Jeremiah 50
50
Babylon Tawh Kisai Thupuak
1Hih in Babylon le Babylon mite b#50.1 Ahikeh Chaldea-te tg.8, 25, 35 le 45 ah zong gam tawh kisai kamsang-pa Jeremiah tungtawna TOPA thugen ahi hi:
2 "Minamte lakah zasakin tangko unla,
dialkhai khai-in#Ph 20:5
bangmah im kei unla,
‘Babylon kila ta ding hi;
Bel kimaizumsak dinga,
Marduk laugawp ding hi.
Tuanu’ milimte kimaizumsak dinga
a pasian limte kilausak ding hi.,’ ci-in tangko un.#Sp 26:30
3 Leilu-lam panin minam khat in tuanu sim dinga,#Isa 41:25
ama gam gamlak a suak ding hi.
A sungah kuamah teng loin;#Isa 14:22-23
mite le ganhingte taikek khawm ding uh hi.#Zep 1:3
4 "Tua ni tua hun ciangin
Israel mite le Judah mite in
khitui tawh TOPA amaute Pasian a zong khawm ding uh hi,"#Ezr 3:12
TOPA in cikhia hi.
5 Amaute in Zion lam nga-in
tua lai zuatna lampi a dong ding uh hi.
Amaute in a kimangngilh ngei lo ding
tawntung thukhun tawh
TOPA kiang zuanin kipawlkhawm ding uh hi.
6 "Ka mite tuu kimansuah hi uh a,#Isa 53:6; Mt 9:36; 10:6
amau a cingte in lam khialhpihin#Jer 23:32
mualtungah a vaksak kawikawi uh hi.#Jer 3:6; Eze 34:6
Muallian mualneu tungah amaute vak kawikawi uh a,
amau neihsa khawlmun a mangngilh uh hi.
7 Amaute a mu peuh in nawmvalh uh a;
a galte un, ‘Amaute a TOPA uh tung,#Jer 2:3
a thumaan amau lonona tung le a pate uh lametna
TOPA tungah mawh khin uh ahi manin, eite i khial kei hi,’ ci uh hi.#Jer 14:8
8 "Babylon panin taikhia un;#Isa 48:20
Babylon mite leitang nusia unla
ganhon a makaih keelte bang un.
9 Ahang in, keimah in leilu-lam gam panin
minamte kipawlna lian mahmah khat#Isa 41:25; Jer 25:26
Babylon sim dingin ka hanthawn ding hi.#Isa 13:17
Amaute in, amaute langah panmun la ding uh a,
leilu-lam panin tuanu kizo ding hi.
A thaltangte uh a hawmciah lo
galkap siamte tawh kibang ding uh hi.#Isa 13:18
10 Tua ciangin Babylon-te a#50.10 Ahikeh Chaldea-te kiluhgawp dinga#Jer 30:16
a luhte khempeuh in a deih zahzah uh a la ding uh hi,"
TOPA in cikhia hi.
11 "Keima gouluah ding lawkgawpin#Isa 47:6
lungnuamin kipakin,
lonona khamin lungnuama kimawl#Jer 31:18
bawngla le sakol tal ham hithit-te na bat uh hangin,
12 nang hong senkhia na nu maizum mahmah in a zahlaak ding hi.
Amah minamte lakah a neupen -
gam simtham, keugaw-gam,
sehnel-gam a suak ding hi.#Isa 21:1; Jer 25:12
13 TOPA hehna hangin ama sungah
kuamah teng loin kinusiacip ding hi.#Jer 9:11
Babylon a tawnkha khempeuh in
ama liamma khempeuh hangin lipkhapin a phitsan ding uh hi.
14 "No thal kekte khempeuh aw,
Babylon kimkotah panmun la un.
TOPA tungah tuanu mawh khin ahi manin amah kap un!
Thaltangte sit kei un.
15 Apang ciat panin otsan tek un!#Jer 51:14
Ama tausangte puka,
a kulhte kiphel khinin amah a galte tungah lutta hi.
Hih in TOPA phulakna ahi manin#Jer 51:6
ama tungah phu la unla;
amah in midangte tungah a hih bangin ama tungah hih un.#Ph 137:8; Kil 18:6
16 Babylon panin khaici tuhte le an late a
phiaukawi in satkhia un.
