Mapisarema 125
125
Jehovha anopoteredza vanhu vake nokusingaperi
Rwiyo rworwendo.
1Vanovimba naJehovha
Vakafanana negomo reZioni, risingazununguswi,
asi rimire nokusingaperi.
2Sokupoteredzwa kweJerusaremu namakomo,
Saizvozvo Jehovha unopoteredza vanhu vake,
Kubva panguva ino kusvikira pakusingaperi.
3Nokuti tsvimbo youshe yezvakaipa
haingagari panhaka yavakarurama;
Kuti vakarurama varege kutambanudzira
maoko avo kune zvakaipa.
4Jehovha, itirai vakanaka zvakanaka,
Navane mwoyo yakarurama.
5Asi kana vari vanhu vanotsaukira
kunzira dzavo dzakaminama,
Jehovha achavaparadza pamwechete
navaiti vezvakaipa.
Isiraeri ngaave norugare!
Currently Selected:
Mapisarema 125: SNA2002
Highlight
Share
Copy
Want to have your highlights saved across all your devices? Sign up or sign in
© Shona Union Version 2002
