Yela 40
40
Kpɛɛra yel
Kooro Devid yel
1N wio no Korowii,
dɛ lawɛ bambile dɛɛ kpao,
asɛ o na n sum,
dɛ no n wii.
2O laɡ mɛ le lalabwɛ
waa do kɛŋɔ bɔluŋ ta,
n le seo nyoa.
O kpɔ mɛ ba chɔŋɛ
bwetal ta, n bwara
sɔɔh mɛ,
asɛ n che kiŋkiŋ.#Jer 38:6-13
3O kpɔ yelfale do n nyoa,
kpɛɛra yel waa
dɛ baɡle kɛŋɔ, Korowii
yaa dɛ tomɔ la kan.
Nɛra ɡalɡa ɛɛ na waa waa ɛa,
dɛ́ kpɔ ba te dawɛ o nɛ.
4Nɛra baa kpɔ ba te dawɛ
Korowii nɛɛ la, ba na som.
Nɛra baa wola mbarafo tena
we-ɛɛla nyiŋi,
kɛɛ baa wola voɡa tomɛ la.
5N Naa Korowii yaa dɛ tomɛ,
nyokpowe-ɛɛla haa ɛa la
warɔ ɡa.
Yaa won baɡle wejena
haa vɔrɔwa bil tɛ yaa la,
a warɔ kohona,
yaa wola won kura.
6Konaatena ne koŋkwaa
baa kpɔa ɛ sarahare
dɛɛ tɛɛ la,
he sie aa a ta lɛ,
he tɛ mɛ deŋne ŋɔ,
n kpɔ no he wa.
He siwi aa konaatena
baa dɛ fuah ambire dɛɛ tɛɛ,
ne sarahare baa ɛa, dɛ kpɔ
dɛɛ soŋe nɛra
wechɔɡa la su.#1Sa 15:22#Hib 10:5-7
7Belaa n ŋɔ, “N Naa Korowii,
menee la. N balɔ.
Ba chwerɛ n waa do he
Mmara tɔn la bini.
8N Naa Korowii, na ɡɛ
maa dɛ nyin he waa ɛɛ,
n kpɔ he webaɡla la do
n bambile bini.”
9He nɛra baa cheme warɛ aa,
n dɛ bol amanesoma
aa dɛ ba mkpa ne,
maa n nyoa tɔ.
N Naa Korowii, he ɡbabir
jemɔ kɛ maa a bolaa ɡel.
10Maa amanesoma
aa dɛ lɛ nɛra la kpɔe
dɛɛ sɔh n bambile bini,
n dɛ bol he kasinteŋ
ne he chae waa la.
He nɛra chemo warɛ aa,
maa nyoa tɔ, he waa aa
ɛ kasinteŋ,
ne he nyina aa wola jaɡa
dɔe la ta.
11N Naa Korowii, n jemɔ kɛ
haa n sum nae ɡel bwa,
he nyina ne kasinteŋ
ɛɛ tɔ mɛ ɡbemɡbee
saŋ bɛlbwa.
Chae wesoŋa
12N dɔma baa wola nyoa dɔe
bar mɛ cheme,
n wechɔɡa ɡwaa n nɛ,
maa jemɛ bela maa kpɔ.
A warɔ ɡwaa n nyumpona
kwara,
a ɡel n hwɛɡa bwa ta.#Yel 70:1-5
13N Naa Korowii, n dɛ soŋe,
lɛɛ mɛ,
ba warane, dɛ́ ba cha mɛ.
14Gel nɛra baa dɛ nyin mɛ
dɛ́ kpo la,
sihiih kpo ba, bá wili.
Nɛra ba sie aa dɛ lɛ
n wenaale ta la,
ber ba kaa,
dɛ́ ɡel sihiih kpo ba.
15N Naa Korowii,
ɡel banɔ la baa
dɛ mam mɛ la
bambile chɔɡ,
pɔe haa pɔ ba nɛɛ la wa.
16Nɛra baa laŋa kaa tomɛ la,
ɡel bá dɔ silɛɛ dɛɛ hɛɡre.
Gel nɛra haa lɛɛ ba
ba dɔ mkpa la ɛɛ ŋɔ,
“Hé na ɡɛ Korowii aa
kana!”
17N nyao, dɛ ɛ nɛŋɡwɛɡre,
kɛ he ta n waa soɛh.
Henee Korowii maa dɛ tomɛ,
henee ɛ n Lɛɛ,
n poori, ba warane, dɛ́ ba cha mɛ.
Currently Selected:
Yela 40: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
