Sòm 149
149
SÒM 149
Lwanj Bondye ki ban nou laviktwa
1Lwanj #Sòm 33.3; 89.5; Sòm 95.6; Zak 9.9 pou Senyè a!
Chante yon chante tou nèf pou Senyè a!
Fè lwanj li nan mitan tout moun k'ap sèvi l yo lè yo reyini!
2Se pou pèp Izrayèl la fè kè l kontan, paske se li menm ki fè yo.
Se pou tout pèp Siyon an fè fèt,
paske se li menm ki wa yo.
3Se #Egz 15.20; 2 Sam 6.14 pou nou danse pou fè lwanj li!
Se pou nou bat tanbou, se pou nou jwe gita pou li!
4Senyè a #Sòm 35.27; 147.11; Pwo 11.20 pran plezi l nan pèp li a,
li fè bèl bagay pou malere yo, li delivre yo.
5Se #Jòb 35.10; Sòm 63.6 pou pèp Bondye a fè kè yo kontan,
paske yo genyen batay la.
6Se #Sòm 66.17; Eb 4.12; Rev 1.16 pou yo rele byen fò
lè y'ap fè lwanj Bondye,
avèk nepe nan men yo,
7pou tire revanj sou nasyon yo,
pou pini pèp yo,
8pou yo mete wa yo nan chenn,
pou mete grannèg yo nan sèp an fè,
9pou ba yo chatiman ki te ekri a.
Se va yon bèl bagay pou tout moun k'ap sèvi Bondye.
Lwanj pou Senyè a!
Currently Selected:
Sòm 149: HAT98
Highlight
Share
Copy
Want to have your highlights saved across all your devices? Sign up or sign in
Haitian Creole DC Bible © Societé Biblique Haïtienne, 1998.
