung pelmawh ding hi. Ahi hangin tua mawhnate a bawlsak mipa in nakpitakin gimna thuak ta hen. 2 Hih naupangnote mawhna a bawlsak tua mipa, a ngawgah angawina suang kikhihin tuipi sungah kipai leh ama adingin hoihzaw ding hi. 3 Tua ahi ciangin note kigalging un.#Mt 18:7; Lk 10:21

"Na sanggampa in mawhna a bawl leh tai inla, a kisik leh ama mawhna maisak in. 4 Nang tungah ni khatin mawhna sagih vei hong bawla, nang kiangah sagih vei mah hong pai-in, ‘Ka kisik hi,’ hong cihleh maisak in," ci-in a gen hi.

5 Sawltakpite in Topa kiangah, "Ka upna uh hong khangsak in," a ci uh hi.#Col 3:13

6 Amah in, "Note in ankam tang cia-a neu upna na neih uh leh hih nailung ankung kiangah, ‘Kizunglot inla, tuipi sungah va po in,’ ci le uh cin na thu uh hong mang ding hi.

7 "Gentehna-in, note lakah khat in lokai ahikeh tuucing nasem khat nei hi. Tua nasempa lo pan a ciah ciangin ama kiangah, ‘Tu-in hong pai inla an ne dingin tukhawm ni,’ a ci ding hiam? 8 ‘Ka nitak-an kuang hong lui inla a kigingsa-in om in; an ka nek ka dawn laitakin hong tuan-vai in; ka kham khit ciangin nang na ne na dawn thei pan ding hi,’ ci zaw ding hi lo ahi hiam? 9 Amah in a nasempa tunga sep dinga a hilh bangin sem ahi manin ama tungah a lungdam ding hiam? 10 Tua ahi ciangin note in zong no tunga hong kigen khempeuh na hih khit uh ciangin, ‘Eite, a kizen lo na semte i hi hi; i sep ding zah bek a sem i hi hi,’ na cih ding uh ahi hi," a ci hi.#Lk 12:37

Miphak Sawmte Kidamsak

11 Jerusalem lam manawh-a a pai laitakin Jesu in Samaria le Galilee kikal gamgi dung a zui hi. 12 Amah khuaneu khatah a lut laitakin phak natna a#17.12 Greek pau in vunnatna khat peuhpeuh hi a, phak tektek cih hi tuan lo hi a vei mi sawm in amah a na dawntuah uh hi. A gamlat simna munah ding uh a, 13 "Jesu aw, Topa aw, kote hong hehpih in!" ci-in nakpi in a galsap uh hi.#Lk 9:51

14 Amah in tuate a muh ciangin, "Pai unla, siampite kiangah va kilak un," a ci hi. Tua banga a pai kimlai mah amaute a siang uh hi.#Sp 14:2

15 Amaute lakah khat in a damsiang lam a kitheih ciangin va pai kika, aw ngaihtakin Pasian a phat hi. 16 Amah Jesu khephung kidenna-in a lungdamna a gen hi - amah Samaria mi ahi hi.#Mt 10:5

17 Jesu in, "A kisiangsak sawm pha hi lo ahi hiam? Adang kuate koi-ah om uh ahi hiam? 18 Hih mi namdang pa longal hong kileh kika Pasian phat ding khat beek om lo ahi hiam?" ci-in a dong hi. 19 Tua ciangin amah in tuapa kiangah, "Tho inla pai in; na upna in nang hong damsak zo hi," a ci hi.

Pasian-gam Hong Tunna

20 Khat vei Pharisee-te in Pasian gam hong tun ding hun a dot uh ciangin Jesu in, "Pasian-gam mit-a kimu thei-in hong tung lo ding hi. 21 Mite in, ‘Pasian gam hih lai-ah om hi, hua lai-ah om hi,’ zong a ci thei kei ding uh hi. Bang hang hiam cih leh Pasian gam note sungah b#17.21 Ahikeh lakah a om hi," ci-in a dawng hi.

22 Tua ciangin a nungzuite kiangah, "Note in Mihing Tapa nite lakah khat na muh nop hun uh hong tung dinga, ahi hangin na mu kei ding uh hi. 23 Mite in note kiangah, ‘Amah hua lai-ah om hi!’ Ahikeh ‘Amah hih lai-ah om hi!’ hong ci ding uh hi. Amaute na nungdelh kei un. 24 Ahang in, Mihing Tapa, ama ni-in c#17.24 khutgelh pawlkhatah ama ni-in cih om lo khuaphelep in van mong khat pan mong khat dong phia in a tanzal tawh kibang ding hi. 25 Ahi hangin amah in na tampi thuak masa-in, hih khang mite in amah a nolh phot ding uh hi.#Mt 8:20

26 "Mihing Tapa hun in, Noah hun lai mah bang ding hi. 27 Noah gunkuangpi sungah a lut ni dongin mite in ne-in dawna, mo la mo kha-in a om uh hi. Tui khanga amaute khempeuh a tuum mang hi.#Pc 6:5-8

28 "Lot hunlai-in zong tua mah bang ahi hi. Mite in ne-in dawna, lei-in zuak-a suanin a lam uh hi. 29 Ahi hangin Lot in Sodom a nusiat ni-in vantung panin kaat le meikuang zusuk a, amaute khempeuh a kangtummang uh hi.#Pc 19:1-28

30 "Mihing Tapa hong kilaak ni ciangin tua bang tektek hi ding hi. 31 Tua ni-in innkhum tunga omte kuamah inn sunga vante la dingin kumsuk kei hen. Tua mah bangin lo-a omte, na khatpeuh la dingin ciah kik kei hen. 32 Lot’ zi phawk gige un! 33 A nuntakna a hu nuamte in mangsak dinga, a nuntakna a mangsakte in hu ding uh hi. 34 Ken kong geninah, tua zanin lupna khatah mi nih lumkhawm dinga; khat kila-in khat kinusia ding hi. 35 Numei nih in an gawikhawm dinga; khat kila-in khat kinusia ding hi. 36 Lo lai-ah mi nih om dinga; khat kila-in khat kinusia ding hi," d#17.36 Khutgelh pawlkhtah tg.36 om lo hi a ci hi.#Mt 24:41

37 Amaute in, "Koi lai-ah maw, Topa?" ci-in a dong uh hi.

Amah in, "Mi siluang omna peuhpeuh ah musanete a kikhawm ding uh hi," ci-in a dawng hi.#Mt 24:28

Currently Selected:

Luke 17: ZIV

Highlight

Copy