Mateyu 6:16-18

“Para mukuziŵizga vyakurya, mungarongoranga visko vya chitima nga mbapusikizgi, pakuti ŵakusintha visko vyawo mwakuti ŵawoneke ku ŵanthu kuti ŵakuziŵizga vyakurya. Nadi nkhumuphalirani kuti ŵali kupokera kale njombe yawo. Kweni iwe para ukuziŵizga vyakurya, ugeze ku maso na kuphakazga mutu wako na mafuta, mwakuti ŵanthu ŵareke kumanya kuti ukuziŵizga vyakurya, kweni ku Ŵawuso ŵa ku udesi pera ndiwo. Ndipo Ŵawuso awo ŵakuwona vya mu udesi, ŵati ŵakupe njombe yako.