Nonb 18

1Senyè a di Arawon konsa:

— Se #Egz 28.38; Nonb 18.23 ou menm, pitit gason ou yo ansanm ak tout lòt moun nan branch fanmi Levi a, ki va reskonsab tout bagay mal ki pase nan tant yo mete apa pou Bondye a. Men, se ou menm ak pitit gason ou yo ase ki va reskonsab tout bagay mal ki pase nan travay prèt yo gen pou fè a. 2W'a #Nonb 3.6-9 pran fanmi ou yo, moun branch fanmi Levi, granpapa ou la, w'a mete yo ansanm avè ou pou yo ka ede ou, pandan ou menm ak pitit gason ou yo, n'ap fè travay nou devan Tant Randevou a. 3Y'a #Nonb 3.25,31,36; 4.15; 16.40 fè tou sa yo gen pou yo fè pou ou, ak tou sa pou yo fè nan kay Bondye a. Men se pa pou yo janm pwoche bò bagay yo konsakre pou Bondye, ni bò lotèl yo. Si yo fè sa, ni ou menm, ni yo menm, n'ap mouri. 4Y'a travay ansanm avè ou, y'a fè tou sa y'a gen pou yo fè nan kay Bondye a, nan tout travay ki gen pou fèt nan kay Bondye a. Pèsonn lòt pa gendwa travay avè ou. 5Men, #Nonb 3.38; 16.46 ou menm ak pitit gason ou yo, n'a fè tou sa nou gen pou nou fè nan kote ki apa pou Senyè a, tou sa nou gen pou nou fè pou lotèl la. Konsa, mwen p'ap janm fache ankò sou moun pèp Izrayèl yo. 6Se #Nonb 3.9,12 mwen menm ki te pran fanmi ou yo, moun Levi yo, ki te chwazi yo nan mitan tout moun pèp Izrayèl yo, mwen mete yo apa pou mwen. Se mwen ki ba ou yo pou yo ka travay nan Tant Randevou a. 7Men, #Nonb 1.51; 3.10; Eb 9.3,6 se ou menm sèl ak pitit gason ou yo ki pou fè travay prèt yo bò lotèl la ak dèyè rido a. Sa se travay pa nou sa. Mwen ban nou pouvwa pou nou sèvi m prèt. Se yon kado mwen fè nou. Se pou yo touye nenpòt lòt moun ki va pwoche bò bagay yo mete apa pou mwen yo.

Pòsyon pa prèt yo nan ofrann yo

8Apre #Egz 29.7,29; 40.13,15; Lev 7.30-34 sa, Senyè a di Arawon konsa:

— Chonje mwen pran yon pòsyon nan tout ofrann moun pèp Izrayèl yo fè pou mwen, mwen ba ou yo. Se va pòsyon ki va toujou rete pou ou ak pou pitit gason ou yo depi lè mwen te mete nou apa pou mwen an, dapre regleman ki la pou tout tan tout tan an. 9Nan #Lev 2.2,3; 6.25,26; 7.6,7; 10.12,13; 14.13 ofrann yo mete apa nèt pou mwen yo, lè ou fin wete pòsyon pou boule nan dife a, tout rès la va pou nou: tout ofrann grenn ki donnen nan jaden, tout ofrann pou mande Bondye padon, tout ofrann pou repare sa yo fè ki mal. Tou sa yo ofri ban mwen tankou yon ofrann yo mete apa pou mwen, se pou ou ak pou pitit gason ou yo y'a ye. 10N'a manje yo yon kote yo mete apa pou Senyè a. Se gason ase ki pou manje ladan yo. Konsidere ofrann sa yo tankou bagay ki apa pou Senyè a.

11Lèfini, #Egz 29.27,28; Lev 7.30,34; 10.14; 22.2,3,11-13; Det 18.3 tout ofrann espesyal moun pèp Izrayèl yo va fè pou yo balanse devan Senyè a, se pou ou yo va ye tou. M'ap ba ou yo pou ou, pou pitit gason ou yo ak pitit fi ou yo, dapre yon regleman k'ap la pou tout tan tout tan. Tout moun nan fanmi ou ki nan kondisyon pou fè sèvis pou mwen va gendwa manje ladan l. 12M'ap #Egz 23.19; Det 18.4 ba ou tou tousa ki pi bon nan premye fwi rekòt y'ap ofri bay Senyè a chak lanne: lwil oliv, diven ak grenn ki donnen nan jaden. 13Tout #Egz 22.29; Lev 2.14; Det 26.2 premye fwi ki mi nan peyi a, fwi yo ofri bay Senyè a, se va pou ou tou. Tout moun lakay ou ki nan kondisyon pou sèvi Senyè a va gendwa manje ladan yo. 14Tout #Lev 27.28 bagay moun pèp Izrayèl yo pran angajman mete apa pou Senyè a va pou ou tou.

15Tout #Egz 13.2,13 premye pitit, kit se moun, kit se bèt, y'a konsakre yo pou mwen epi se pou ou yo va ye tou. Men se pou ou asepte yo peye ou pou chak premye pitit bèt ki pa ka sèvi ofrann pou mwen.

