Isaiah 65
65
Thukhenna le Hotkhiatna
1"Kei hong kan lote tungah kei le kei ka kilaak a;
kei hong zong lote in hong mu uh hi.#Ro 10:20*
Ka min hong sam lo minam khat tungah,#Eph 2:12
‘Hiah ka om hi, hiah ka om hi,’ ka ci hi.
2 Sun nilohin a paupeng mite tungah
ka khut ka zan hi,
tua mite pen amau ngaihsutna zui-a#Ph 81:11-12
lampi hoih lo a tawnte
3 huan sungah kithoihna-in biakna pia-a
leisek biakna-tau ah gim namtui halin
ka maitang tekteka
hong hehsakte;#Job 1:11
4 han lakah tu-a zan thapai-in
thungena a dap zan hahhahte;
voksa nete le amau beel sunga
sa siang lo tui a koihte;
5 ‘Nang a dingin siangtho lua ka hih manin
kihemkhia inla, hong neh kei in!’ a ci mite ahi uh hi.
Tua bang mite ka nak vang sungah meikhu hi uh a,
sun niloh a kuang den mei ahi uh hi.
6 "En in, ka mai-ah gelhsa-in a om hi:
Daitakin ka om nawn kei dinga,#Ph 50:3
cingtakin ka thuk ding hi;#Ph 79:12
7 amaute ang sungah note mawhna le na pate uh mawhnate ka thuk khawm ding hi,"#Pk 20:5
TOPA in ci hi
"Bang hang hiam cih leh
amaute in mualliante tungah kithoihna hal uh a,
mualneute tungah ka min daisak uh ahi manin
amau sepsate thaman a cingin amau ang sungah, teh in ka thuk ding hi," a ci hi.#Pn 10:24
8 TOPA gen hih ahi hi:
"Lenggah bom ah lenggah tui om lai a,
mite in, ‘Tuate sungah a hoih pawlkhat om lai,
susia dah un,’ a cih bangin,
ka nasemte ka khualna-in tua bangin ka hih dinga#Isa 54:17
a vekun ka susia khin kei ding hi.
9 Ka mualliante a nei dingin Jacob pan le#Am 9:11-15
Judah panin suan le khak ka piangkhiasak dinga;#Isa 45:19
ka teelsa mite in tuate luahin,
tua lai-ah ka nasemte a teng ding uh hi.
10 Kei hong zong ka mite adingin
Sharon in, tuuhon gamtatna mun suak dinga,#Isa 35:2
Achor Kuam, bawnghon giahna mun a suak ding hi.
11 "Ahi hangin TOPA a taisan#Tp 29:24-25; Isa 1:28
ka mual siangtho a mangngilh nang,#Ph 137:5
Kam-etna a sabuai phah a,
Sehkholhna adingin zuhelsa hai a sungpa,#Isa 5:22
12 ken, namsau adingin nang kong sehkhol dinga,#Isa 27:1
hong ngawngtan dingte dawhin na vekun na kun ding uh hi;
ahang in, kong sap hangin nong dawng kei uh a,#Pn 1:24-25; Isa 41:28
kong gen hangin na ngai kei uh hi.#2Kh 36:15-16;Jer 7:13
Kei muhin gitlohna na sem uh a,
kei hong lungkimsak lote na teel uh hi," a ci hi.#Isa 1:24; 66:4
13 Tua ahi ciangin Thupipen TOPA gen hih ahi hi:
"Ka nasemte in ne ding uh a,#Isa 1:19
note na hi uh leh na gilkial ding uh hi;
ka nasemte in dawn ding uh a,#Isa 33:16
note na hi uh leh na dangtak ding uh hi;
ka nasemte nuamsa ding uh a,#Isa 60:5
note na hi uh leh hong kimaizumsak ding hi;#Isa 44:9
14 Ka nasemte in amau lungsima pusuakkhia
lungdamna la sa ding uh a,
note na hi uh leh na lunggim man uh leh
na lungsim uh a kitapna hangin tau-in
na kapkhia ding uh hi.#Mt 8:12
15 Ka mite in hamsiatna-a zat dingin
na min uh na nusia ding uh a;#Zec 8:13
Thupipen TOPA in note hong thatin,
ahi hangin ama nasemte mindang a pia ding hi.
16 Leitungah thupha a ngen peuhmah in#Tp 29:19
thutak Pasian suangin a hih ding hi;#Ph 31:5
leitungah a kiciamte in
thutak Pasian ah tomlo ding hi.#Isa 19:18
Ahang in, a beisa-a lungkhamnate kimangngilhin#Job 11:16
ka mit panin kisel ta ding hi.
A Thak Vante le Lei Thak
17 "En un, a thak vante le lei thak khat
ka piangsak ding hi.#Isa 66:22; 2Pe 3:13
A masa nate kiphawk nawn loin#Isa 43:18
lungsimin zong a kingaihsun kha kei ding hi.
18 Ahi hangin, Jerusalem nopsakna-in
ka piangsak dinga
a sunga tengte nuamsa ding uh ahi manin
ka piansaksa sungah nuamsa-in kipak tawntung un.
19 Jerusalem tungah ka lungnuam dinga,
ka mite laka om nuam ka sa ding hi;
tua sungah kahna le
kikona aw kiza nawn lo ding hi.#Isa 25:8; Kil 7:17
20 "Tua sungah naupang a ngeklai-a si
om nawn lo dinga,
putek a nuntak ding tan a nungta lo a om kei ding hi;#Thn 8:13
kum za khat nungta-a site,
a khansih in kingaihsun ding hi;
kum za pha a#65.20 Ahikeh / mawhnei a hun tunga site lo-a site
hamsia thuakin kiseh ding hi.
21 Amaute in inn lamin a sungah teng ding uh hi,#Isa 32:18
lengguite suan ding uh a, a gah a ne ding uh hi.#Isa 37:30
22 Amaute lamsa inn sungah midangte teng nawn lo dinga,#Tp 28:30
amau suansate midangte in a ne kei ding hi.
Ahang in, singkung khat a hin tan mah
ka mite nungta ding uh a;#Ph 21:4; 91:16
ka teelsate in amau sepsa
nuamtakin sawtpi a ne ding uh hi.#Isa 14:1
23 Amaute, amaute le a suan a khakte uh
TOPA thupha piak ahi manin,#Ns 2:39
a mawkna-a nasep suak loin,#Isa 49:4
khasiat nading lelin ta a nei kei ding uh hi.#Jer 16:3-4
24 Amaute hong sap ma-in ka dawng dinga;
amaute a paupau laitakun ka na za ding hi.#Da 9:20-23; 10:12
25 Keivom le tuuno gamta khawm dinga,#Isa 11:6
humpinelkai in bawngtal bangin buhtu a ne ding hi;
ahi hangin gulpi an ahileh leivui mah hi ding hi.#Pc 3:14; Mic 7:17
Ka mual siangtho tung khempeuh ah
amaute a kiliamsak a kisusia a om kei ding uh hi,"
TOPA in ci hi.
Currently Selected:
Isaiah 65: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
