1 Corinth-te 15
15
Christ Thawhkikna
1Sanggamte aw, tu-in note in na sansa uh le dinmuna na neihsa uh kong hilh lungdamna-thu kong phawksak kik nuam hi. 2 Note kianga kong hilhsa thu kiptaka na let nak uh leh hih lungdamna-thu pansanin hotkhiat na hi ding uh hi. Tua hi kei leh a mawkna-a um na hi uh hi.#Isa 40:9; Ro 1:16
3 Ahang in, a thupi e#15.3 Ahikeh a masa penin nang masa penin ka sansa kong piaksawn ahi: Laisiangtho gen bangin eite mawhna adingin Christ si a, 4 amah kivui-in, Laisiangtho gen bangin a nithum ni-in tho kika, 5 Peter f#15.5 Greek ah Cephas kiangah kilangin tua khit ciangin Sawm-le-nihte kiangah a kilang hi. 6 Tua khit ciangin hun kibangin sanggam zanga sanga tamzawte kiangah a kilang hi. Amaute pawlkhat a ihmut khit uh hangin a tamzaw a nungta lai uh hi. 7 Tua ciangin James tungah kilang a, tua khit ciangin sawltakpite khempeuh kiang le 8 a nunung penin mi suah ngei banga suak lo kei tungah zong hong kilang hi.#Ns 9:3-6; Gal 1:12
9 Ahang in, sawltakpite lakah kei a neupen ka hi-a, Pasian pawlpi bawlsia ka hi manin sawltakpi cih ding nangawnin ka kilawm kei hi. 10 Ahi hangin Pasian hehpihna hangin ka hi bangbang ka hi-a, kei tungah ama hehpihna a mawkna-in a bei kei hi. A bei kei takpi hi, amaute khempeuh sangin na ka nak sepzaw a, tua nangawn kei sep hi loin kei tawh a omkhawm Pasian hehpihna sep ahi hi. 11 Tua ahi ciangin kei ka hi-a, amaute ahi zongin ka hilh uh thu hih thu hi-a, note up zong hih thu mah ahi hi.
Misite Thawhkikna
12 Ahi hangin misi panin Christ kithosak hi, ci-in kihilh ahileh bangci bangin note pawlkhat in misi thawhkikna om lo hi, ci thei ahi hiam? 13 Misi thawhkikna om lo hileh Christ nangawn kithosak lo hi ding hi. 14 Christ tho kik lo hileh kote thuhilhna kimanna nei lo hi dinga note upna zong kimanna nei lo hi ding hi. 15 Tua tham loin Pasian in Christ misi pan thosak hi, cih thu teci ka pan manun kote Pasian thu ah zuau teci pang hong suaksak ding hi. Ahi hangin misi kithokiksak lo takpi hileh Pasian in amah a thokiksak lo hi ding hi. 16 Ahang in, misi kithokiksak lo hileh Christ zong a kithokiksak nai lo lai hi ding hi. 17 Tua hi-a, Christ kithokiksak lo hileh na upna uh a mawkna hi-a na mawhnate uh sungah a om lai na hi ding uh hi. 18 Tua ciangin Jesu sunga a ihmu masate zong a mangthang ahi ding uh hi. 19 Tu i nuntak sunga ding bekin Christ sunga lametna nei i hileh mi khempeuh sangin a hehpih huaizaw i hi ding hi.#Ro 4:25; 1Th 4:14
20 Ahi hangin misi pan Christ kithokiksak zo takpi-a a ihmusate lak pan gahmasa ahi hi. 21 Ahang in, mi khat tungtawnin sihna hong tun mah bangin misi thawhkikna zong mi khat mah tungtawnin hong tung hi. 22 Ahang in, Adam sungah mi khempeuh a sih bangin Christ sungah mi khempeuh a kinungtasak ding hi. 23 Ahi hangin mi khempeuh amau hun ciat hi ding uh hi. A gahmasa Christ ahi hi; tua ciangin ama hong pai ciangin ama mite a tho kik ding uh hi. 24 Tua ciangin amah in ukna thuneihna le vangliatna khempeuh a suksiat khit, Pa Pasian tungah kumpi-gam a piakkhiat ciangin beina a tung ding hi. 25 Ahang in, amah in a galte khempeuh a khepek nuai-ah a koih mateng a uk ding hi. 26 A kisusia ding gal nunung pen sihna ahi hi. 27 Ahang in, amah in, "A khepek nuai-ah na khempeuh koih zo hi" a#15.27 Ph. 8:6 Ama nuai-ah "Na khempeuh" a cih ciangin Christ nuai-ah na khempeuh a koihpa Pasian a gen khak loh lam kitel hi. 28 Amah in hih a sep khit ciangin Pasian pen na khempeuh ah na khempeuh ahi theih nadingin ama nuai-ah na khempeuh a koihnapa Tapa mahmah zong ama nuai-ah a koih ding hi.
