1 Kumpite 5
5
Biakinn Ding Kiginkholhnate
1A pa David za luah dingin Solomon sathau kinilh khin hi cih Tyre kumpipa Hiram in a zak ciangin David tawh a kilawmta den uh ahi manin Solomon kiangah a palaite a sawl hi. 2 Solomon in Hiram tungah hih thu a puak kik hi:
3 "TOPA in ka pa David khenuai-ah a galte a koihsak mateng, ama kimkot khempeuha a galte tawh kidodo ahi manin ama Pasian, TOPA Minin biakinnpi a lam theih loh lam na thei hi. 4 Ahi zongin tu-in TOPA ka Pasian in ka kimkot ah tawldamna hong pia ta a, hong langpang le hong siasak a om kei hi. 5 Tua ahi ciangin ka pa David kianga TOPA in, ‘Nang’ muna tokhom a ka tutsak na tapa in ka Min a dingin biakinnpi khat a lam ding hi,’ ci-a a gensa bangin TOPA ka Pasian Min ading biakinnpi khat lam ka sawm hi.#2Sa 7:13; 1Kh 17:12;22:9
6 "Tua ahi ciangin Lebanon a tamtakte kei adingin a kiphuk nading thu pia in. Ka mite in na mite tawh semkhawm ding uh a, amau thaman na seh bangbang nang tungah kong pia ding hi. Sidon mite zah a singphuk siam ko lakah khat beek a om loh lam na thei hi," a ci hi.
7 Hiram in Solomon thupuak a zak ciangin lungkim mahmah a, tuni-in TOPA kiphat ta hen, ahang in, hih minam lianpi a uk dingin amah in David tungah tapa pil khat a pia khin hi," a ci hi.
8 Tua ciangin Hiram in Solomon thu zasak a:
"Kei nong thupuak ka ngah a, tamtak le takluangte na deih zahzah kong sik ding hi. 9 Ka mite in Lebanon pan tuipi dong hong talkaihsuk ding uh a, tuipi tungah phongin bawlin nang deihna munmun ah kong taisak suk ding uh hi. Tua lai-ah phelkhia-in na na khenkhia ding uh hi. Tuateh ka kumpi innkuante nek ding an nong sik ding hi," a ci hi.#Ezr 3:7; Eze 27:17
10 Hih bangin Hiram in Solomon deih tamtakte khempeuh le taksing-luangte puaka, 11 Solomon in Hiram tungah a kumpi innkuante an dingin mangbuh cor a#5.11 Tua in seng 25,000 bang (kilolitre 4,400 bang) tul sawmnih, tuate banah olive thau gawisa tambong b#5.11 Septuagint (2Kh. 2:10 zong en in) Hebrew in bem 20 tul sawmnih mah a piak thuah hi c#5.11 Tua in gallon 115,000 bang (kilolitre 440 bang). Solomon in Hiram tungah kumkhat khit kumkhat a pia den hi. 12 TOPA in amah a ciamsa bangin Solomon tungah pilna a pia hi. Hiram le Solomon kikalah lungnuamtaka kinaina om a, amaute gel in thuciamna khat a bawl uh hi.
13 Kumpi Solomon in Israel buppi ah - pasal nasemte tul sawmthum aana in a la hi. 14 Amah in amaute kha khatin tulsawm a kikhelin Lebanon ah puaka, tua pen amaute Lebanon ah kha khat omin inn ah kha nih a om theih nading uh ahi hi. Adoniram in aana-a nasemte a uk hi. 15 Solomon in mual tungah vanpua tul sawm sagih le suang at tul sawmgiat nei a 16 tuate tawh nasepna a makaih, nasepte lamlak nasem uk tulthum le zathum d#5.16 Hebrew; Septuagint khutgelh pawlkhat (2Kh. 2:2,19 zong en in) tul thum le zaguk zong a nei hi. 17 Kumpipa thupiak bangin amaute in biakinnpi bulpi ading a kisek ngil suang hoih ngah nadingin suangkhuk panin suangmai lianpipi tokhia uh a, suangmai seeksa a puak uh hi. 18 Solomon le Hiram le Gebal e#5.18 Tua in Byblos mite’ khutsiamte in biakinnpi lam nading singluang le suang atin a bawlkhol uh hi.#1Ku 4:6
Currently Selected:
1 Kumpite 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission