Mapisarema 130
130
Kuchema kwomutadzi kuna Jehovha
Rwiyo rworwendo.
1Ndakadanidzira kwamuri,
Jehovha, ndiri makadzika.
2Ishe inzwai izwi rangu;
Nzeve dzenyu ngadziteerere
Izwi rokukumbira kwangu.
3Dai imi Jehovha,
mairangarira zvisakarurama,
Ndianiko airamba amire, Ishe?
4Asi kukanganwirwa kuriko kwamuri,
Kuti vanhu vakutyei.
5Ndinorindira Jehovha, mweya wangu unorindira;
Ndinotarira shoko rake.
6Mweya wangu unorindira Ishe,
Kupfuura varindi vanorindira rungwanani;
Zvirokwazvo, kupfuura varindi
vanorindira rungwanani.
7Imi Isiraeri, tarirai kuna Jehovha;
Nokuti kuna Jehovha kune ngoni,
Uye kwaari kunokudzikinurwa kukuru.
8Iye achadzikinura Isiraeri
Panezvisakarurama zvake zvose.
Currently Selected:
Mapisarema 130: SNA2002
Highlight
Share
Copy
Want to have your highlights saved across all your devices? Sign up or sign in
© Shona Union Version 2002