Mi nengniamte namsau hangin#Jer 25:38
mi khempeuh amau mipih kiangah ciahsak unla,#Isa 13:14
amau gam ciatah taisak un.#Jer 51:9
17 "Israel ahileh humpinelkaite in a delhmang,
a kithehthang tuuhon ahi hi.
A masapena amaute a valh
Assyria kumpipa hi a;
a nunung pena a guhte uh a teeptum
Babylon kumpipa Nebuchadnezzar ahi hi," a ci hi.#2Ku 24:10,14; 25:7
18 Tua ahi ciangin Israel Pasian, Thahatpen TOPA gen hih ahi hi:
"Keimah in Assyria kumpipa dan ka tuahsak bangin#Isa 10:12; Eze 31:3
Babylon kumpipa le ama gam dan ka tuaksak ding hi.
19 Ahi hangin Israel ama neihsa lonona ah ka puak kik dinga,#Jer 31:10
amah Carmel le Bashan ah a gamta ding hi;
Ephraim le Gilead mualte tungah
a kham phitphet dongun a ne ding uh hi.#Jer 10:12-16; 33:12
20 Tua ni le tua hun ciangin ka hawi lai,
a baanglaite a mawhna uh maisak ta ding ka hi manin#Isa 1:9; Jer 31:34
Israel mawhna a kizon hangin
bangmah kimu lo dinga,
Judah mawhnate a kizon hangin
bangmah a kimu kei ding hi.
TOPA in cikhia hi.
21 "Merathaim gam le Pekod a tengte sim un.
Nungdelh unla,
thatin amaute susiamang b#50.21 Hebrew lai-in TOPA un, "
TOPA in cikhia hi.
"Kong sawl peuhmah hih un.
22 Gam sungah gal husa le
siatna lianpi husa a om hi!#Jer 4:19-21; 51:54
23 Leitung buppi’ sekpi#Isa 10:5
kitamin naksiat zo si e!
Minamte lakah
Babylon hawmmang zo na lawmlawm e!
24 Babylon aw, thang kong siah a,
na theih ma-in na awk hi;
TOPA langbawl na hi manin#Job 9:4
nang hong kimu-in hong kiman hi.
25 Babylon mite gamah Thahatpen TOPA Thupipen in
sep ding nei ahi manin,
TOPA in galhiam senna in nei khin-a
a thangpaihna galhiamte a lakhia khin hi.#Jer 51:25,55
26 Ama langa pang dingin a gamla panin hong kuan un.
Tuanu saalte phelkek unla;
anhum lompi bangin tuanu ciang un.
Tuanu susia kiuhkeuh unla a baanglai
bangmah nusia kei un.
27 Ama bawngtalnote khempeuh that unla;#Ph 68:30
a go dingte kiangah paisuksak un!#Isa 30:25
Amaute in gimna thuak ta hen!#Job 18:20
Ahang in, amaute dan thuak ding, ani le ahun tung ta hi.#Jer 51:6
28 TOPA eite Pasian in a phulaknasa -#tg 15
a biakinnpi hanga a phulakna
Zion ah gen dingin#Isa 48:20
Babylon gama tai, galtaite thugen ngai dih un.
29 "Babylon sim dingin
thal tawi thei khempeuh khawm un.
A kimkot ah giahphual sat unla;
khat beek suaktasak kei un.#Isa 13:18
Ama gamtatnasa ama tungah thuk kik unla;
ama sepsa bangin ama tungah sem un.
Ahang in, amah in TOPA
Israel Siangtho Pa a simmawh hi.
30 Tua ahi ciangin a tangvalte lam lian dungah puk ding uh a,#Isa 13:18
tua ni ciangin a galkapte khempeuh a kidaicipsak ta ding hi,"
TOPA in cikhia hi.
31 "A kiphasaknu aw, en in na dan tuah ding
ani ahun tungta ahi manin
na langkhat ah kei ka pang hi,"#Jer 21:13
Topa Thahatpen TOPA in cikhia hi.
