Lakana 12

Owiro Yecu kede moo i Betania

(Neŋ daŋ Matayo 26.6-13; Marako 14.3-9)

1Ka rik odoŋ nino abicel me tuno i ecuban me Kato, Yecu otuno i Betania, kan a Lajaro bedo iye, ame en ŋat a rik Yecu ocero iyi akina jo oto. 2Gin te tedde cam me otyeno kuno; Marita obedo ka poko cam, Lajaro onwoŋo en dano acel i akina jo ame obedo i dog cam. 3#Luk. 7.37-38Maliam okwanyo moo a ŋwece kur ame wellere bup, moo nard agili ame romo ratili acel, owiro kede tyen Yecu, oweo tyen Yecu kede yer wie; ŋwec moo oku to, oromo ot ducu. 4Ento Juda me Keriot, ŋat acel i akina jo a lube, en ame abino keto erupe i kome, open ye ni, 5“Ŋo omono cato moo man i wei me ciliŋ mia adek, me mi baŋ ocan?” 6En okobo man, mom ni onwoŋo en paro pi ocan, ento pien rik en akwo; en rik gwoko cao lim, kwanyo gin ame obolo iye. 7Yecu te kobo ni, “Weke wunu, me kan naka i nino me yika. 8#Lodo 15.11Ocan itye wunu kedgi nino luŋ, ento an mom abino bedo kedwu ni no ducu.”

Ojudaya oporo kop me neko Lajaro

9Ka lwak Ojudaya apol oniaŋ ni en tye kuno, gin te bino, mom pi neno Yecu keken, ento pi ne no Lajaro daŋ, ame Yecu rik ocero iyi akina jo oto. 10Pi mannono, olamdog adoŋo te poro kop me neko Lajaro daŋ, 11pien Ojudaya apol oya oko i baŋgi pire, kun oye Yecu.

Yecu odonyo i Jerucalem acalo abaka

(Neŋ daŋ Matayo 21.1-11; Marako 11.1-11; Luka 19.28-40)

12Orwo mere lwak jo apol ame rik obino iyi ecuban te winyo ni Yecu tye abino i Jerucalem. 13#Jab. 118.25, 26Gin te jako jaŋ otit, ote wot me jole kun owo ni,

“Ojana, pak wunu Rwot!

Gum myero bed i kom ŋat ame abino i nyiŋ Rwot,

ame en Abaka me Icrael!”

14Yecu onwoŋo atin kana, te bedo i wie, acalo rik ocoo ni,

15 # Jek. 9.9 “Kur ilwor, yin Cion;

nen, abaka meri abino baŋi,

obedo i wi atin kana!”

16Jo mere a lube mom koŋ oniaŋ i man; ento ka doŋ oketo kwogo i kom Yecu, gin te po ni rik ocoo kop magi i kome, dok ni otimo pire. 17Lwak ame rik tye baŋe ka en lwoŋo Lajaro i lyel pi cere iyi akina jo oto, gin otito pire. 18En gin omio lwak owoto ka jole, pien gin onwoŋo owinyo ni en otio anyut man. 19Oparicayo te kobo kengi kengi ni, “Mom doŋ ineno wunu ni mom ikonyo wunu ginnoro. Nen, lobo ducu doŋ owirre me lube.”

Jo Grik mogo oyenyo Yecu

20Jo ame rik owoto ka woro Obaŋa i ecuban, mogo i akinagi onwoŋo jo Grik. 21Jo-nu owoto baŋ Pilipo me Betecaida, ame tye i Galilaya, ote kobbe ni, “Adwoŋ, wan omito neno Yecu.” 22Pilipo owoto, otito baŋ Anderiya, Anderiya owoto karacel gin i Pilipo, oterri Yecu kop-pu. 23Yecu te gamo doggi ni, “Caa doŋ oromo me keto kwogo i kom Wot a dano. 24Ateteni akobbiwu ni, nyig kal ka mom opoto i lobo oto, bedo kene, ento ka oco nyige bedo apol. 25#Mat. 10.39; 16.25; Mar. 8.35; Luk. 9.24; 17.33Ŋat a maro kwo mere bino rwenyo kwo mere arwenya; ŋat ame dag kwo mere i lobo man, bino gwoko tuno naka i kwo a perakino odoco. 26Ka ŋattoro tio pira myero luba; kan ame an abedo iye, atic mera daŋ bino bedo kuno. Ka dano moro tio pira, Papo bino nyuto woro i kome.

