Isaiah 32
32
Thumaanna Kumpi-gam
1En in, thumaana tawh kumpi khat in uk dinga,#Eze 37:24
gam-ukte in thutangin a uk ding uh hi.#Isa 9:7
2 Amaute huih pana kidalna,#Isa 4:6
huihpi pana bukna bangin,
sehnel-gam luitui bang le
keugaw gama suangpi liim a bang ding uh hi.#Ph 23:2; 107:35; Jer 31:9
3 Tua ciangin mite in amaute mitsinsan nawn lo ding uh a,#Isa 29:18
amaute gen a zate in a ngai ding uh hi.#Tp 29:4
4 Lungtom mite lungsim in thei in tel dinga,
dang-awkte dangnalin a pau sensen ding uh hi.
5 Mihaite, mi nampi kici nawn lo dinga#1Sa 25:25
micingtak lote nakpi in a kizahtak nawn kei ding hi.
6 Bang hang hiam cih leh mihaite hai pau uh a,#Pn 19:3
gitloh ding bek a ngaihsun uh hi.
A pasian-milohna na bek sem a
TOPA tawh kisaite ahi lo lamin a thehzak hi;#Isa 9:16
a gilkialte a hawmpi-in nusia a,
a dangtakte tui dawn ding a pia nuam kei hi.
7 Mi cingtak lopa sepzia kheltatna bek hi-a,#Jer 5:26-28
a tasamte in thutanga a ngetna nangawn
khemna tawh a suksiat nadingin
gitloh ding bek a sawm hi.
8 Ahi hangin mi thupi in na thupite mah ngim a,
nasep thupi ah a kip hi.#Pn 11:25
Jerusalem Numeite
9 A om hithiat numeite aw,
tho unla ka thugen ngai un.
Awlmawh a nei lo tanute aw,
kong gen dingte za un!
10 Kum khat valzek khit ciangin
bangmah a awlmawh lote na ling ding uh hi;
lenggah kila thei lo dinga
an lak hun hong tung kei ding hi.
11 No a om hithiat numeite aw, ling un;
no awlmawh nei lo tanute aw, lau-in ling un!
Na puante uh hawkkhia unla,#Isa 47:2
na kawnguah ippi puan teng un.#Isa 3:24
12 Logam hoihte#Na 2:7
lenggui gahphate le#Isa 16:9
13 thangling le lingkung in a ponelh
ka mite’ leitang adingin na dip uh hum un -
hi hi, lungdamna innte khempeuh le
hih khuapi a kipahpihte khempeuh adingin thum un.
14 Mun muanhuaite kisusia in,
a gamlum khuapi kilawi ding hi;
mualbote le tausangte gamkhing suak den dinga,#Isa 34:13
laate gamtatna mun le bawnghonte lonona mun a suak ding hi;
15 eite tungah a sangna pan Kha a kibuak mateng,#Joel 2:28
sehnel-gam, logam hoih a suah mateng le#Ph 107:35
logam hoihte tulak a bat matengin a tuaci om den ding hi.#Isa 29:17
16 Sehnel-gamah thutang teng dinga,
logam hoih ah thumaanna teng ding hi.#Ph 48:1
17 Thumaanna gah lemna hi dinga;#Ph 119:165; Jas 3:18
thumaanna hangin daihna le kimuanna a om tawntung ding hi.
18 Lungmuangtaka tenna mun,
inn muanhuai le bangmah in nawngkaisak lo-a
khawlna munah ka mite a teng ding uh hi.#Isa 2:4, 26:1
19 Gialpi in tulak dengzanin
khuapi a kimaihtam kiuhkeuh zongin,#Isa 24:10; 27:10
20 luidung ah na khaici uh tuh a,#Thn 11:1
na bawngtalte uh le na laate uh
note utnana-a a khah note thupha ngah mahmahte na hi ding uh hi.
Currently Selected:
Isaiah 32: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
