Psalmou 31
31
XXXI PSALM.
1Enn-od Aotrou em euz lekeat va fisians, na lez ket ac’hanoun da veza mezekeet da vikenn: dieub ac’hanoun enn da justis.
2Stoui da skouarn etrezeg enn-oun, hast d’am zieubi: bez d’in eur roch kré, hag eur refuch da savetei ac’hanoun.
3Rak te eo va nerz ha va refuch; hag enn abek d’as hano hinch achanoun, ha ren̄ ac’hanoun.
4Tenn ac’hanoun euz al lindag ho doa kuzet ouz-in: o veza ma oud va nerz.
5Etre da zaouarn e lakaan va ené: va dasprenet ec’h euz, Aotrou Doue a wiri-onez.
6Kaseet em euz ar; ré a heul traou vēn̄ ha didalvez; hogen me em euz lekeat va fisians enn Aotrou.
7Trida a rinn, hag en em laouenainn enn da drugarez; o veza ma ec’h euz sellet out va glac’har; ha ma ec’h euz ana-vezet va ené enn he ankeniou;
8O veza n’ec’h euz ket va zerret etre, daouarn va enebour; hogen ma ec’h euz eullet va zreid enn kea leac’h frank.
9Az pez truez ouz-in, Aotrou, o veza ma ounn nec’het braz; va lagad, va ené, ha va c’hov a zo freuzet gand ar glac’-har.
10O veza ma eo dizec’het va buez gand ar c’hloaz; ha va bloavesiou gand ann hirvoudou; kollet eo va ners ahalamour d’am feched; ha va eskern a zo reustlet.
11Da zismegans ounn deuet d’am holl enebourien, ha dreist holl d’am amezeien, ha da spount evid ar ré a anavez ac’hanoun: ar ré a welé ac’hanoun er meaz a deehe pell diouz-in.
12Ankounac’heet ounn ha lamet euz ho chaloun evel pa venn maro: evel eul lestr torret ounn deuet.
13Rak klevet em euz tamallou kalz: spount a voa tro war dro d’in: pa en em strollent em enep, ho deuz en em guzuliet tenna va buez digan-en.
14Hogen me Aotrou em euz lekeat va fisi-ans enn-od: lavaret em euz, va Doué oud.
15Va amzeriou a zo etre da zaouarn: tenn ac’hanoun euz a zaouarn va enebourien, hag euz ar ré a heskin achanoun.
16Laka da zremm da luc’ha war da zervicher; dieub ac’-hanoun hervez da drugarez.
17Na lez ket ac’hanoun da veza meze-keet Aotrou; rak da c’halvet em euz: ra rusiô ar ré fallagr, ha ra vezint kaset d’ar bez.
18Ra zeuio da veza mûd ar muzellou touelluz; peré a lavar drouk enn ho rogen-tez hag enn ho fae, a eneb ann den just.
19Peger braz eo Aotrou ar founder euz da gunvelez, ec’h euz kuzet oud ar re’a zouj ac’hanod; ha great ec’h euz anezhi, evid ar ré a laka ho fisians enn-od, dirak bugalé ann dud.
20Ho c’huza a ri el leac’h kuzeta euz da zremm rak drougiez ann dud: e vezi enn da dabemakl oud enebiez ann teôdou.
21Ra vezo benniget ann Aotrou, o veza m’en deuz diskouezet he drugarez em c’hen-ver enn eunn doaré burzuduz enn eur gear kré.
22Hogen me em boa lavaret e frouden va spered: Distolet ounn bet a zirak da zaoulagad, rak se ec’h euz klevet out mouez va fedeu pa em euz kriet etrezeg enn-od.
23Karit ann Aotrou, c’houi he holl zent; rak ann Aotrou a vir ar ré leal, hag a zistolo gand founder d’ar re rok.
24Bezit stard, hag hen a gennerzo ho ka loun, c’houi holl peré a laka ho fisians enn Aotrou.
Currently Selected:
Psalmou 31: PS1873
Highlight
Share
Copy
Want to have your highlights saved across all your devices? Sign up or sign in
Historical text first published by the British and Foreign Bible Society in 1873, who now maintain it.