16Lè #Lev 27.2,6 premye pitit gason an va gen yon mwa, w'a fè yo peye ou senk pyès ajan dapre sistèm yo sèvi nan kay Bondye a, - ven gera pou yon pyès ajan -, pou yo ka achte lavi l nan men m. 17Men, #Lev 3.2-5; Det 15.19 premye ti mal yon manman bèf osinon yon manman kabrit oswa yon manman mouton fè, ou p'ap asepte anyen pou yo. Se bagay ki apa pou mwen. Se pou yo touye yo. Y'a vide san yo sou lotèl la, w'a boule grès yo. Se va yon ofrann yo boule nèt pou mwen, yon ofrann bon sant li va fè mwen plezi. 18Men, #Egz 29.26-28; Lev 7.34 vyann yo va rete pou ou ansanm ak vyann pwatrin lan ak jigo dwat ki te deja pou ou a.

19M'ap #Lev 2.13; 2 Kwo 13.5 ba ou pou ou menm, pou pitit gason ak pitit fi ou yo sa y'a retire nan tout ofrann moun pèp Izrayèl yo va mete apa pou mwen. Se va yon regleman k'ap la pou tout tan, se yon kontra ki p'ap janm kase ni ki p'ap janm gate mwen fè la a ak ou, pou ou ak pou tout ras fanmi ou.

20Apre #Det 10.9; 18.1,2; Joz 13.14,33; Eze 44.28 sa, Senyè a di Arawon konsa:

— Ou p'ap jwenn okenn pòsyon nan tè eritaj ki pou pèp la. Ou p'ap janm gen yon moso tè ki va rele ou pa ou nan peyi a. Se mwen menm ki tout ou, se mwen menm ki tout byen ou nan mitan pèp Izrayèl la.

Pòsyon pa moun Levi yo nan ofrann yo

21Sènyè a #Lev 27.30,32; Det 12.17-19; Ney 10.37; Eb 7.5 di konsa:

— Mwen mete tout ladim moun Izrayèl yo va bay la apa pou moun branch fanmi Levi yo, pou sèvis y'ap rann nan tanp lan, pou travay y'ap fè nan Tant Randevou a. 22Moun #Nonb 1.53 pèp Izrayèl yo pa janm bezwen pwoche bò Tant Randevou a. Konsa, yo p'ap rive fè yon peche ki pou ta fè yo mouri. 23Depi kounyeya, se moun Levi yo ki va pran swen tout bagay nan Tant Randevou a. Y'a reskonsab pou tout bagay mal y'a fè. Sa se yon lòd sevè pou tout moun swiv de pitit an pitit. Se konsa yo menm tou, yo p'ap gen tè k'ap rele yo pa yo pou tout tan nan mitan pèp Izrayèl la. 24M'ap bay moun Levi yo tout ladim moun pèp Izrayèl yo pran sou sa yo genyen pou ofri bay Senyè a.

Se poutèt sa, mwen di moun fanmi Levi yo p'ap gen okenn pòsyon tè ki pou rele yo pa yo nan peyi Izrayèl la.

Ladim

25Senyè a pale ak Moyiz ankò, li di l:

26— Pale #Ney 10.38 ak moun Levi yo, di yo konsa: Lè n'a resevwa nan men moun pèp Izrayèl yo ladim Senyè a ban nou pou byen pa nou, n'a wete yon dizyèm (1/10) ladan l pou mwen. Se va ofrann ladim pa nou bay Senyè a. 27Y'a konsidere ofrann sa a tankou ofrann lòt moun yo fè sou farin ble ak diven apre chak rekòt. 28Konsa, nou menm tou, n'a pran yon pòsyon nan tout ofrann ladim moun pèp Izrayèl yo va fè, n'a mete l apa pou mwen. Epi n'a pran pòsyon nou wete pou Senyè a nan sa ki pou nou an, n'a renmèt li bay Arawon, prèt la, pou tèt pa li. 29N'a pran sa ki pi bon nan tout sa ki pou nou an, n'a ofri l bay Senyè a.

30W'a di yo tou: Lè moun Levi yo fin pran sa ki pi bon nan tou sa ki pou vin pou yo a, y'a konsidere rès ki rete a tankou rekòt farin ble ak diven yo menm yo fè. 31Y'a #Mat 10.10; Lik 10.7; 1 Kor 9.13; 1 Tim 5.18 manje l kote yo vle, ansanm ak tout moun lakay yo. Se tankou lajan yo ba yo pou travay y'ap fè nan Tant Randevou a. 32Depi #Lev 22.2,15 nou ofri sa ki pi bon an bay Senyè a, nou mèt manje rès la san kè sote, anyen p'ap rive nou. Piga nou derespekte bagay moun pèp Izrayèl yo mete apa pou mwen. Si nou fè sa, n'ap mouri.

Currently Selected:

Nonb 18: HAT98

Highlight

Copy