Ezra 8

Ezra Tawh a Ciahkik Innkuan Makaite Min

1Hih in Kumpi Artaxerxes hun lai-a Jerusalem pana kei hong zui innkuan lutangte le amau tawh a kiciamteh khawmte ahi hi:#Ezr 7:7

2 Phinehas suante pan Gershom,

Ithamar suante pan Daniel;

David suante pan Hattush, 3 ama suante pan Shecaniah;

Parosh suante pan Zechariah le amah tawh kiciamteh khawm mi 150;#Ezr 2:3

4 Pahath-Moab suante pan Zerahiah tapa Eliehoenai le amah tawh pasal 200;#Ezr 2:6

5 Zattu e#8.5 Septuagint khutgelh pawlkhat (Ezra 8:32 zong) Hebrew ah Zattu nei lo hi suante pan Jahaziel tapa Shecaniah le amah tawh pasal 300;

6 Adin suante pan, Jonathan tapa Ebed, le amah tawh pasal 50;

7 Elam suante pan, Athaliah tapa Jeshaiah-te amah tawh pasal 70;

8 Shephatiah suante pan Michael tapa Zebadiah le amah tawh pasal 80;

9 Joab suante pan Jehiel tapa Obadiah le amah tawh pasal 218;

10 Bani f#8.10 Septuagint khutgelh pawlkhat (Ezra 8:36 zong) Hebrew in Bani nei lo hi. suante pan Josiphiah tapa Shelomith le amah tawh pasal 160;

11 Bebai suante pan Bebai tapa Zechariah le amah tawh pasal 28;

12 Azgad suante pan Hakkatan tapa Johanan le amah tawh pasal 110;

13 Adonikam suante pan a nung paite min, Eliphelet, Jeuel, le Shemaiah le amah tawh pasal 60;#Ezr 2:13

14 Bigvai suante pan Uthai le Zaccur amaute tawh pasal 70 ahi hi.

Jerusalem-a Ciahkikna

15 Ahava lam manawha luang hawkguam ah amaute khawmin tua lai-ah ni thum ka tam uh hi. Mipite le siampite lak ka etcian ciangin Levi-te ka mu kei hi. 16 Tua ciangin a makaite Eliezer, Ariel, Shemaiah, Elnathan, Jarib, Elnathan, Nathan Zechariah le Meshullam, laisiam Joiarib le Elnathan-te 17 Casiphia-a makaipa Iddo kiangah amaute ka paisak hi. Amaute in eite Pasian inn a nasem ding hong puak nadingun Casiphia a biakinnpi nasemte ahi Iddo le a tanaute kiangah a gen ding uh ka hilh hi. 18 A migi Pasian khut in eite hong ompih ahi manin amaute in Israel’ tapa Levi, a tapa Mahli suante panin a ngaihsut siam Sherebiah tapate le a sanggampate pasal 18; 19 le Hashabiah, Merari suante panin Jeshaiah tawh a sanggam pasalte le a panote mi 20 hong tonpih uh hi. 20 Amaute in biakinnpi nasemte - David le a uliante in Levi-te a huh dingin a kipsaksa mi 220 zong hong tonpih uh hi. Hihte khempeuh amau min ciatun a kiciamteh hi.#1Kh 9:2; Ezr 2:43

21 Tua mun Ahava Hawkguam gei-ah kote Pasian mai-ah ko le ko ka kiniamkhiat theih nading uh le kote le ka tate uh ka neihsa khempeuh uh tawh bittaka khual ka zin theih nading uh nget nadingin antan ding ka tangko hi. 22 Kote in kumpipa kiangah, "A migi kote Pasian khut in amah a en peuhpeuh ompih a, ahi hangin amah a taisante tungah a hehna a tung hi," ci-a ka gensa uh ahi manin lampi ah galte pana hong hu ding galkapte le sakol-tuangte kumpipa tungah ka nget ding ka maizum hi. 23 Tua ciangin an tangin kote Pasian tungah hih thu ka ngen uh a, amah in kote thungetna hong dawng hi.#Tp 31:17; Ne 2:9

24 Tua ciangin siampi mapite sawm le nih tawh Sherebiah, Hashabiah le amaute sanggamte sawm ka khenkhia a, 25 kumpipa ama thudotte, a uliante le tua lai-a om Israel-te khempeuh in Pasian inn dingin a kidong biakna-a kipia ngun, kham le vanzatte tehkhia-in amaute tungah ka ap hi. 26 Amaute tungah tehkhia a ka ap ngun talent a#8.26 Tua in, ton 25 bang (metric ton 22 bang) 650, ngun vanzatte talent b#8.26 Tua in ton 3 ¾ bang (metric ton 3.4 bang) 100 a gik, kham talent c#8.26 Tua in ton 3 ¾ bang (metric ton 3.4 bang) 100, 27 kham kuangkum daric d#8.27 Tua in pound 19 bang (kilogram 8.5 bang) 1,000 man 20, le dal kizut kham zaha manpha vanzat nih ahi hi.#Ezr 7:15

28 Amaute kiangah, "Note le hih vanzatte TOPA tungah hong ki-ap khawm ahi hi. Hih ngun le khamte TOPA i pate Pasian tungah utthu-a biakna kipia ahi hi. 29 Jerusalem a TOPA inn a inndei tuam sungah siampi mapite le Levi-te le Israel innkuan makaite mai-ah na teh hun matengun limtakin cing un," ka ci hi. 30 Tua ciangin siampite le Levi-te in ngun le kham le a siangtho vanzat a kitehsate, Jerusalem a eite Pasian inn-a puak dingin a sang uh hi.

31 A kha masa pen a ni sawm le nih ni-in Ahava Hawkguam panin Jerusalem zuan dingin ka dingkhia uh hi. Kote Pasian khut in hong ompih a, lampi tawntungah galte le pansimna panin hong dal hi. 32 Tuaci-in Jerusalem ka tung uh a ni thum sung ka tawlnga uh hi.

33 A ni lina ni-in kote Pasian inn ah Uriah tapa siampipa Meremoth khut ah ngun, kham le a siangtho vanzatte ka tehkhia uh hi. Amah Phinehas tapa Eleazar tawh hi-a, Levi-te Jeshua tapa Jozabad le Binnui tapa Noadiah tawh zong ahi uh hi. 34 Na khempeuh a malin simin kiteh a, tua hunin a gihna zah lian a kiciamteh hi.#Ne 3:4; 11:16

35 Saltanna pan a suakta a ciah kikte in Israel Pasian tungah haltum biakna-in: Israel khempeuh aitangin bawngtal sawm le nih, tuutal sawm kua le guk, tuuno apa sawm sagih le sagih le mawhna hanga biakna-in keel apa sawm le nih pia uh hi. Hihte khempeuh TOPA tungah meihal biakna ahi hi. 36 Amaute in kumpipa khut nuai-a nasemte le Euphrates-Gal a ukpite tungah kumpipa thupiakte zong gen uh a, tua ciangin amaute in mite le Pasian inn a huh uh hi.#Ezr 7:21

Currently Selected:

Ezra 8: ZIV

Highlight

Copy