Zakari 9
9
DEZYEM PATI LIV LA
(9—14)
Bondye pral jije nasyon yo
1Men mesay Senyè a bay pou fè konnen volonte li: Li pran desizyon pou l pini moun peyi Adrak yo ansanm ak moun lavil Damas yo. Se pa sèlman branch fanmi Izrayèl yo ki pou Senyè a. Tout latè nèt #9.1: Tout latè nèt: Osinon dapre tèks ebre a: Je tout moun. se pou li. 2Peyi #Eze 28.3-5 Amat ki sou fontyè peyi Adrak la pou li tou. Moun lavil Tir ak moun lavil Sidon yo ki gen anpil ladrès, se pou li yo ye tou. 3Lavil Tir bati gwo miray ranpa ak fò. Yo anpile lò ak ajan lakay yo tankou pousyè granchemen. 4Men, #Eze 26.17; 28.18 Senyè a pral pran lavil la pou li. Li pral voye tout richès li yo nan lanmè. Dife pral boule lavil la nèt.
5Moun #Sof 2.4 lavil Askalon yo pral wè sa, yo pral pè. Moun Gaza yo pral tranble kou fèy bwa. Moun lavil Ekwon yo tou, paske yo p'ap jwenn sa yo t'ap tann lan. Lavil Gaza pral pèdi wa li a. Lavil Askalon pral rete san moun ladan l. 6Moun san mele yo pral rete lavil Asdòd. M'ap kraze lògèy moun Filisti yo. 7Yo #Lev 3.17; Eza 14.1; 66.17; Zak 12.5 p'ap manje vyann ak tout san li ladan l ankò, ni okenn lòt vye manje yo te konn manje yo. Tout moun ki va chape anba lanmò va fè pati pèp Bondye a. Y'ap tankou yon branch nan fanmi Jida a. Moun Ekwon yo va menm jan ak moun Jebis yo. 8Mwen #Zak 10.4; 12.4 pral kanpe tankou gad k'ap fè pòs nan mitan peyi a pou anpeche lòt lame pase ale vini ladan l. Mwen p'ap kite gwo chèf vin peze yo ankò. Mwen te wè jan pèp mwen an tan soufri.
Wa ki gen pou vini an
9Nou #Jer 23.5; Mat 11.29; 21.5 menm moun ki rete sou mòn Siyon an, fè fèt, fè gwo fèt!
Nou menm moun lavil Jerizalèm, rele, chante tèlman nou kontan!
Gade! Men wa nou an ap vin jwenn nou!
Li rann jistis san patipri.
Li genyen batay la.
Li san lògèy. Li moute yon bourik,
yon ti bourik dèyè manman.
10Senyè a #Sòm 72.8; Oze 1.7; Mi 5.5,10 di:
— M'ap wete tout cha lagè ki nan peyi Efrayim.
M'ap wete dènye chwal ki nan lavil Jerizalèm.
M'ap kraze dènye banza yo sèvi pou fè lagè.
Wa nou an pral fè tout nasyon yo viv byen yonn ak lòt.
M'ap gouvènen depi yon lanmè jouk nan lòt lanmè a,
depi larivyè Lefrat jouk nan dènye bout latè.
Pèp Bondye a ap kanpe ankò
11Senyè a #Jen 37.24; Egz 24.8; Eza 42.7; 51.14 di:
— Akòz kontra mwen pase avè nou an,
kontra ki siyen ak san bèt yo ofri yo,
m'ap fè lage moun ou yo ki te nan prizon,
m'ap wete yo nan fon sitèm san dlo a.
12Nou #Eza 61.7; Jer 31.17 menm prizonye k'ap tann delivrans yo,
tounen, tounen non nan sitadèl kote n'a jwenn pwoteksyon an!
Jòdi a, men sa m'ap di nou: n'ap resevwa de fwa plis benediksyon
pase soufrans mwen te voye sou nou an.
13Mwen #Eze 27.13 pral sèvi ak moun Jida yo tankou banza pou fè lagè,
ak moun Efrayim yo tankou flèch.
Mwen pral sèvi ak moun mòn Siyon yo tankou nepe nan men vanyan sòlda,
pou y'al goumen ak moun peyi Lagrès yo.
14Senyè a #Sòm 18.14; Eza 21.1 pral parèt anlè tèt pèp li a.
Li pral voye flèch li yo tankou zèklè.
Senyè a, Bondye a, pral kònen twonpèt la.
Li pral mache nan van siklòn k'ap soufle sòti nan sid.
15 # 9.15: Dènye fraz nan vèsè sa a pa klè nan tèks ebre a. Senyè #Lev 4.18 ki gen tout pouvwa a pral pwoteje pèp li a.
Yo pral kraze zam lènmi yo anba pye yo.
Pandan batay la, yo pral rele tankou moun sou.
Yo pral fè san lènmi yo koule.
Li pral koule tankou san bèt yo touye sou lotèl yo.
16Jou #Eza 62.3 sa a, Senyè a, Bondye yo a, va delivre yo.
Tankou yon bon gadò, l'ap sove bann mouton l yo.
Yo pral klere nan peyi li a
tankou bèl pyè nan yon kouwòn.
17Ala #Eza 62.8,9; Jer 31.12 bon sa pral bon nan peyi a!
Ala bèl peyi a pral bèl!
Jenn gason ak jenn fi pral grandi
ak tout grenn jaden ak tout diven yo pral rekòlte nan peyi a.
Currently Selected:
Zakari 9: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
