Job 34
34
1Tua ciangin Elihu in:
2 "No mipilte aw, ka thugen ngai un;
no theihna neite aw, na ngai dih un.#Job 32:10
3 Leii in an limna a theih bangin
bil in kammal sittel hi.
4 A thumaan bang hiam cih ei le ei kisittel ciat dih ni;#Job 12:12
a hoih bang hiam cih sinkhawm dih ni.#1Th 5:21
5 "Job in, ‘Mawhpeng ka hi hi;
ahi hangin Pasian in ka thutan’na hong nial hi.
6 Kei amaan ka hi hangin
azuau in hong kingaihsun hi,#Job 6:28
khialhna nei lo ka hi hangin#Job 9:21
a thaltang in a dam thei lo liamna hong thuaksak hi,’ ci hi.#Job 6:4
7 Job bang mihing kua om a,
kua in simmawhna tui bangin dawn ahi hiam?#Job 9:21
8 Amah migilote tawh kikhawl den hi;
mi kheltatte tawh kipawlkhawm hi.#Job 22:15
9 Ahang in, ‘Mi in Pasian a lungkimsak ding
a hanciam ciangin bangmah a met kei hi,’ci hi.#Job 9:29-31
10 "Tua ahi ciangin no a theitel mite aw na ngai dih un,#Job 32:10
Pasian le gitlohna kigamla henla,#Pc 18:25
Thahatpenpa le khialhna kigamla ta hen.#Tp 32:4
11 Mihing a sepna bangin amah in thuk kik a,#Job 21:31
a gamtatna tawh kizui-in a tungah tungsak hi.
12 Pasian in khialhna a bawl ding kingaihsun thei lo a;#Tit 1:2
Thahatpenpa in thumaan a lehhei ding kingaihsun thei lo hi.#Job 8:3
13 Amah leitung uk dingin kua in za pia ahi hiam?#Heb 1:2
Amah leitung buppi kem dingin kua in koih ahi hiam?#Job 36:23
14 Tuate ama bawlsa ahileh
a kha le a huu a#34.14 Ahikeh Kha dok kiksawm leh#Pc 6:3
15 mihing khempeuh mangkhawm dinga,#Pc 6:13
mihing leivui-ah ciah kik ding hi.#Pc 2:7
16 "Theihtel theihna na neih leh hih thu za inla;
ka gen bang hiam ngai in.#Job 32:10
17 Thutang a mudah kua in gam uk ding ahi hiam?#2Sa 23:3-4
Thumaan le Thahatpenpa mawhpaih ding na hi hiam?#Job 10:7
18 Kumpite kiangah, ‘Kimanna na nei kei uh hi,’
ci-in, uliante kiang ah migilo na hi uh hi, a ci Pa amah hi lo ahi hiam?#Job 12:18
19 Amaute khempeuh a khuta a bawl ahi manin#Job 10:3
kumpi tapate khentuam loin
mizawngte sangin mihaute a angvan tuan lo pa, amah hi lo ahi hiam?#Sp 19:15
20 Amaute thakhat thu-in zan kim laitakin si uh hi;
mite lingin simang uh hi;
mihing khut hepkhiat lohin mi thahatte kihemkhia hi.
21 "Ama mitte in mihingte lampi en gige a,#Jer 32:19
amau kalsuanna khempeuh a mu hi.
22 Migilote buk nadingin
khuamialna mun le ni liap thukpi om lo hi.#Ph 74:20
23 Pasian in mihingte a sittel beh lai ding kisam lo a,#Ph 11:4
thu kikhen dingin a mai-ah pai ding kisam lo hi.#Job 11:1
24 A thu kan kul loin a thahatte sucip a,#Isa 8:9
ama mun adangte luahsak hi.#Da 2:21
25 Bang hang hiam cih leh amau sepnate ciamteh a,#Job 11:1
zanin amaute lawnthalin kitamzan uh hi.#Pn 5:21-28
26 Amah in amaute gitlohna hangin
mi khempeuh muhna ah dan tuaksak hi,#Pc 6:5
27 bang hang hiam cih leh amaute in lam pialsan uh a,#Ph 14:3
ama lampite khat beek a thusim kei uh hi.#1Sa 15:11
28 Amah in a tasamte kahna a zak theih nadingin,
mizawngte kahna ama mai-ah tungsak hi.#Pk 22:23
29 Ahi hangin amah in bangmah hih ta kei leh kua in amah mawhpaih thei ding hiam?#Ro 8:34
A maitang sel leh amah kua in mu thei ding ahi hiam?#Ph 13:1
30 Tua hi napi amah in pasian nei lote a ukna le#Job 8:13
mite kithangsiahna panin#Ph 25:15
mi khat le minam khat a kibangin a kem hi.#Ph 83:18
31 "Mi khat in Pasian kiangah,
‘Ka khial hi, ahi zongin ka khial nawn kei ding hi.#Ph 51:5
32 Ka muh theihlohte hong hilh in;
ka khialhnasa a om leh zong tuate ka hih nawn kei ding hi,’ ci leh#Job 33:27
33 kisik ding na nial ciangin
Pasian in hong pakta ding sa na hiam?
Kei khentat ding a hi kei hi, nang khentat pelmawh ding ahi hi;
tua ahi ciangin nang theihna hong gen dih in.
34 "Thu theitel mite,
ka thugen a za mipilte in kei kiangah,
35 ‘Cimna nei loin Job kampau hi;#Job 35:16
a kammalte thumal nei a om kei hi,’ hong ci ding uh hi.#Job 26:3
36 Oh, Job in mi tatsiate banga a dawn kikna hangin
a tawpna dong kizia-et leh ut sing!#Job 6:29; 22:15
37 Ama mawhna banah a langdo lailai hi;
a mi zahpihna-in eite lakah a khut benga,#Job 27:23
‘Pasian a langpanna kammal a behlap thuah lai hi," a ci hi.#Job 35:16
Currently Selected:
Job 34: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
