ATITI AWM ANGCHEI NAI 28

1Hunaibaly Isaka ly Jakob ai palau i ni teng y, “Nang ly Kanan cheng neampachy hawi yhmtheaung so moh. 2Nang ly Misopotamia pri y awm nai ngamsi Bethuela teng y chei; ngampu Labana i chaniu anglo theung i nai leaung leaungrei ai lo. 3Ati cheaungkhang sa thai nai Tameuh ly nang ai amtheaung hai ai i, deaungdi neangneang peung hai iy nang ai khumi cheng cheaungkhangchi i ampo lawn hai sy! 4Tameuh ly Abraham ai amtheaung hai nai kamta, nang i kangpreangchi ai py amtheaung hai sy; naibaly Abraham teng y Tameuh my pei nai nang i awm nai hini pri py nang amtym sy!” napi.#AA 17.4–8 5Isaka ly Aramean cheng Bethuela i chapo Labana i awm nai Misopotamia pri y Jakob ai pato vui bo. Labana ly Jakob hawi Esaw nini i amhm Rebeka i ampro ne.

Esaw ly aju la bi nai

6Esaw ly Isaka my Jakob ai amtheaung hai iy aju hau ai nai Misopotamia pri y pato jo nai ai py, huna nai Jakob ai amtheaung naira pei nai thym khala, Kanan cheng neampachy hawi yhmtheaung so y ai nai leu taviu nai py, 7Jakob ly ampo hawi amhm i leu tangai naimy Mesopotamia pri y chei jo nai py mymy ly pany bo. 8Esaw ly ampo Isaka my Kanan cheng neampachy ai pom ai nai ngai hai y nai py pany nai ne. 9Hunai deaungkho y Esaw ly Abraham i chapo Ismaela teng chei iy, ni i chaniu Mahalath hawi apom bo. Mahalath ly Nebaioth i tuicho ne.

Bethela meingtym y Jakob i amang amang nai

10Jakob ly Beraseba i nai theu iy Haran mary mang y chei bo. 11Kani dym nai kha y meingtym kachai#28.11 meingtym kachaira; ti y baly meingtym ne, y tym i, hu y jei bo. Mymy ly i ai nai aseaung i lengseaung harei ai lu tleang nai ne. 12Mymy ly amang mang y khaileaung dengdairei kani y angteu nai khailei mang kani pri amtaw thai naichi ly avum kathiu kalau nai niu bo.#Jh 1.51 13Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.#AA 13.14–15 14Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.#AA 12.3, 22.18 15Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

16Jakob ly i anglaw i, “Areng ly hini meingtym y awm angchi khyp! Kai kapany y lawh ly! 17Hini ly jei ai hawi parai nai meingtym ne na a! Hini meingtym ly Tameuh awmra yhm, kani katheu pa-kho py ne ai,” nanai jei naimy thui bo.

18Jakob ly khawn angthodyh ang thau iy lu tleang nai lengseaung la i pany jo ai nai leng bo. Naibaly mymy ly huni lengseaung salo y olive asitui lei i, Tameuh teng y au nai ne. 19Mymy ly huni meingtym ai Bethela,#28.19 Bethela: Hebrai leu y “Tameuh i yhm,” nanai sai ne. nanai amyn pathi bo. (Huni meingtym ly Luza mary kangngym ne.) 20Naibaly Jakob ly Areng teng y, “Nang ly kai hawi vanrei awm hai ly kai chei naira tleirei y kry jojo ai; teicha teineichi py, ateaungchi py kai ai pei iy, 21ngaai i yhm y kai ai chymme naimy tym hai ali teang baly, nang ly kai i Tameuh ne ai. 22Hini pany jo ai nai kai i lengseaung leng nai meingtym ly nang ai chiu nai meingtym lawm ai; naibaly nang i amtheaung hai nai theung i horei y harei kang talam jojo ai,” nanai vaineng abeu bo.

Currently Selected:

ATITI AWM ANGCHEI NAI 28: KCL02

Highlight

Copy