ÌWÉ ONÍWÀÁSÙ Ọ̀rọ̀ Iṣaaju
Ọ̀rọ̀ Iṣaaju
Ìwé yìí jẹ́ àkójọpọ̀ èrò ọ̀jọ̀gbọ́n kan ẹni tí ó ṣe ìjìnlẹ̀ ìtọ́kasí bí ẹ̀mí eniyan ṣe kúrú tó, ati bí ìgbòkègbodò ṣe kún ìgbé-ayé ẹ̀dá. Ó mẹ́nuba ọ̀rọ̀ pẹlu àwọn ìdájọ́ tí kò tọ̀nà tí ó sì rúni lójú ati airojutuu ayé ẹni. Èyí ni ó mú kí ó sọ pé “asán ni ìgbé-ayé.” Kò yé e bí Ọlọrun ti ń darí àyànmọ́ ẹ̀dá. Sibẹ ó rọ àwọn eniyan láti ṣiṣẹ́ kára kí wọ́n sì gbádùn àwọn ẹ̀bùn Ọlọrun tẹ́rùn.
Ọ̀pọ̀ ninu àwọn èrò ọ̀jọ̀gbọ́n náà ni ó dàbí ẹni pé kò ṣàǹfààní fúnni, tí ó sì ń kó ìrẹ̀wẹ̀sì bá ọkàn, ṣugbọn nítorí pé irú ìwé yìí wà ninu Bibeli, ó fihàn pé igbagbọ inú Bibeli fẹjú, ó sì fi ààyè sílẹ̀ fún ainigbagbọ ati ẹ̀mí iyèméjì. Ọpọlọpọ àwọn tí ó jẹ́ pé nípa fífi ojú Ìwé Oníwàásù wo ọ̀rọ̀ ìgbé-ayé wọn ni wọ́n ṣe máa ń ní ìfọ̀kànbalẹ̀. Ṣugbọn wọ́n tún rí i pé Bibeli kan náà tí ó sọ nípa ainitumọ ìgbé-ayé gẹ́gẹ́ bí èrò ọkàn wọn, ni ó tún fún wọn ní ìrètí nípa Ọlọrun, tí ó fún ìgbé ayé ní ìtumọ̀, tí ó ga ju èyí tí àwa ẹ̀dá mọ̀ lọ.
Currently Selected:
ÌWÉ ONÍWÀÁSÙ Ọ̀rọ̀ Iṣaaju: YCE
Highlight
Share
Copy
Want to have your highlights saved across all your devices? Sign up or sign in
Bible Society of Nigeria © 1900/2010