Tit 3

Jan yon kretyen fèt pou viv

1Fè yo chonje se pou yo soumèt devan tout #1 Pyè 2.13 chèf ak tout otorite, pou yo obeyi yo, pou yo toujou pare pou fè tou sa ki byen. 2Yo #Fil 4.5 pa dwe nan pale moun mal, yo pa dwe nan fè kont ak pèsonn. Se pou yo gen pasyans ak tout moun, se pou yo aji ak dousè ak tout moun. 3Paske, #1 Kor 6.11; Ef 2.2; 5.8 nou menm tou, nan tan lontan nou te tankou moun fou, nou pat obeyisan devan Bondye, nou te tankou moun ki pèdi chemen yo. Nou te esklav tout kalite move dezi ak move plezi. Nou t'ap viv ak mechanste, ak jalouzi nan kè nou. Moun te rayi nou, epi nou menm, nou te rayi yo tou. 4Men, #Tit 2.11; Pwo 8.31 lè Bondye fè nou wè jan li gen bon kè, jan li renmen tout moun, 5li #Ef 2.8,9; 5.26; Jan 3.5; 2 Tim 1.9 te delivre nou. Li pat delivre nou paske nou te fè kèk bagay ki bon, men paske li menm li te gen pitye pou nou. Li delivre nou lè li lave nou, li voye pouvwa Sentespri li nan nou pou chanje nou nèt, pou n te ka viv yon lòt jan. 6Bondye #Jowèl 2.28 voye Sentespri li sou nou an kantite, gremesi Jezi, Kris la, ki delivre nou. 7Avèk #Wòm 3.24 favè sa a Bondye fè nou an, li fè nou gras. Kounyeya nou ka resevwa sa n'ap tann lan: lavi ki p'ap janm fini an. 8Sa se pawòl sèten.

Mwen ta renmen ou peze sou bagay sa yo anpil pou tout moun ki mete konfyans yo nan Bondye ka okipe tout tan yo ap fè sa ki byen. Se bagay konsa ki bon, ki kapab sèvi tout moun. 9Pa #1 Tim 4.7 antre nan okenn vye diskisyon san sans, ni nan chache konnen non gran granparan moun, ni nan chache kont, ni nan goumen pou lalwa Moyiz la. Bagay sa yo pa sèvi anyen, yo pa vo anyen. 10Si #2 Jan 10; Mat 18.15,16 yon moun vle mete divizyon, pale avè l yon premye fwa, yon dezyèm fwa. Si li pa koute ou, pa okipe li. 11Paske #1 Tim 6.4,5 ou konnen byen, yon moun konsa fin pèdi. Se pwòp peche li ki kondannen li.

Dènye konsèy

12Lè #2 Tim 4.12 m'a voye Atemas osinon Tichik ba ou, fè posib ou pou ou vin jwenn mwen lavil Nikopolis, paske se la mwen fè lide pase sezon fredi a. 13Fè #Tra 18.24; 1 Kor 3.5,6 sa ou kapab pou mèt Zenas, avoka a, ansanm ak Apolòs, pou yo pa manke anyen pou vwayaj yo a. 14Se #Tit 2.14; Mat 7.19; Ef 4.28,29 pou moun nou yo aprann fè sa ki byen tou, pou yo bay lè gen ka nesesite. Yo pa fèt pou y'ap viv konsa san yo pa bay anyen.

15Tout moun ki avè m yo voye bonjou pou ou. Di tout zanmi nou nan lafwa yo bonjou. Mwen mande pou Bondye ban nou tout favè li.

Currently Selected:

Tit 3: HAT98

Highlight

Copy