Sakarja 12
12
Profeten forkynner at alle folk på jordi skal gjera åtak på Jerusalem og Juda, men til si eigi ulukka, for di Herrens folk vert styrkt av sin Gud og vinn ein storfelt siger yver dei, 1-9; Herren vil renna ut sin Ande yver folket sitt, og då skal dei i bot og tru sjå upp til Herren, Messias, som dei hev igjenomstunge, og i alle sine ættgreiner skal dei syrgja og jamra sårt yver si misgjerd mot han, 10-14.
1Denne framsegni er Herrens ord um Israel. So segjer Herren, som spana ut himmelen og grunnfeste jordi og skapte ånd i mannebarmen:#Sal 104,2; Jes 40,22; Sal 89,12; 102,26; 104,5; 119,90; 1 Mos 2,7 2Sjå, eg gjer Jerusalem til ei tumleskål for alle folki rundt ikring; jamvel yver Juda skal det koma når Jerusalem vert kringsett.#Sal 60,5; Jes 51,17-23#12,2 tumleskål d. e. ei skål med rusande vin; Salm. 60,5. Es. 51,17fg. 3På den dagen skal eg gjera Jerusalem til ein lyftestein for alle folki; alle som lyfter på han, skal riva seg sund. Ja, alle heidningfolk på jordi skal flokka seg imot det.#Sak 14,2 4På den dagen, segjer Herren, skal eg slå alle hestane med villska og hestfolki med vitløysa; men yver Judas hus skal eg vaka, og alle hestane åt folki slær eg med blindskap. 5Då skal ættehovdingane i Juda segja med seg sjølve: Vår styrke er dei som bur i Jerusalem, ved Herren, allhers Gud, deira Gud. 6På den dagen skal eg lata ættehovdingane i Juda verta liksom ei glodpanna i ein vedhaug og ein brennande kyndel midt i ein halmdunge, og dei skal brenna upp alle folki rundt ikring, både til høgre og til vinstre; men Jerusalems-folket skal framleides bu trygt på sin stad, i Jerusalem. 7Og fyrst skal Herren frelsa tjeldi åt Juda, so ikkje Davids hus og Jerusalems-buane skal få større heider enn Juda. 8På den dagen skal Herren verna Jerusalems-buane, og den veikaste stakkaren millom dei skal på den dagen vera som David, og Davids hus som Gud, som Herrens engel framfyre dei.#2 Mos 14,19#12,8 dei 2 Mos. 14,19. 9Og på den dagen skal eg trå etter å tyna alle heidningfolki som fer imot Jerusalem.#Op 20,9 10Men yver Davids hus og yver Jerusalems-buane skal eg renna ut nåde-anden og bøne-anden, so dei ser upp til meg som dei hev gjenomstunge; og dei skal syrgja på han som ein syrgjer på den einborne sonen, og øya og gråta som ein øyar yver fyrstefødde sonen.#Joel 3,1-2; Apg 2,1-13; Rom 8,15.26; Joh 19,37; Op 1,7; Jer 6,26; Am 8,10; Luk 7,12 11På den dagen skal sorgi verta stor i Jerusalem, liksom sorgi yver ulukka i Hadadrimmon i Megiddondalen.#2 Krøn 35,22-27#12,11 Megiddondalen Det var der Josias, den gudlege kongen, fekk banesår; 2 Krøn. 35,22fg. 12Og landet skal syrgja, kvar ættgrein for seg: ættgreini frå Davids hus for seg og deira kvinnor for seg, ættgreini frå Natans hus for seg og deira kvinnor for seg,#2 Sam 5,14; Luk 3,31#12,12 hus 2 Sam. 5,14. Luk. 3,31. 13ættgreini frå Levis hus for seg og deira kvinnor for seg, Sime'is ættgrein for seg og deira kvinnor for seg;#4 Mos 3,18.21; 1 Krøn 6,16-17 14like eins alle dei andre ættgreinene for seg og kvinnone deira for seg.
Currently Selected:
Sakarja 12: Bibel1938
Highlight
Share
Copy
Want to have your highlights saved across all your devices? Sign up or sign in
© Norwegian Bible Society 1938
© Bibelselskapet 1938
https://www.bibel.no/Nettbibelen/Opphavsrett_2
