Ephesa-te 5

1Tua ahi manin itluat tate bangin Pasian a ettehte hi unla, 2 Christ in eite hong it a, eite adingin Pasian tungah a namtui-a piakna ding le biakpiakna dingin amah le amah a kipiakkhiat bangin itna nuntakna tawh na nungta un.

3 Ahi hangin note lakah numei pasal paktatna lim ahi a, siantho lohna nam khat peuhpeuh le huaihamna ahi zongin a om peuhmah kei ding hi. Bang hang hiam cih leh Pasian misiangthote adingin hihte kilawm lo hi. 4 Note kam panin zahmawhpau le haipauna, ciamnuih thanghuaite, tua banga kilawm lote omsak loin lungdam na ko zaw un. 5 Ahang in, a thangtat, a siangtho lo ahikeh a huaiham, tua banga hihte milim bia hi-a, Christ le Pasian gam d#5.5 Ahikeh Christ le Pasian kumpigam ah luah ding bangmah a nei kei hi, cih na theitel uh hi. 6 Thu mawkmawk tawh kuamah na kikhem zosak kei un. Bang hang hiam cihleh tua bang thute hangin thumang lote tungah Pasian thangpaihna a tung hi. 7 Tua ahi manin amaute tawh kithuah kei un.#1Co 6:18; Eph 2:2

8 Ahang in, hun khat lai-in note khuamial na hi uh a, ahi hangin tu-in Topa sungah khuavak na hi uh hi. Khuavak tate bangin na nungta un; 9 Ahang in, khuavak gah in, hoihna khempeuh, thumaanna le thutak ahi hi. 10 Topa lungkimna bang hiam, cih na zong un. 11 Gah a gah lo khuamial gamtatna tawh na kisawhkha kei unla amau gamtatnate na pholak zaw un. 12 Ahang in, thumang lote in a simthama a septe uh a kigenkhiat bek zong maizumhuai hi. 13 Ahi hangin khuavak in a pholak na peuhmah a kimu thei hi. 14 Ahang in, na khempeuh a kimu theisak khuavak ahi hi. Hih thu hangin:

"Ihmu mi aw, khanglo in,#Ro 13:11

misi panin tho in,#Isa 26:19

tua hileh nang tungah Christ a tang ding hi,"a na ci hi.

15 Tua hi-a na nuntak zia uh, apil lote bang hi loin apilte bangin limtakin kidawm unla, 16 nite hoih lo ahi manin hun hoih na neih peuhpeuh uh a hoih penin na zang un. 17 Tua ahi ciangin hai kei unla, Topa deihna bang ahi hiam, cih theitel zaw un. 18 Zu kham kei un, uangtat luatna mun hong tun thei hi. Tua sangsikin, Kha tawh na kidim zaw un. 19 Phatna-late, biakna late le khalam late in khat le khat na kihopih un. Na lung sung uhah phat kawmin Topa tungah la sa un, 20 Topa Jesu Christ minin na khempeuh hangin Pa Pasian tungah lungdam na ko tawntung un.#Ph 34:1; Col 3:16

21 Christ zahtakna tawh khat le khat na kiniamkhiat tuah un.#Gal 5:13

Zite le Pasalte

22 Zite aw, Topa tunga ki-ap bangin na pasalte uh tungah ki-ap un. 23 Ahang in, Christ in ama pumpi ahi pawlpi lutang le a Honpa ahi bangin zi lutang in a pasal ahi hi. 24 Christ tungah pawlpi a ki-ap bangin zite zong na khempeuh ah a pasalte uh tungah a ki-ap ding uh hi.#Pc 3:16

25 Christ in a pawlpi it a, ama adingin amah mah a kipumpiak khiat bang tektek in, pasalte aw, na zite uh it un. 26 Amah in pawlpi siangtho dingin thu tungtawnin tui in sawp a, singthosak a#5.26 Ahikeh siangsak zo hi, 27 tua pen a nin baang lo, a vun tonna om lo, a melhemna khatpeuh om lo tham loin siangtho le kawkbaang lo-a, a tangkhia pawlpi-in amah le amah a kipiakkhiat theih nading ahi hi. 28 Tua tawh kibangin, pasalte in amau pumpi bangin a zite uh a it uh kul hi. A zi it pa amah le amah ki-it ahi hi. 29 Tuate khempeuh khit ah, ama pumpi mudah kuamah om ngei lo a, Christ in a pawlpi cingin a vak bang tektekin ama pumpi cingin a vak zaw hi. 30 Ahang in, eite ama pumpi nate i hi hi. 31 "Hih thu hangin pasal in a nu le a pa nusia-in a zi tawh kigawm dinga, tua nihte sakhat a suak ding uh hi." b#5.31 Pc. 2:2432 Hih in thuthukpi khat hi-a, ahi hangin kei gen ahileh Christ le pawlpi thu ahi hi. 33 Bangbang ahi zongin, note a kua mapeuh amah leh amah a ki-it bangin na zite uh na it pelmawh un. Zi in zong a pasal a zahtak pelmawh ding hi.#Ro 12:5; Col 3:19

Currently Selected:

Ephesa-te 5: ZIV

Highlight

Copy