MALAKHI 4
4
Bawipaw Nin Alesaepaw
1Somaee hawte asopaw nin tuh yn thua cih, a lysakuh hae paw te hoyleinaw a raetu hae balyn tuh ccatanphue athua cih hae; mih tharui te mih karan hae kha a laehypaw um lei lan ciate tuh-e nin nynh khaleih a u cih hae, cite vaaw Bawipaw nynh a ci. 2Thuasalama ka min saw na tua oh paw nanning hanlan tuh a sake kya dannaw a umpaw dingnaw khuanin yn thua cih. Sahiinkhia kyate vaetuataw hae thohkute a pou hae hawte lungtuate na pou cih oh. 3Ka paccynpaw nin kyakhe ccungccaw hoylei hae paw kha na syde cih oh zah, nae ccuphe kaw khe buhhaw lang a tang cih hae, cite vaaw Bawipaw nynh a ci.
4Ka ryalahtu Moses a ccangpyanaw kha liathui oh, Israel hae balyn hanlan Horeb mua kya amaw ka pyapaw phungbya hae te phungzae hae kha liathui oh.
5Alesaepaw nin te ri lan umpaw nin, Bawipaw nin yn thua mawkhe, profeh Elijah kha nae kalan kae saw cih.#Mat 11.14, 17.10-13; Mar 9.11-13; Luk 1.17; Joh 1.21 6Ram kha thyalawte detah khylan kae thua khyh nawlan, aning nynh nungpaaw hae kha ccaaw hae te thuasah, ccaaw hae kha nungpaaw hae te thuasah a ccawsakuh thui cih hae.
Currently Selected:
MALAKHI 4: ZB16
Highlight
Share
Copy
Want to have your highlights saved across all your devices? Sign up or sign in
Zotung Bible © Bible Society of Myanmar, 2016.
