Tamlawhna 1
1
1a#1.0 Hih khenpi in a kidawng sawn lo nam hi-a, Hebrew laibul ah mal khatkhat-a kipan ahi hi.Hun khat lai-a mi a dimna khuapi
nak daih na lawmlawm e!#Jer 42:2
Minamte laka a lian mahmah sa,#1Ku 4:21
meigongnu lah abang tazen a!
Gam tuamtuamte kumpinu tu-in
sila suak ta hi.
2 Zan ciangin nakpi in kap a,
a biang tuakah khitui a luang hi.
Ama itte khempeuh lakah
a hehnem ding khat beek a om kei hi.#Jer 3:1
A lawmte khempeuh in lehhek uh a,#Jer 4:30; Mic 7:5
a gal suak uh hi.#Jer 30:14
3 Haksapi-in na sem a,
a kibawlsiat khit ciangin Judah salin kikai hi.
Tuanu minamte lakah tengin
khawl nading mun a mu kei hi.
A lungdon laitakin amah a delhte in pha uh a,#Pk 15:9
a cih nading a thei kei hi.
4 A kisehsa pawite sim dingin kuamah kuan nawn lo ahi manin#Jer 9:11
Zion zuatna lampite thum uh hi.
A kongpite khempeuh uh kitawn nawn lo a,#Isa 27:10
a siampite thum ngaungau in
a nungakte dah lua uh a,
amah in gimna nak pi-in a thuak hi.
5 Amah a langpangte ama tote suak ta uh hi;
ama galte tawlnga ta uh hi.
A mawhna tampite hangin
TOPA in gentheihna a thuaksak ahi hi.#Jer 30:15
Ama tate, a galte in
galmat salin kaita uh hi.#Jer 52:28-30
6 Zion Tanu thupina khempeuh
mangthang ta hi.
A kumpite,
lonona a mu zolo sazuk,
a delhte mai-ah
hat lo pipi a tai tawh kibang uh hi.
7 A gimthuak ni le a haksat ni-in
Jerusalem in tanglai-a a goute khempeuh a phawk kik hi.
A galte khut sungah a mite a tun ciangin
amah a huh ding khat beek a om kei hi.#Jer 37:7; Ta 4:17
A galte in en uh a,
a kisiatna a nuihsan uh hi.
8 Jerusalem in mawhna lian bawl ahi manin
a siang lo a suak hi.#Jer 2:22
Amah guaktangin om a,#Jer 13:22,26
thumin lehngat ahi manin#Ph 6:6
amah a pahtawite khempeuh in
a simmawh hi.
9 Ama nin a nik tungah baang a,
a mailam thu ding a ngaisun kei hi.#Tp 32:28-29: Isa 47:7
Kinak siat lua mahmah ahi manin
a hehnem ding khat beek a om kei hi.#Thn 4:1; Jer 16:7
"TOPA aw, hong kibawlsiatna hong en in,#Ph 25:18
galte in hong zo gawp uh hi,"
10 Ama goute khempeuh tungah
galte in a khut uh a nga uh hi;
lawki minamte,
a munsiangtho sung -
na mite lut nadinga
na phal lohna ah a lut uh hi.
11 A mite khempeuh in
thum kawmkawmin anlum zong uh a,#Ph 8:8
a nuntak nadingun
a goute uh tawh an a khek uh hi.
"TOPA aw, hong en in,
hong kisimmawhnate hong ngaihsutsak in,"
12 Hong tawnkha khempeuh aw, no adingin bangmah hilo ka hi hiam?#Jer 18:16
En kawikawi unla mu un.
TOPA in a hehluat laitak a
kei hong bawlsiatna
ka thuak bang thuakna
a om ngei hiam?#Jer 30:24
13 "A sanna panin mei hong sawl a,
ka guh te sung a ban hi.
Amah in lenthang hong siah a,
hong kileh heisan hi.
Kei hong pampaih a,
ni tawntungin lungsim bei-in kei hong koih hi.
14 "Ka mawhnate hakkol a khatah henkhawmin,#Tp 28:48
a khutin tuate a phekkhawm hi.
Ka ngawng zangah hong kisuan a,
Topa in ka hatna a kiamsak hi.
Amah in ka nan zawh lohte tungah
kei hong pia ta hi.
15 "Topa in ka sunga
ka galhang khempeuh a nial hi;
ka khangnote a siasak dingin b
kei langah galkap a kaikhawm zo hi.#Isa 41:2
Topa in a lenggah sukna-ah
Judah Tanu Bit a tuancil khin hi.#Jer 14:17
16 "Hih thu hanga kap ka hi a,
ka mitah khitui a dimlet hi.#Ta 21:11; 3:48-49
Kei hong hehnem ding le#Ph 69:20; Thn 4:1
ka lung hong nuamsak ding kuamah a om kei hi.
Gal in hong zo khin ahi manin
ka tate hawmsuak ta uh hi."#Jer 13:17: 14:17
17 Zion in a khut vanvan napi
a hehnem ding kuamah a om kei hi.
TOPA in Jacob thu a piaksa hi a,
ama vengte a gal suakin#Pk 21:21
amaute lakah Jerusalem
a sianglo na a suak hi.#Sp 18:25-28
18 "TOPA thumaan napi
a thupiak ka langdo hi.#1Sa 12:14
No mihingte khempeuh in ngai un,
ka thuakna hong en un.
Ka nungaknote le ka tangvalnote
salin kikai khin ta hi.
19 "Ka pawlte ka sap hangin
kei hong lehhek uh hi.
Ka siampite le ka upate khuapi sunga
a nuntak nading uh
an a zonna lam uah
a mangthang uh hi.#Jer 14:15
20 "TOPA aw, hong en dih in,
ka lung dong lua mahmah hi!#Jer 4:19
Hong nak langpan lua ka hi manin
ka lunggim lua ta a, ka lungsim a kisia hi.
A pualam ah namsau-a kithahna hi a,
a sunglam ah lah sihna bekbek ahi hi.
21 "Mite in ka thumna za napi#Ph 6:6
kei hong hehnem ding khat beek a om kei hi.
Ka galte khempeuh in ka lungdon lam a za khin uh hi;
na sepsate hangin amaute lungnuam uh hi.#Ta 2:15
amaute keimah a bat theih nadingun
na genkhiatsa ni hong tungsak in.#Jer 30:16
22 "Amau gitlohnate na mai-ah kilangsak in;
ka mawhnate khempeuh hanga
kei tunga nong bawl bangin
amaute tungah bawl in.
Tamveipi ka humham a,#Ph 6:6
ka lunggim lua ta hi.
Currently Selected:
Tamlawhna 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