Wot a dano myero tiŋe malo

27“Aman cunya oballe, kara abino kobo ŋo? Akobo ni, ‘Pappa, lara i caa man?’ Ento pi kop-pi omio atuno i caa-ni. 28Pappa, ket kwogo i nyiŋi.” Dwon te ya i polo ni, “Doŋ aketo kwogo iye, abino keto odoco.” 29Lwak ame ocuŋ i laŋete owinyo; ote kobo ni, “Polo omor.” Jo ocele ni, “Amalaika okobo kede.” 30Yecu ogamo ni, “Dwon man mom obino pira, ento pirwu. 31Amanni otye a ŋolo kop i kom lobo man; aman aloc me lo bo man obino bole oko. 32An ka obino tina malo ya i lobo, abino waya jo luŋ baŋa.” 33En okobo man pi nyuto kit to ame en bino to kede. 34#Jab. 110.4; Ica. 9.7; Ejek. 37.25; Dan. 7.14Lwak te gamo doge ni, “Wan owinyo i cik ni Kricito perakino nakanaka. Kara yin dok ikop niŋo, ni Wot a dano myero tiŋe malo? Kara Wot a dano-nu en ŋa-nono?” 35Yecu te kobo ni, “Pwod itye wunu kede cen pi kare anok. Wot wunu ame pwod itye wunu kede cen, me colpiny kur ŋukwu. Ŋat ame woto i colpiny mom ŋeo kan ewot iye. 36Ka pwod itye wunu kede cen, ye wunu cen, me idok wunu itino me cen.”

Ojudaya pe oye Yecu

Yecu ka okobo kop man, opokere kedgi, te ponnigi oko. 37Kadi Yecu otio anyuttogo apol a rom mano i nyimgi, gin mom oye en, 38#Ica. 53.1 me kop adwarpiny Icaya cobere kakare, ni,

“Rwot, ŋa oye kop ame wan otito?

Dok na ame bad Rwot onyutte baŋe?”

39Man en omio mom gin otwero ye, pien Icaya dok okobo ni,

40 # Ica. 6.10 “En oneko wangi,

omio cunygi odoko nwaŋ,

me kur onen kede wangi,

kadi niaŋ i cunygi,

kadi dwogo, me acaŋgi.”

41Gin omio Icaya okobo kop man, pien rik oneno kwogo mere, okobo pire. 42Kadi bed kite-nono, jo apol, a naka mogo i akina oloc, oye en, ento pi lworo Oparicayo omio mom gin otuce, me kur ryemgi oko i kacokere; 43pien gin maro kwogo ame dano miogi akato kwogo ame Obaŋa mio.

Kop ame Yecu kobo golli jo kop

44Yecu oredo ni, “Ŋat oye an, mom oye an, ento oye ŋat oora. 45Ŋat a nena, nwoŋo aneno ŋat oora. 46An a ceŋ ame bino i lobo, me jo ducu ame ye an kur bed i piny acol. 47Ka dano moro winyo kop-pa kun mom gwoko, an pe anolle kop; pien rik mom abino ka ŋolo kop i kom lobo, ento abino pi laro lobo. 48Ŋat ame kwera, ame mom winyo koppa, tye ŋat ame ŋolle kop; kop a doŋ akobo bino ŋolle kop i nino me agikki. 49Pien mom akobo pira kena; Papo ame oora en ikome omia cik, gin ame myero akobbi, kede gin ame myero alokki. 50Aŋeo ni cik mere en kwo a perakino odoco. Gin ame akobo, aloko acalo Papo okobba.”

Currently Selected:

Lakana 12: Lango

Highlight

Copy