Ko fɔlɔfɔlɛ 10

Nuha la deŋɛnu bɔnsɛ

1Banbaraŋɛ la tanbireŋɛ kɔma, Nuha la den kayireŋɛnu Sɛmi, Hima anun Jafasa ka den kayireŋɛnu sɔtɔ. Anu bɔnsɛ la tarigu le ka.

2Jafasa la den kayireŋɛ le Gomeri la, anun Magogi, Madayi, anun Yaban, anun Tubali, anun Meseki, anun Tirasi. 3Gomeri la den kayireŋɛ le Asikanasi la anun Rifati, anun Togarima. 4Yaban na den kayireŋɛ le Elisa la anun Tarisi, anun Kitimu, anun Dodanimu. 5Yaban na mɔgɛnu mafatanta anu tagata sigi surenu tɔ ba dala, bɛ nun a la duge, bɛ nun a la kuma, bɛ nun a gabila, bɛ nun a la jamanɛ.

6Awa, Hima tugun na den kayireŋɛ le Kusi la, anun Misirayimu anun Pitu, anun Kanan. 7Kusi la den kayireŋɛ le Seba la, anun Hawila, anun Sibati, anun Rayima, anun Sabatika. Rayima la den kayireŋɛ le Seeba la anun Dedan. 8Kusi la den kayireŋɛ do le Namurudu la. Ale le fɔlɔ mata mansa sɛnbɛma la duge kunma. 9A mata waaɲɛmalá fatima la Alatala ɲala. Wo butɔ, a be fɔla mɔgɛ donu ma ko: «Sɛndɛ karisa bata ma Namurudu siila la bayi a bata ma waaɲɛ mala fatima la Alatala ɲala.» 10Namurudu ka mansaya fɔlɛ ma Babɛli saa tɔ le anun Erɛki saa tɔ anun Akadi saa tɔ anun Kaline saa tɔ. Wonu bɛ be Sineyari duge tɔ le. 11A bɔɔta wo duge tɔ a tagata Asuri duge tugun tɔ. A ka Niniwu saa labɔɔ, anun Rehoboti saa anun Kalasi saa, 12anun Resɛni saa. Resɛni wo saa be Niniwu nun Kalasi le tɛma. Saa belebele le Kalasi la. 13Misirayimu le mata Ludi kaanu baaba la, anun Anamu kaanu, anun Leyabi kaanu, anun Nafuti kaanu, 14anun Patirisi kaanu, anun Kasilubi kaanu, anun Kafitori kaanu. Filisiti kaanu bɔɔta Kasilubi kaanu le tɔ.

15Kanan na den kayiren fɔlɛ mata Sidɔn de la, a ka Hɛti tugun sɔtɔ. 16Jebusi kaanu tugun bɔɔta Kanan de tɔ, anun Amɔri kaanu, anun Girigasi kaanu, 17anun Hiwi kaanu, anun Araki kaanu, anun Sini kaanu, 18anun Arawadi kaanu, anun Semari kaanu, anun Hamati kaanu. Wo kɔma, Kanan bɔnsɛnu mafatanta. 19Anu la duge fɔlɔta Sidɔn a tagata Gerari mafanna han a keta Gasa. A be tagaren Sodɔmu tugun mafanna anun Gomori, anun Adima, anun Seboyimu, han a keta Lesa. 20Hima bɔnsɛ le wo la, bɛ nun a gabila, bɛ nun a la kuma, bɛ nun a la duge, bɛ nun a la jamanɛ.

21Awa, Jafasa kɔtɔ kayima Sɛmi tugun ka den kayireŋɛnu sɔtɔ. Wo Sɛmi mata Hebɛri kaanu bɛ benba le la. 22Sɛmi la den kayireŋɛ le Elamu la, anun Asuri, anun Aripasadi, anun Ludi, anun Arami. 23Arami la den kayireŋɛ le Usi la, anun Huli, anun Getari, anun Masi. 24Aripasadi ka Selasi sɔtɔ. Selaha ka Hebɛri sɔtɔ. 25Hebɛri ka den kayiren fila sɔtɔ. Dɔndɛ tɔgɔ Pelegi bayi duge fatanta a jamanɛ le. A dɔgɔ kayima tɔgɔ Jokitan. 26Jokitan ka Alimodadi sɔtɔ, anun Selefu, anun Hasarimaweti, anun Jeraki, 27anun Hadoramu, anun Usali, anun Dikala, 28anun Obali, anun Abimayɛli, anun Seeba, 29anun Ofiri, anun Hawila, anun Yobabu. Awa, wonu bɛ mu Jokitan na den kayireŋɛnu le la. 30Anu la duge fɔlɔta Mesa le, han a ni ke Sefari saa banba tɔ, ka min be kɔnkɛnu tele yɛlɛ mafanna. 31Wonu bɛ mu Sɛmi la deŋɛnu le la, bɛ nun a gabila, bɛ nun a la kuma, bɛ nun a la duge, bɛ nun a la jamanɛ.

32Nuha la deŋɛnu bɔnsɛnu le wonu la, bɛ nun a gabila, bɛ nun a la jamanɛ. Seenu minnu mafatanta duge kunma dula bɛ tɔ banbaraŋɛ tanbi kɔma, wonu bɛ bɔɔren Nuha la den kayireŋɛnu le tɔ.

Currently Selected:

Ko fɔlɔfɔlɛ 10: MOG

Highlight

Copy