Nonb 7

Ofrann chèf fanmi moun Izrayèl yo

1Jou Moyiz te fin moute kay Bondye a, #Egz 40.17-18; Lev 8.10,11 li vide lwil sou li pou li konsakre li bay Bondye. Li mete li apa pou Bondye ansanm ak tout bagay ki mache avè li nan tanp lan, lotèl la ak tout bagay ki sèvi pou li. 2Apre #Nonb 1.4-16 sa, chèf fanmi moun Izrayèl yo, chèf douz branch fanmi pèp Izrayèl la, vin pote ofrann yo. Se chèf sa yo ki te reskonsab fè resansman an. 3Men sa yo te ofri bay Senyè a: Sis kabwèt ak douz towo bèf: yon kabwèt pou chak de bèf ak yon bèf pou chak chèf. Yo mennen yo devan kay Bondye a epi yo ofri yo ba li. 4Lè sa a, Senyè a di Moyiz konsa:

5— Ou mèt asepte kado sa yo nan men yo. W'a sèvi ak yo nan travay ki gen pou fèt nan Tant Randevou a. W'a bay moun fanmi Levi yo kabwa yo, dapre travay ki sou kont yo.

6Se konsa, Moyiz pran kabwa yo ak bèf yo, li bay moun Levi yo. 7Li #Nonb 4.24-26 bay moun fanmi Gèchon yo de kabwa ak kat bèf, dapre travay li konnen ki sou kont yo. 8Li #Nonb 4.31-33 bay moun fanmi Merari yo kat kabwa ak wit bèf, dapre travay li konnen ki sou kont yo, travay pou yo fè sou lòd Itama, pitit Arawon, prèt la. 9Men #Nonb 3.31; 4.15; 2 Sam 6.13; 1 Kwo 15.15 li pa bay noun Keyat yo anyen, paske se sou zepòl yo pou yo pote tout bagay ki nan kote ki apa nèt pou Bondye a.

10Chèf #1 Wa 8.63 yo te fè lòt ofrann pou lotèl la, jou yo t'ap vide lwil sou li pou konsakre li bay Bondye a. Yo mete ofrann yo devan lotèl la. 11Senyè a di Moyiz konsa:

— Chèf yo va pote ofrann yo pou sèvis y'ap fè pou mete lotèl la apa pou mwen. Y'a vini yonn apre lòt, yonn chak jou.

12Chèf yo vini vre, yo fè ofrann yo yonn apre lòt. Premye jou a, se te tou pa Nakchon, pitit gason Aminadab la, chèf branch fanmi Jida a. 13Men #Egz 29.40,41; Lev 2.4-7; Nonb 15.4 sa li te ofri: yon bòl an ajan ki peze twa liv enka, yon plat an ajan ki peze yon liv twaka, dapre sistèm yo sèvi nan tanp lan. Ni bòl la ni plat la te plen farin frans melanje ak lwil ki te sèvi pou ofrann grenn jaden yo. 14Li #Egz 30.34,35 te ofri tou yon kiyè an lò, ki peze yon ka liv, plen lansan, 15yon #Lev 1.2,3 jenn ti towo bèf, yon belye mouton ak yon ti mouton ki poko gen ennan, tou sa pou yo boule nèt pou Senyè a. 16Li #Lev 4.23,24 te ofri ankò yon bouk pou yo touye pou repare sa yo fè ki mal, 17de #Lev 3.1,6,12 towo, senk belye, senk bouk, senk ti mouton ki poko gen ennan pou ofrann pou di Bondye mèsi. Se ofrann sa a Nakchon, pitit gason Aminadab la, te ofri bay Senyè a.

18Dezyèm jou a, se te tou pa Netanèl, pitit gason Swa a, chèf branch fanmi Isaka a. 19-23#7.19-23: Nan tèks ebre a yo repete menm fraz nou jwenn nan vèsè 13 pou rive nan vèsè 17 la apre non chak chèf branch fanmi yo. Nou menm nou annik di: Li ofri menm bagay ak Nakchon. Li ofri menm bagay ak Nakchon.

24Twazyèm jou a, se te tou pa Eliyab, pitit gason Elon an, chèf branch fanmi Zabilon an. 25-29Li ofri menm bagay ak Nakchon.

30Katriyèm jou a, se te tou pa Elisou, pitit gason Chedeyou a, chèf branch fanmi Riben lan. 31-35Li ofri menm bagay ak Nakchon.

36Senkyèm jou a, se te tou pa Cheloumyèl, pitit gason Sourichadayi a, chèf branch fanmi Simeyon an. 37-41Li ofri menm bagay ak Nakchon.

42Sizyèm jou a, se te tou pa Elyasaf, pitit gason Dewèl la, chèf branch fanmi Gad la. 43-47Li ofri menm bagay ak Nakchon.

48Setyèm jou a, se te tou pa Elichama, pitit gason Amiyoud la, chèf branch fanmi Efrayim lan. 49-53Li ofri menm bagay ak Nakchon.

54Uityèm jou a, se te tou pa Gamaliyèl, pitit gason Pedachou a, chèf branch fanmi Manase a. 55-59Li ofri menm bagay ak Nakchon.

60Nevyèm jou a, se te tou pa Abidan, pitit gason Gideyoni an, chèf branch fanmi Benjamen an. 61-65Li ofri menm bagay ak Nakchon.

66Dizyèm jou a, se te tou pa Ayezè, pitit gason Amichadayi a, chèf branch fanmi Dann lan. 67-71Li ofri menm bagay ak Nakchon.

72Onzyèm jou a, se te tou pa Pagiyèl, pitit gason Okran an, chèf branch fanmi Asè a. 73-77Li ofri menm bagay ak Nakchon.

78Douzyèm jou a, se te tou pa Ayira, pitit gason Enan an, chèf branch fanmi Neftali a. 79-83Li ofri menm bagay ak Nakchon.

84Men ofrann tout chèf yo te pote pou lotèl la, jou yo t'ap vide lwil sou li pou konsakre li bay Bondye a: douz bòl ak douz plat ajan, douz kiyè lò. 85Chak bòl an ajan te peze twa liv enka (¼), chak plat an ajan te peze yon liv twaka (¾). Sa te fè antou swasant liv ajan, dapre sistèm yo sèvi nan tanp lan. 86Chak kiyè an lò pou lansan an te peze yon ka liv, dapre sistèm pèz yo sèvi nan kay Bondye a. Sa te fè antou pou douz kiyè yo twa liv lò.

87Men #Nonb 7.1,10 kantite bèt yo te ofri antou pou boule nèt pou Senyè a ansanm ak ofrann grenn jaden ki mache ak yo: douz towo, douz belye, douz ti mouton ki poko gen ennan. Yo te bay douz bouk tou pou yo touye pou repare sa yo fè ki mal. 88Men kantite bèt yo te ofri an total pou di Bondye mèsi: vennkat jenn ti towo, swasant belye, swasant bouk ak swasant ti mouton ki poko gen ennan.

Se ofrann sa a yo te fè pou mete lotèl la apa nèt pou sèvis Senyè a, apre yo te fin vide lwil sou li.

89Chak #Egz 25.22; 33.9-11; Nonb 12.8 fwa Moyiz te antre nan Tant Randevou a pou l pale ak Senyè a, li te tande vwa Senyè a ki t'ap pale avè l anwo kouvèti espesyal ki sou Bwat Kontra a, nan mitan de zanj cheriben yo.

Currently Selected:

Nonb 7: HAT98

Highlight

Copy