Yona 2
2
Yona wakuromba kwa Fumu
1Apo Yona wakaŵa mukati mu nthumbo ya chisomba, wakaromba kwa Fumu, Chiuta wakhe wakati:
2“Apo nkhaŵa mu visuzgo
nkhachemerezga kwa imwe Fumu,
ndipo imwe mukandizgora.
Apo nkhaŵa mu malo gha ŵakufwa,
nkhalirira kwa imwe Fumu kuti mundovwire,
ndipo imwe mukandipulika.
3Imwe mukandiponya mukati mwa ndimba,
nadi, mukatikati mwa nyanja,
mwezga ukandizingirizga ine kosekose,
majigha na maŵiruŵiru ghinu ghose vikandibizga.
4Ntheura nkhati,
‘Ndatayika ine kufuma pa maso pinu,
kasi ndamkulaŵiskaso uli ku Nyumba yinu yakupatulika?’
5Maji ghakandibenekerera ine,
ndimba nayo yikandizingirizga ine,
ndere zikazingirizga mutu wane.
6Nkhakhilira kusi kwa lufura lwa mapiri,
nkhabira pasi chomene kusi kwa charu,
icho mphingirizgo zakhe zikandijalira kwa muyirayira.
Ndipouli, Mwe Fumu, Chiuta wane
mukandifumiskamo wamoyo mu dindi.
7Para nkhawona kuti umoyo wane ukumara,
nkhakumbuka imwe Fumu.
Ndipo nkharomba kwa imwe,
mu Nyumba yinu yakupatulika.
8Awo ŵakusopa vikozgo vya waka,
ŵakutaya kugomezgeka kwawo kwa imwe.
9Kweni ine, nditi ndiyimbenge sumu ya viwongo,
nditi ndipereke sembe kwa imwe.
Icho ndapangana, nditi ndifiskenge,
kuthaskika kukufuma kwa Fumu.”
10 Fumu yikalangula chisomba chira, ndipo chikamuwukulira Yona pa mtunda.
Currently Selected:
Yona 2: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
