Mapisarema 122
122
Jerusaremu guta rinodikanwa
Rwiyo rworwendo; rwaDhavhidhi.
1Ndakafara panguva yavakati kwandiri,
“Hendei kumba kwaJehovha.”
2Tsoka dzedu dzimire
Pakati pamasuo ako, Jerusaremu;
3Jerusaremu, iwe wakavakwa
Seguta rakasanganiswa zvakanaka;
4Ndiko kunokwira ndudzi, ndudzi dzaJehovha,
Sezvakarairwa Isiraeri,
Kuti vavonge zita raJehovha.
5Nokuti ndiko kwakagadzwa zvigaro zvokutonga,
Zvigaro zvoushe zveimba yaDhavhidhi.
6Kumbirirai Jerusaremu rugare;
Vanokudai, vachakomborerwa.
7Rugare ngaruve mukati
mamasvingo ako,
Nokufarikana mukati medzimba dzako dzohushe.
8Nokuda kwehama dzangu neshamwari dzangu,
Ndichati zvino,
“Rugare ngaruve mukati mako.”
9Nokuda kweimba yaJehovha Mwari wedu
Ndichakutsvakira zvakanaka.
Currently Selected:
Mapisarema 122: SNA2002
Highlight
Share
Copy
Want to have your highlights saved across all your devices? Sign up or sign in
© Shona Union Version 2002
