Psalmyn 96
96
PSAL. 96.
Cantate Domino.
1O gow-jee arrane noa da’n Chiarn:
gow-jee arrane da’n Chiarn, ooilley yn slane seihll.
2Gow-jee arrane da’n Chiarn, as moylley-jee yn Ennym echey:
bee-jee ginsh jeh e haualtys veih laa dy laa.
3Jean-jee e onnor y hoilshaghey da ny ashoonyn-quaagh:
as e yindyssyn da dy-chooilley phobble.
4Son ta’n Chiarn mooar, as cha vod eh dy-feeu ’ve er ny voylley:
ta ny smoo dy aggle dy ve goit roïshyn na dy-chooilley Yee.
5Son cha vel ooilley Jee'ghyn ny ashoonyn agh jallooyn:
agh she’n Chiarn chroo ny niaughyn.
6Ta gloyr as ooashley ayns e enish:
ta pooar as onnor ayns ynnyd e chasherickys.
7Cur-jee da’n Chiarn, O shiuish chynneeyn y phobble:
chebb-jee da’n Chiarn ooashley as pooar.
8Cur-jee da’n Chiarn yn onnor cair da’n Ennym echey:
chebb-jee ourallyn, as tarr-jee stiagh ayns e chooyrtyn.
9O cur-jee ooashley da’n Chiarn ayns yn ynnyd aalin dy chasherickys:
lhig da’n slane seihll ’ve arrymagh ayns e enish.
10Insh-jee mastey ny ashoonyn, dy nee yn Chiarn y Ree:
as dy nee eshyn eh t’er n’yannoo yn seihll rhunt cha shickyr nagh vod eh ve er ny scughey, as kys dy jean eh yn pobble y vriwnys dy-cairagh.
11Lhig da ny niaughyn goaill boggey, as lhig da’n thalloo ’ve gennal:
lhig da’n faarkey fiyr y yannoo, as ooilley ny t’ayn.
12Lhig da’n magher ’ve laane dy voggey, as ooilley ny t’ayn:
eisht nee ooilley biljyn y cheyll boggey ’ghoaill kiongoyrt rish y Chiarn.
13Son t’eh cheet, t’eh cheet dy vriwnys y thalloo:
as lesh cairys dy vriwnys y seihll, as y pobble lesh e ynrickys.
Currently Selected:
Psalmyn 96: PS1765
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