32 A kiphasak tuanu muktu-in tuk dinga,#Ph 119:21
khat beek in a phong kei ding hi;
a khuapite mei-in ka hal dinga,
tuanu kimkota a umte a hultum ding hi," a ci hi.
33 Thahatpen TOPA gen hih ahi hi:
"Israel mite kinengniam a,#Isa 58:6
Judah mite zong tua mah bang ahi hi.
Amaute sal-a a kaite khempeuh in
lencip bikbek uh a, khah nuam lo uh hi.
34 Tua hi napi amaute Tanpa lah thahat a;
ama min Thahatpen TOPA ahi hi.#Jer 51:19
Amah in amaute gamah tawlngakna a tut nadingin#Isa 14:7
amaute thu nakpitakin panpih dinga,#Jer 15:21; 51:36
ahi hangin Babylon a tengte a buai den ding uh hi.
35 "Babylon mite langkhat,
Babylon a tengte langkhat, le ama uliante le a mipilte’#Da 5:7
langkhatah namsau khat a pang hi!"#Jer 47:6
TOPA in cikhia hi.
36 A kamsang zuaute langkhat ah, namsau khat a pang hi!
Amaute mihai a suak ding uh hi.
Ama galhangte langah namsau khat a pang hi.
Amaute lau mahmah ding uh hi.
37 A sakolte, a sakollengte le
a gamdang mi zaliante khempeuh langah namsau khat a pang hi!#Jer 51:21
Amaute numei a suak ding uh hi.
A goukholna langah namsau khat a pang hi!
Tuate a kipuak khiatsak ding hi.
38 Ama tuite tungah a#50.38 Ahikeh langah namsau khat guahtui kihaang hi!
Amaute a keucip ding uh hi.#Ph 137:1
Ahang in, lau lua-a milimte a hailawh ding,
milimte gam khat ahi hi.#Jer 51:36
39 Tua ahi ciangin tua lai-ah sehnel-gam ganhingte le gam-uite teng dinga,
tua lai-ah simbute a giak ding uh hi.
Khang khat pan khang khat dongin
mi a teng kik ngei nawn kei ding hi.#Isa 13:19-22
40 Sodom le Gomorrah le a veng khuapite
Pasian in a lotthal bangin#Pc 19:24; Mt 10:15
tua lai-ah a teng a giak
kuamah a om nawn kei ding hi,"
TOPA in cikhia hi.
41 En un! Leilu-lam panin galkap hon khat hong kuan a,#Jer 6:22
gam lianpi khat le leimongte panin
kumpi tampi a kithawi uh hi.#Isa 13:4
42 Thal le teipite tawh kithawi uh a,
amaute giloin kuamah a lainat kei uh hi.#Isa 13:18
Amaute sakol tungah tuang uh a,
a huging uh tuipi hawk a bang hi;#Isa 5:30
amaute gal kap dinga kithawisa mi bangin hong kuan uh a,
Babylon Tanu aw, nang hong do ding uh ahi hi.#Jer 6:23
43 Babylon kumpipa in amaute thu za a,
a cih nading a thei kei hi.
Lunggimna in amah gakcip a,
numei nau suak ding bangin na a sa hi.#Jer 6:22-24
44 Jordan gam pha lak panin
lono hoihna muna paito humpinelkai tawh kibangin
a gam panin Babylon thakhatin ka delhkhia ding hi.
Hih huna nasem dingin kua ka teel ding hiam?#Ms 16:5
Kei tawh kibang kua om a, kei hong to ngam ding kua om ahi hiam?#Job 41:10
Kei langah bang tuucingpa ding ngam ding ahi hiam?" a ci hi.
45 Tua ahi ciangin TOPA in Babylon tunga tunsak dingin a geelsa le
Babylon mite tunga tunsak dinga a sawmsate za un.#Isa 14:24
A ganhon note uh kikaihmangsak dinga;
amaute hangin a lonona uh kisusiamang ding hi.
46 Babylon a kilakna husa in, leitung lingsak dinga,#Jer 49:21
a kahna aw in minamte lak a thawn ding hi.#Kil 18:9-10
Currently Selected:
Jeremiah 50: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission