Zakariya 6
6
Mboniwoni ya magareta ghanayi
1Nkhinuska maso ghane, ndipo wonani, nkhawona magareta ghanayi ghakufumira pakati pa mapiri ghaŵiri. Mapiri agha ghakaŵa gha mkuŵa. 2Gareta lakudanga likaŵa na mahachi ghaswesi, la chiŵiri likaŵa na mahachi ghafipa,#Uvu 6.4-5 3la chitatu likaŵa na mahachi ghatuŵa, ndipo gareta la chinayi likaŵa na mahachi gha nkhongono ghamaŵangamaŵanga.#Uvu 6.2 4Penepapo nkhamufumba mungelo uyo wakayowoyanga nane, “Kasi ndi vivichi ivi, sekuru wane?”
5Mungelo yura wakandizgora wakati, “Ivi vikuya kosekose pasi pa mtambo, vyati vyayiteŵetera Fumu ya charu chose cha pasi.#Uvu 7.1 6Gareta la mahachi ghafipa likurazga ku chigaŵa cha ku mpoto, la mahachi ghatuŵa likurazga ku chigaŵa cha ku manjiliro gha dazi, ndipo mahachi ghamaŵangamaŵanga likurazga ku chigaŵa cha ku mwera.”
7Para mahachi gha nkhongono ghakafuma waka, ghakanwekera kuya kendera uku na uko mu charu. Ndipo iyo wakati, “Rutani, mwendendeke uku na uko mu charu.”
Ntheura ghakendendeka mu charu.
8Penepapo wakachemerezga kwa ine, wakati, “Wona awo ŵakuruta kurazga ku charu cha ku mpoto ŵakhizga pasi mzimu wane uwo ukakwiyira charu cha ku mpoto.”
Languro la kumuvwarika mphumphu Yoshuwa
9Ndipo mazgu gha Fumu ghakiza kwa ine, 10ghakati, “Tora vyawanangwa ivyo ŵakupa ŵamikori aŵa: Heledayi, Tobiya, Yedaya, ndipo ruta luŵiro ku mbumba ya Yosiya mwana wa Zefaniya. Wose aŵa ŵafuma ku Babuloni. 11Ukapange mphumphu kufuma ku siliva na golide uyo ŵakupa, ndipo mphumphu iyo ukamuvwarike musofi mukuru, Yoshuwa mwana wa Yehozadaki. 12Ukamuphalire ukati, Fumu Mwenenkhongono zose yikuti, ‘Wona, munthu uyo zina lakhe ndi Munthavi, waphukenge pa malo apo wali na kuzengaso Nyumba ya Fumu.#Yer 23.5, 33.15; Zak 3.8 13Iyo wati wazengaso Nyumba ya Fumu, wati waŵe na nchindi za ufumu, ndipo wati wakharenge pa chizumbe na kuwusa. Pamkuŵa musofi pa chizumbe chimoza, ndipo ŵakwenderana wose ŵaŵiri mu mutende. 14Mphumphu yikharenge mu Nyumba ya Fumu nga chikumbusko cha Heledayi, Tobiya, Yedaya na Yosiya mwana wa Zefaniya. 15Awo ŵali kutali ŵamkwiza na kovwira kuzenga Nyumba ya Fumu. Ntheura mwamkumanya kuti Fumu Mwenenkhongono zose ndiyo yandituma kwa imwe. Ichi chamkufiskika usange na mtima wose mwamkupulikira mazgu gha Fumu, Chiuta winu.’ ”
Currently Selected:
Zakariya 6: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
