Mapisarema 120
120
Munyengetero womunhu ari pakutambudzika
Rwiyo rworwendo.
1Pakutambudzika kwangu ndakadana kuna Jehovha,
Iye akandipindura.
2Rwirai mweya wangu, Jehovha,
pamiromo inoreva nhema,
Naparurimi runonyengedzera.
3Iwe uchapiweiko, chinyi chichawedzerwa kwauri,
Iwe rurimi runonyengedzera?
4Miseve inopinza yeanesimba,
Namazimbe anopfuta omurara.
5Ndine ropa rakaipa zvandiri mutorwa paMesheki,
Zvandigere pamatende eKedhari!
6Mweya wangu wakagara nguva refu
Neanovenga rugare.
7Ini ndinoda rugare;
Asi kana ndichitaura, ivo vanotsvaka kurwa.
Currently Selected:
Mapisarema 120: SNA2002
Highlight
Share
Copy
Want to have your highlights saved across all your devices? Sign up or sign in
© Shona Union Version 2002
