TITU Byalaanmaw
Byalaanmaw
Titus hynh Zentapaw thua zah Khriccaaw lang a tang te, Paul ryalawnaw kya a bawmtu te ryalahkheihtu lang yn tangpaw nynh thua. Titus kalan Paul Ccaky hynh Krete tuikoih kya Titus a um lyaze a kypaw thua zah tuin kya Khriccaaw cciakhaetu lang bawmtu mino lang a nungsyapaw nynh thua. Hynh-e ccaky nynh uccaw ccangthum a langsah:
(1) Khriccaaw piccan hae nynh hoi lanpaw hiinzia kha Titus kya a ho. Nysah thui ahonawpaw tuh Krete ccungccaw hae hynh hoyleinaw lante minthaan hae paw athua hae keiccu nynh thua.
(2) Khriccaaw lungkhu paawpihua hae, nungpihua hae (hynh-e nungpihua hae tuh mino nungpi hae a ccangpah pathy lan hae paw nynh thua hae), mino pise hae te see hae kha pawtepei ccangpya lan hae cipaw kha mah tuanaw a pya.
(3) Athangnaw kya ccangpahtu nynh Titus kha Khriccaaw hiinzia a ccangpya. Byapi lante tuh ming hae ryte daebabi lante vaeccawku aho zia, huakunaw, eikunaw te khriccaawbuu phianaw balyn sibia lan tuanaw a pya.
Alungkhu Umpaw
Byalaanmaw — 1.1-4
Khriccaaw cciakhaetu hae — 1.5-16
Khriccaawbuu kya phu patae hae mih rya hae — 2.1-15
Tuhounaw te raeringnaw pyanaw — 3.1-11
Athangnaw — 3.12-15
Currently Selected:
TITU Byalaanmaw: ZB16
Highlight
Share
Copy
Want to have your highlights saved across all your devices? Sign up or sign in
Zotung Bible © Bible Society of Myanmar, 2016.