Habakuku 3
3
Lurombo lwa Habakuku
Kwa uyo wakwimbiska sumu. Mwimbire bango.
1Lurombo lwa nchimi Habakuku kwakuyana na kayimbiro ka Shigiyonoti.
2Mwe Fumu, ndapulika lumbiri lwinu,
Mwe Fumu, mlimo winu ukutenthemeska.
Mukati mu mazuŵa ghano, muwuskeso mlimo winu,
mu nyengo zithu, umanyikwe mlimo weneuwu,
mu ukari winu, mukukumbuka kuchita vya lusungu.
3Chiuta wakiza kufuma mu charu cha Edomu,#3.3 charu cha Edomu: Bayibolo la chiHebere likuti, “Temani”.
Mutuŵa Yura kufuma ku Phiri la Parani.
Uchindami wakhe ukabenekerera mtambo,
ndipo charu chikazura na marumbo ghakhe.
4Kung'azima kwakhe kukaŵara nga ndi leza,
ungweru ukamwetuka kufuma mu woko lakhe,
mwenemumo mukabisika nkhongono zakhe.
5Panthazi pakhe pakaŵa chilengo,
ndipo pamanyuma pakhe pakaŵa nthenda yakofya.
6Wakimilira na kupima charu cha pasi;
wakalaŵiska na kuchita kuti mafuko ghatentheme.
Penepapo mapiri gha kale na kale ghakaparanyika,
tumapiri twa mutatakuya tukabwanthukira pasi.
Nthowa yakhe yakwendamo nja kale na kale.
7Nkhawona mahema gha ŵanthu ŵa ku Kushani,
ghali mu suzgo;
salu zakuchinga za ŵaMidiyani zikusunkhunika.
8Mwe Fumu, kasi mukakaripa chifukwa cha mironga?
Kasi mukakwiyira madambo?
Kasi mukatukutwira nyanja,
pa nyengo iyo mukakwera pa ŵakavalo ŵinu,
magareta ghinu ghakutonda?
9Mukafumya uta winu umo ukaŵa,
ndipo mukakoroŵeka mivwi pa chingwe.
Mukachigaŵa charu pa kwata mironga.
10Mapiri ghakamuwonani, ndipo ghakatenthema,
majigha gha maji ghakupoma,
ndimba yikandindima,
yikawuskira mawoko ghakhe muchanya na kuthera.
11Dazi na mwezi vikimilira nganganga,
mu malo ghawo ghakukharamo,
pakumwetuka kwa mivwi yinu yakuwuruka,
pakuŵala kwa mukondo winu wakung'azima.
12Mu ukari mukenda uku mukudumula charu,
ndipo mu kukwiya mukakandira pasi mafuko.
13Mukaruta kuya kaponoska ŵanthu ŵinu,
kuthaska wakuphakazgika winu.
Mukaphwanya mutu wa muheni yura,
mukamuvura kufuma ku mutu mpaka ku malundi.#3.13 kufuma ku mutu mpaka ku malundi: Mabayibolo ghanyakhe ghakuti, “Ghakamureka nkhule kufuma mu chigha mpaka mu singo”.
14Na mivwi yinu,
mukalasa murongozgi wa ŵasilikari ŵakhe,
para ŵasilikari ŵakhe ŵakiza,
nga ndi kavuruvuru kutiparanya ise.
Ŵakasekereranga nga ndi ŵachiŵembu,
awo ŵaŵawukira ŵakavu mu udesi.
15Mukakanda pa nyanja na ŵakavalo ŵinu,
mu majigha gha maji ghanandi.
16Nkhapulika, ndipo ine nkhatenthema,
mlomo wane ukambwambwantha pakupulika mazgu ghinu.
Viwangwa vyane vikamba kuvunda,
ndipo malundi ghane ghakaŵavye nkhongono.
Nditi ndilindilire chisisi zuŵa la suzgo,
apo soka lizamkuwira awo ŵakwimikana nase.
17Nangauli makuni gha vikuyu ghalije viphukira,
nanga ndi vipasi mu makuni gha mpheska,
nangauli maolive ghatondeke kupasa,
ndipo minda yireke kuŵa na vyakurya,
nangauli mberere zimare mu chitupa,
ndipo ng'ombe muŵavye mu viŵaya,
18ndipouli ndikondwenge mwa Fumu,
nditi ndiŵe na chimwemwe mwa Chiuta, Muponoski wane.
19Chiuta, uyo ndi Fumu, ndi nkhongono zane.
Iyo wakuzgora malundi ghane kuŵa nga ndi malundi gha nyiska,
na kundendeska pa malo ghane ghakukwera.#2 Sam 22.34; Mas 18.33
Currently Selected:
Habakuku 3: Tumbuka
Highlight
Share
Copy
Want to have your highlights saved across all your devices? Sign up or sign in
Bible Society of Malawi