29 Tua hi-a thawhkikna om lo hileh misi adinga kibaptise-te in bang hih ding uh ahi hiam? Misi kithosak lo hileh bang hanga amaute adingin mite kibaptise uh ahi hiam? 30 Kote adingin bang dinga a nai simin ko le ko kilausak ka hi uh hiam? 31 Sanggamte aw, nisimin ka si hi - ka cih pen i Topa Christ Jesu sungah note kong minthanpih bang tektek hi, ka cihnopna ahi hi. 32 Mihing ngaihsutnate hang lelin Ephesus a gamsa gilote tawh ka kilai leh bang lawhtak ka hi hiam? Misi kithosak lo ahileh,
"Zing cianga si ding i hi manin
ne-in dawn lel ni" b#15.32 Isa. 22:13
33 Mi khemsa-in om kei un: Kikholhpih hoih lo in tatzia hoih siasak hi." 34 Note ahi ding bangin kiphawk kik unla, mawh nawn kei un; Pasian phawk lo pawlkhat om na hi manun na maizum nadingun hih thu kong gen hi.#1Co 6:9; Gal 4:8,9
Thawhkikna Pumpi
35 Ahi hangin mi pawlkhat in, "Misite bang kici thawhkiksak hiam? Amaute bangci pumpi hong hi ding hiam?" ci-in dong thei kha ding hi. 36 Haihuai na zen e! Na tuh pen a sih phot kei leh a hing thei kei hi. 37 Na tuh ciangin a kungpi ding pen na suan kei hi; mangbuh ci ahikeh adang khatpeuh na tuh hi. 38 Ahi hangin Pasian in ama geelsa bangin kung guana, khaici nam tekah amau kung ciat a guan hi. 39 Sa khempeuh a kibang kim kei hi. Mihing in sa nam khat i nei hi. Gamsate in atuam, vasate in atuam, ngasate in atuam a nei hi. 40 Van pumpite zong om-a lei pumpite zong a om hi; ahi hangin van pumpite a thupina nam khat hi a, lei pumpite a thupina a namtuam khat ahi hi. 41 Ni in thupina nam khat nei a, kha in adang khat nei-in, aksite in zong adang khatmah a nei uh hi. Aksi ciatciat zong a thupina a kibang kei hi.
42 Misite thawhkikna zong tua tawh a kibang ding hi. A kituh pumpi a sia thei ahi hi. A sia thei loin a kithokiksak hi; 43 a simmawh huai-in kituh a, minthanna in kithokiksak hi. A thanemin kituh a, a vanglianin kithokiksak hi; 44 pianpih pumpi-in kituh a, kha pumpi in kithokiksak hi.#Da 12:3; Col 3:4
Pianpih pumpi om ahileh kha pumpi zong a om hi. 45 Tua ahi ciangin "Mi masa Adam, a nungta mi suak hi." c#15.45 Pc. 2:7 ci-in kigelh hi. A nunung Adam, nuntakna a pia kha ahi hi. 46 Ahi hangin khalam a om masa kei a, pianngei om masa-in tua khit ciangin khalam a om pan hi. 47 Mi masapen leitang vui tawh kibawl hi a, a nihna mi vantung pan ahi hi. 48 Lei mipa bangin lei mite a om uh hi. Vantung pana mipa bangin vantung a te a om uh hi. 49 Lei mipa tawh kibatna i neih bangin eite d#15.49 Khutgelh masa pawlkhatah tua hi-a eite in in vantung pana mipa tawh kibatna i nei ding hi.#Pc 2:7; Ro 8:29
50 Sanggamte aw, si le sa in Pasian gam a luah thei kei hi, a kisia thei na in a kisia thei lo na a luah thei kei hi, cih note tungah kong pulak hi. 51 Ngai un, thuthuk khat kong gen ding hi: Eite khempeuh i ihmu kim kei ding hi. 52 Ahi hangin a nunung pengkul a mut ciangin thakhat thu mitphiat khat sungin i vekpi-in i kikhel ding hi. Ahang in, pengkul hong ging dinga, misite a sia thei lo dingin kithosak dinga eite i kikhel ding hi. 53 Ahang in, a siatheite in siat theihlohna silhin, a si theite in sihtheihlohna a silh ding hi. 54 A sia theite in siat theihlohna silh-a a si theite in sih theihlohna a silh ciangin: "Gualzawhna sungah sihna kivalhtum zo hi." e#15.54 Isa. 25:8#Php 3:21; Heb 2:14
55 "Sihna aw, na gualzawhna koi-ah om hiam!
Sihna aw, na gu koi-ah om hiam?" f#15.55 Hos. 13:14 ci-a kigelh thu a tung ding hi.
56 Sihna gu in mawhna hi-a mawhna vangliatna in thukham ahi hi. 57 Ahi hangin Pasian tungah lungdamna om ta hen! Amah in eite Topa Jesu Christ tungtawnin gualzawhna hong pia hi.#Ro 5:12; Heb 2:14
58 Tua ahi manin kong it sanggamte aw, kiptakin ding un. Bangmah kilokzosak kei un. Topa sungah na nasepna uh a mawkna ahi loh lam thei na hi uh ciangin Topa nasem dingin nomau mahmah na kipum piak tawntung un.#Isa 65:23
Currently Selected:
1 Corinth-te 15: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission